കടലാസ് മടക്കി വിവിധ രൂപങ്ങളെ സൃഷ്ടിക്കുന്ന ജപ്പാനീസ് കലയായ ഒറിഗാമി ഗൂഗിള്‍ ഹോംപേജില്‍. ഒറിഗാമി രൂപത്തിലാണ് ഹോംപേജില്‍ പ്രത്യക്ഷപ്പെട്ട ഗൂഗിള്‍ ലോഗോ അഥവാ ഡൂഡില്‍ ഇന്ന് കാണാനാകുക. ഒറിഗാമി കലയില്‍ പ്രശസ്തനായ അകിറ യോഷിസാവയുടെ 101മത് പിറന്നാള്‍ ദിനത്തെ ഓര്‍മ്മിപ്പിക്കുകയാണ് ഗൂഗിള്‍ ഈ ഡൂഡിലിലൂടെ.
ഒറിഗാമി എന്ന പേര് വന്നത് മടക്കല്‍ എന്നര്‍ത്ഥമുള്ള ഒരു, കടലാസ് എന്നര്‍ത്ഥമുള്ള കാമി എന്നിവ ചേര്‍ന്നാണ്. 1911 മാര്‍ച്ച് 14ന് ജപ്പാനിലാണ് യോഷിസാവ ജനിച്ചത്. ഏകദേശം 50,000 ഒറിഗാമി മോഡലുകള്‍ക്ക് ഇദ്ദേഹം രൂപം നല്‍കിയിട്ടുണ്ട്. 2005 മാര്‍ച്ചിലായിരുന്നു അദ്ദേഹത്തിന്റെ മരണം.
