ഇനി മെസ്സേജുകളുടെ എണ്ണം കൂടും! ഗൂഗിൾ ചാറ്റിൽ വീഡിയോ മെസ്സേജിങ് ഫീച്ചർ

വീഡിയോ സന്ദേശങ്ങൾ അയക്കാൻ ഉപയോക്താക്കളെ സഹായിക്കുന്ന പുതിയ ഫീച്ചർ ഗൂഗിൾ ചാറ്റിൽ ഗൂഗിൾ അവതരിപ്പിച്ചു. ആശയവിനിമയം കൂടുതൽ ഫ്ലെക്സിബിൾ ആക്കുന്നതിന് ആണ് ഈ അപ്‌ഡേറ്റ് രൂപകൽപ്പന ചെയ്തിരിക്കുന്നത്. നിങ്ങൾ ഒരു സെയിൽസ് ടീമിൻ്റെ ഭാഗമോ, കമ്പനിയിൽ ഉടനീളം പ്രഖ്യാപനങ്ങൾ നടത്തുന്ന ഒരു എക്സിക്യൂട്ടീവോ അല്ലെങ്കിൽ പ്രോജക്റ്റ് അപ്‌ഡേറ്റുകൾ പങ്കിടുന്ന ഒരു ടീം അംഗമോ ആര് ആയാലും, ഈ ഫീച്ചറിന് സമയം ലാഭിക്കാനും വ്യക്തത നൽകാനും കഴിയും. ഈ പുതിയ ഗൂഗിൾ ചാറ്റ് വീഡിയോ മെസേജ് ഫീച്ചർ എങ്ങനെ ഉപയോഗിക്കാം എന്ന് നോക്കാം.

ഗൂഗിൾ ചാറ്റിൽ ഒരു വീഡിയോ സന്ദേശം അയക്കുന്നത് വളരെ സിമ്പിൾ ആണ്. ഇത് എങ്ങനെ ചെയ്യാമെന്നത് നോക്കാം. ഗൂഗിൾ ചാറ്റ് ഓപ്പൺ ചെയ്ത നിങ്ങൾ സാധാരണയായി ഒരു സന്ദേശം ടൈപ്പ് ചെയ്യുന്ന കമ്പോസ് ബോക്സിൽ ക്ലിക്ക് ചെയ്യുക. റെക്കോർഡ് ബട്ടൺ തിരഞ്ഞെടുത്ത് "വീഡിയോ മെസ്സേജ്" സെലക്ട് ചെയ്യുക. നിങ്ങളുടെ മെസ്സേജ് റെക്കോർഡ് ചെയ്യുക. നിങ്ങൾ റെക്കോർഡ് ചെയ്തു കഴിഞ്ഞാൽ, നിങ്ങൾക്ക് അത് പ്രിവ്യൂ ചെയ്യാനോ ആവശ്യമെങ്കിൽ വീണ്ടും റെക്കോർഡ് ചെയ്യാനോ കഴിയും.

നിങ്ങളുടെ വീഡിയോയിൽ നിങ്ങൾ തൃപ്തരാണെങ്കിൽ സെന്റ് ഓപ്‌ഷൻ ക്ലിക്ക് ചെയ്യുക. ഈ വീഡിയോ മെസ്സേജുകൾ ഡിറക്ട് മെസ്സേജുകൾ (ഡിഎം), ഗ്രൂപ്പ് ചാറ്റുകൾ, സ്‌പെയ്‌സുകൾ എന്നിവയിൽ ഷെയർ ചെയ്യാൻ സാധിക്കും. ടെക്‌സ്‌റ്റ് മെസേജുകൾ പോലെ നിങ്ങൾക്ക് അവരുമായി സംവദിക്കാൻ കഴിയും. ഒരു ത്രെഡിൽ ഉദ്ധരിക്കുകയോ പ്രതികരിക്കുകയോ മറുപടി നൽകുകയോ ചെയ്യാൻ ഈ ഫീച്ചർ ഉപയോഗിക്കാം.

എന്നാൽ ശ്രദ്ധിക്കേണ്ട കാര്യം നിലവിൽ, നിങ്ങൾക്ക് വെബിൽ മാത്രമേ വീഡിയോ സന്ദേശങ്ങൾ റെക്കോർഡ് ചെയ്യാനും സെന്റ് ചെയ്യുവാനും കഴിയൂ. എന്നാൽ മൊബൈൽ ഉപയോക്താക്കൾക്ക് അവ സ്വീകരിക്കാനും കാണാനും മാത്രമേ കഴിയൂ. ഭാവിയിൽ ഈ ഫീച്ചറുകൾ മൊബൈൽ ഉപകരണങ്ങളിലേക്ക് വ്യാപിപ്പിക്കാൻ ഗൂഗിൾ പദ്ധതിയിടുന്നുണ്ട്.

ഇനി നിങ്ങൾക്ക് സ്വാഭാവികമായി തോന്നാവുന്ന സംശയമാണ് ആർക്കൊക്കെ ഈ ഫീച്ചർ ആക്‌സസ് ചെയ്യാൻ കഴിയും? നിരവധി ഗൂഗിൾ വർക്ക്സ്പെയ്സ് (Google Workspace) ഉപയോക്താക്കൾക്ക് വീഡിയോ മെസ്സേജിങ് ഫീച്ചർ ലഭ്യമാകും. ബിസിനസ് സ്റ്റാർട്ടർ, ബിസിനസ് സ്റ്റാൻഡേർഡ്, ബിസിനസ് പ്ലസ്, എൻ്റർപ്രൈസ് സ്റ്റാൻഡേർഡ്, എൻ്റർപ്രൈസ് പ്ലസ്, എസെൻഷ്യൽസ് സ്റ്റാർട്ടർ, എൻ്റർപ്രൈസ് എസൻഷ്യൽസ്, പ്രോഫിറ്റ്സ്, ഫ്രണ്ട്ലൈൻ സ്റ്റാർട്ടർ, ഫ്രണ്ട്ലൈൻ സ്റ്റാൻഡേർഡ് എന്നിവർ ഇതിൽ ഉൾപ്പെടുന്നു.

റാപ്പിഡ് റിലീസ് ഡൊമെയ്‌നുകൾക്കായി 2024 ഒക്ടോബർ 7ന് ആരംഭിച്ച ഈ ഫീച്ചറിൻ്റെ റോൾഔട്ട് 2024 ഒക്ടോബർ 25 മുതൽ ഷെഡ്യൂൾ ചെയ്‌ത റിലീസ് ഡൊമെയ്‌നുകളിൽ ലഭ്യമാകും. എല്ലാ ഉപയോക്താക്കൾക്കും അവരുടെ ഗൂഗിൾ ചാറ്റിൽ ഫീച്ചർ കാണാൻ 15 ദിവസം വരെ എടുത്തേക്കാം.

ChromeOS, Linux, Firefox പോലുള്ള ചില സിസ്റ്റങ്ങളിൽ വീഡിയോ സന്ദേശങ്ങൾ ഇപ്പോൾ റെക്കോർഡ് ചെയ്യാൻ കഴിയില്ല. എന്നിരുന്നാലും, ഉടൻ തന്നെ ട്രാൻസ്ക്രിപ്ഷൻ സേവനങ്ങൾ ഫീച്ചറിലേക്ക് ചേർക്കാൻ ഗൂഗിൾ പദ്ധതിയിടുന്നു, ഇത് വീഡിയോ സന്ദേശങ്ങൾ കൂടുതൽ ഉപയോഗപ്രദമാക്കുകയും സന്ദേശങ്ങൾ വായിക്കാൻ ഉപയോക്താക്കളെ അനുവദിക്കുകയും ചെയ്യും.

ചാറ്റിലെ ഗൂഗിളിൻ്റെ പുതിയ വീഡിയോ മെസ്സേജിങ് ഫീച്ചർ സൗകര്യത്തിന് വേണ്ടിയുള്ളതാണ്. ബിസിനസ്സ് അപ്‌ഡേറ്റുകൾക്കോ ​​ടീം പ്രോജക്റ്റുകൾക്കോ ​​പ്രധാന പ്രഖ്യാപനങ്ങൾക്കോ ​​ആകട്ടെ, കൂടുതൽ ഫലപ്രദമായി ആശയവിനിമയം നടത്താൻ ഇത് ഉപയോക്താക്കളെ അനുവദിക്കുന്നു. അതിൻ്റെ ക്രമാനുഗതമായ റോളൗട്ടിലൂടെ, ടീമുകളിലും ഓർഗനൈസേഷനുകളിലും ഉടനീളം ആശയവിനിമയം കാര്യക്ഷമമാക്കാൻ സഹായിക്കുന്ന ഈ ഫീച്ചറിലേക്ക് കൂടുതൽ ആളുകൾക്ക് ഉടൻ ആക്‌സസ് ലഭിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.