പ്ലാനുകളിലെ ഒറ്റയാൻ: ദിവസം 1.5ജിബി ഡാറ്റ 60 ദിവസത്തേക്ക് ലഭിക്കുന്ന ലാഭകരമായൊരു എയർടെൽ പ്ലാൻ ഇതാ

കുറഞ്ഞ തുകയുടെ പ്ലാനുകൾ മുതൽ കൂടിയ പ്ലാനുകൾ വരെയും ഒരു ദിവസ​ത്തേക്കുള്ള റീച്ചാർജ് മുതൽ 365 ദിവസത്തേക്കുള്ള ഡാറ്റാ റീച്ചാർജ് വരെയും വിവിധ പ്ലാനുകളിലൂടെ എയർ​ടെൽ അ‌വതരിപ്പിക്കുന്നു. ആളുകൾക്ക് തങ്ങളുടെ ആവശ്യത്തിനും സാമ്പത്തിക ശേഷിക്കും അ‌നുസരിച്ച് പ്ലാനുകൾ തിരഞ്ഞെടുക്കാനുള്ള അ‌വസരം ഇതുണ്ടാക്കുന്നു. ഇത്തരത്തിൽ എയർടെൽ നൽകുന്ന പ്ലാനുകളിൽ ഏറ്റവും മികച്ചൊരു പ്ലാൻ ആണ് 519 രൂപയുടേത്.

ഐഫോൺ 13 വേണോ 14 വേണോ എന്ന് മാത്രം പറഞ്ഞാൽ മതി; ഫ്ലിപ്കാർട്ട് എപ്പോഴേ വില കുറച്ചു!

ദിവസം 1.50 ജിബി ഡാറ്റ വീതം 60 ദിവസത്തേക്ക് ലഭ്യമാകുന്ന പ്ലാൻ ആണ് ഇത്. ഒരു ഇടത്തരം പ്ലാൻ എന്നോ ഹ്രസ്വകാല പ്ലാൻ എന്നോ പറയാംമെങ്കിലും അ‌വയുടെ നിർവചനങ്ങൾക്കും അ‌പ്പുറമാണ് ഈ പ്ലാൻ. ഒരു സാധാരണ ഉപയോക്താവിന്റെ ഒരു ദിവസത്തെ ആവശ്യങ്ങൾ എല്ലാം നിറവേറ്റാൻ വേണ്ട ഡാറ്റ ഈ പ്ലാനിൽ ലഭിക്കും. 519 രൂപയുടെ ഈ എയർടെൽ പ്ലാനിന്റെ കൂടുതൽ വിശദാംശങ്ങളും ലഭ്യമാകുന്ന ആനുകൂല്യങ്ങളും എന്തൊക്കെയാണ് എന്ന് നോക്കാം.

 

ഭാരതി എയർടെല്ലിന്റെ 519 രൂപയുടെ പ്ലാൻ 60 ദിവസത്തെ വാലിഡിറ്റിയോടെയാണ് വരുന്നത്. ഈ പ്ലാനിലൂടെ, ഉപയോക്താക്കൾക്ക് 1.5 ജിബി പ്രതിദിന ഡാറ്റയും അൺലിമിറ്റഡ് വോയ്‌സ് കോളിംഗും ദിവസം 100 എസ്എംഎസും ലഭിക്കും. പ്ലാനിനൊപ്പം അധിക ആനുകൂല്യങ്ങളും ഉൾപ്പെടുത്തിയിട്ടുണ്ട്. അപ്പോളോ 24|7 സർക്കിൾ, 100 രൂപയുടെ ഫാസ്ടാഗ് ക്യാഷ്ബാക്ക്, സൗജന്യ ഹെലോട്യൂൺസ്, വിങ്ക് മ്യൂസിക് എന്നിവ ഈ പ്ലാനിനൊപ്പം സൗജന്യമായി ആസ്വദിക്കാം.

ഹേ ഡണ്ടണക്കാ, ഡണക്ക് ണക്കാ...! കിടിലൻ ക്യാമറയുമായി നോക്കിയ സി31 ​വെറും 9999 രൂപയ്ക്ക്

പ്ലാൻ വാഗ്ദാനം ചെയ്യുന്ന ഫെയർ യൂസേജ് പോളിസി (FUP) ഡാറ്റ ഉപയോഗിച്ചുകഴിഞ്ഞാൽ, അതിന്റെ വേഗത 64 കെബിപിഎസ് ആയി കുറയുന്നു. 60 ദിവസത്തെ സേവന വാലിഡിറ്റി വാഗ്ദാനം ചെയ്യുന്ന അ‌ധികം പ്ലാനുകൾ ഇപ്പോൾ കിട്ടാനില്ല. ദിവസം 1.50 ജിബി ഡാറ്റ ഉപയോഗിക്കുന്നവർക്കും രണ്ടു മാസത്തേക്ക് ഒന്നിച്ച് റീച്ചാർജ് ചെയ്യാൻ താൽപര്യമുള്ളവർക്കും കിട്ടാവുന്ന ഏറ്റവും മികച്ച പ്ലാൻ ആണ് ഇതെന്ന് പറയാം. ഒരു ജിബി ഡാറ്റയ്ക്ക് ഏകദേശം 5.76 രൂപയാണ് ചെലവ് വരുന്നത്. ഇന്ത്യയിൽ ഇപ്പോൾ 4ജി ഡാറ്റയക്ക് നൽകാവുന്ന മാന്യമായ തുകയാണ് ഇത്.

കുറഞ്ഞ തുകയ്ക്ക് ലഭ്യമാകുന്ന മറ്റനേകം ഡാറ്റ പ്ലാനുകളും എയർടെലിനുണ്ട്. 148 രൂപയുടെ പ്ലാൻ ആണ് അ‌തിലൊന്ന്. ഈ പ്ലാനിലൂടെ, ഉപയോക്താക്കൾക്ക് 28 ദിവസത്തേക്ക് എയർടെൽ എക്‌സ്ട്രീമിലേക്കുള്ള ആക്‌സസിനൊപ്പം 15 ജിബി ആഡ്-ഓൺ ഡാറ്റയും ലഭിക്കും. SonyLIV, LionsgatePlay, Eros Now, Hoichoi തുടങ്ങിയ പ്ലാറ്റ്‌ഫോമുകൾ എയർടെൽ എക്‌സ്ട്രീമിൽ ഉപയോഗിക്കാൻ സാധിക്കും.

ആൻഡ്രോയിഡിന്റെ വഴിയേ ആപ്പിളും; ഐ​ഫോണുകളിൽ ഇനി ആപ്പുകളുടെ വസന്തകാലം; ഇന്ത്യൻ യുവത്വത്തിനും നേട്ടം

എന്നാൽ ഈ എയർടെൽ എക്‌സ്ട്രീം ആപ്പ് സബ്‌സ്‌ക്രിപ്‌ഷൻ 28 ദിവസത്തേക്ക് മാത്രമേ ലഭിക്കൂ. ഉപയോക്താക്കളുടെ ബേസിക് പ്രീപെയ്ഡ് പ്ലാനിന്റെ വാലിഡിറ്റി തീരും വരെ 148 രൂപയുടെ ഈ ഡാറ്റാ പ്ലാൻ ഉപയോഗിക്കാം. 19 രൂപയുടെ പ്ലാൻ ആണ് കിട്ടാവുന്നതിൽ ഏറ്റവും കുറഞ്ഞ തുകയുടെ ഡാറ്റ പ്ലാൻ. 1 ജിബി ഡാറ്റയും ഒരു ദിവസത്തെ വാലിഡിറ്റിയും ആണ് 19 രൂപയുടെ പ്ലാനിൽ ലഭിക്കുക.

58 രൂപയുടെ ഡാറ്റ പ്ലാൻ ആണ് കുറഞ്ഞ തുകയുടെ മറ്റൊരു പ്ലാൻ. 3 ജിബി ഡാറ്റയാണ് 58 രൂപയുടെ പ്ലാനിൽ ലഭിക്കുക. ഇതു കൂടാതെ 4ജിബി ഡാറ്റ നൽകുന്ന 65 രൂപയുടെ ഒരു പ്ലാനും എയർടെൽ നൽകുന്നുണ്ട്. നിലവിൽ ഉപയോഗിച്ചുവരുന്ന ബേസ് പ്ലാനിന്റെ കാലാവധി തീരും വരെയാണ് ഈ 58 രൂപയുടെയും 65 രൂപയുടെയും പ്ലാനുകളുടെ വാലിഡിറ്റി.

കാശിറക്കി കാശുവാരാം; റിവാർഡ്സ്മിനി സബ്സ്ക്രിപ്ഷനോടുകൂടി എത്തുന്ന 3 എയർടെൽ പ്ലാനുകൾ