ഗൂഗിളിന് ഇത് എന്ത് പറ്റി, എൻറെ ഗൂഗിൾ ന്യൂസ് ഇങ്ങനല്ല

ലോകമെമ്പാടുമുള്ള ദശലക്ഷക്കണക്കിന് ഉപയോക്താക്കൾക്ക് ഗൂഗിൾ ന്യൂസും ഗൂഗിൾ ഡിസ്‌കവറിയും വർക്ക് ചെയ്യാത്ത വിധത്തിൽ പണിമുടക്കിയിരുന്നു. ഡൗൺ ഡേക്ടർ (DownDetector) പറയുന്നതനുസരിച്ച്, പണിമുടക്ക് ഡെസ്ക്ടോപ്പ് പേജ്, ഐഒഎസ് (iOS), ആൻഡ്രോയിഡ് (Android) ആപ്പുകൾ എന്നിവയെ ബാധിച്ചു. മെയ് 31ന് രാവിലെ ഇന്ത്യൻ സമയം വൈകിട്ട് 05:30ന് ആണ് സംഭവം. ഈ വിഷയത്തിൽ ഗൂഗിൾ ഔദ്യോഗിക പ്രസ്താവനകളൊന്നും പുറത്ത് വിട്ടിട്ടില്ല. എന്നിരുന്നാലും, ഗൂഗിൾ ന്യൂസും ഗൂഗിൾ ഡിസ്‌കവറും ആൻഡ്രോയിഡിലും ഡെസ്‌ക്‌ടോപ്പിലും പ്രവർത്തിക്കാൻ തുടങ്ങിയതിനാൽ പ്രശ്‌നം പരിഹരിച്ചതായി തോന്നുന്നു.

ഗൂഗിൾ ന്യൂസ് ഔട്ടേജ് നേരിട്ട സ്ഥലങ്ങൾ: ഒഹായോ, ഫ്ലോറിഡ എന്നിവയുൾപ്പെടെ യുകെയിൽ ഉടനീളമുള്ള യുണൈറ്റഡ് സ്റ്റേറ്റ്‌സ്, ലണ്ടൻ മുതൽ മാഞ്ചസ്റ്റർ വരെയുള്ള ഉപയോക്താക്കളെ ഈ പ്രശ്നം ബാധിച്ചു. ഇന്ത്യ, കാനഡ, യൂറോപ്പ് തുടങ്ങിയ മറ്റ് പ്രദേശങ്ങളിലും പ്രശ്നങ്ങൾ റിപ്പോർട്ട് ചെയ്തു. കാഷെ ചെയ്‌ത പഴയ കണ്ടന്റുകൾ ഗൂഗിൾ ഡിസ്‌കവർ കാണിക്കുന്നത് തടസ്സം വർദ്ധിപ്പിച്ചു.

സേവന തടസ്സം സ്ഥിരീകരിക്കാൻ പല ഉപയോക്താക്കളും Xൽ പോസ്റ്റുകൾ ഇട്ടിരുന്നു. പല പോസ്റ്റുകളിലും ട്രോളുകൾ പോലെയുള്ള തമാശ കലർത്തിയ പോസ്റ്റുകളും കാണപ്പെട്ടു. ഗൂഗിൾ വാർത്ത തകർന്നത് അങ്ങേയറ്റം അപകീർത്തികരമായി തോന്നുന്നു എന്ന് ഒരു ഉപയോക്താവ് അഭിപ്രായപ്പെട്ടു. മറ്റ് അഭിപ്രായങ്ങളും സമാനമായ വികാരങ്ങൾ പ്രകടിപ്പിച്ചു.

ഗൂഗിളിന് ഒരു വെല്ലുവിളി നിറഞ്ഞ ആഴ്ച ആയിരുന്നു കടന്ന് പോയത്. അടുത്തിടെ, ഗൂഗിളിൻ്റെ സേർച്ച് അൽഗോരിതം സംബന്ധിച്ച വിശദാംശങ്ങൾ വെളിപ്പെടുത്തുന്ന എപിഐ ഡോക്യുമെൻ്റേഷൻ്റെ 2,500 പേജുകൾ ചോർന്നു. ഗൂഗിളിൻ്റെ സെർച്ച് മേധാവി ലിസ് റീഡ്, അവരുടെ പുതിയ എഐ അവലോകന ഫീച്ചർ സംശയാസ്പദമായ ഉത്തരങ്ങൾ നൽകിയതായി സമ്മതിച്ചിരുന്നു. അത് വൈറലാകുകയും ചെയ്തു.

ഒരു ബ്ലോഗ് പോസ്റ്റിൽ, റീഡ് പ്രസ്താവിച്ചത് ഇങ്ങനെ ആയിരുന്നു: ഞങ്ങളുടെ ഉപയോക്താക്കളെപ്പോലെ ഞങ്ങളും ഉയർന്ന നിലവാരത്തിൽ ഉറച്ച് നിൽക്കുന്നു, അതിനാൽ ഞങ്ങൾ ഫീഡ്‌ബാക്ക് പ്രതീക്ഷിക്കുകയും അഭിനന്ദിക്കുകയും അത് ഗൗരവമായി എടുക്കുകയും ചെയ്യുന്നു. എന്ത് തന്നെ ആയാലും നിലവിൽ പഴയ പടി ഗൂഗിൾ പ്രവർത്തിക്കുന്നത് കൊണ്ട് കൂടുതൽ പരാതികൾ നേരിടേണ്ടി വന്നില്ല.

എന്നാൽ ഗൂഗിൾ പുതിയ പല അപ്‌ഡേഷനുകളും ഈ ഇടയായി കൊണ്ടവരുന്നുണ്ട്. അതിൽ അടുത്തതായി പുറത്ത് വന്ന റിപ്പോർട്ട് അനുസരിച്ച് ഗൂഗിൾ മെസ്സേജിൽ പുതിയ ഫീച്ചർ വരുന്നതായി സൂചന ഉണ്ട്. നിങ്ങളെ കോണ്ടാക്ട് ചെയ്ത വ്യക്തിയുടെ പേര് നോട്ടിഫികേഷനിൽ വരുന്ന ഫീച്ചർ ആണ് പുതിയതായി വരാനിരിക്കുന്നത്. ഗൂഗിൾ മെസേജുകളുടെ ബീറ്റാ വേർഷനിൽ ആയിരിക്കും ഈ ഫീച്ചർ വരുന്നത്.

വരാനിരിക്കുന്ന ഫീച്ചറുകളേ കുറിച്ച് അറിയാൻ സഹായിക്കുന്ന ഒരു APK ടയർഡൗണിനിടെ ആണ് ആൻഡ്രോയിഡ് അതോറിറ്റി ഈ ഫീച്ചർ ആദ്യം കണ്ടെത്തിയത്. ഗൂഗിൾ മെസ്സേജ്ജിൻ്റെ ഏറ്റവും പുതിയ വേർഷനിൽ ഒരു അജ്ഞാത നമ്പറിൽ നിന്ന് ഒരു പുതിയ സന്ദേശം വരുമ്പോഴെല്ലാം നിങ്ങളുടെ ഫോണിൽ ലഭിക്കുന്ന നോട്ടിഫികേഷനിൽ മാറ്റം ഉള്ളതായി തോന്നിയിരുന്നതായി അവർ വ്യക്തമാക്കി.

എന്നിരുന്നാലും, ഈ ഫീച്ചർ കാണുന്നതിന് അവർ പ്രൊഫൈൽ ഡിസ്കവറി പ്രവർത്തനക്ഷമമാക്കിയിരിക്കണം. പ്രൊഫൈൽ ഷെയറിങ് പ്രവർത്തനക്ഷമമാക്കാൻ, ഗൂഗിൾ മെസ്സേജ് ആപ്പ് ഓപ്പൺ ആക്കുക. ശേഷം മുകളിൽ വലത് വശത്തുള്ള നിങ്ങളുടെ പ്രൊഫൈൽ ചിത്രത്തിൽ ടാപ്പ് ചെയ്യുക. അതിന് ശേഷം മെസ്സേജ് സെറ്റിംഗ്സ് ക്ലിക്ക് ചെയ്യുക.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.