ഇന്ത്യയിലെ വൺപ്ലസ് സ്മാർട്ഫോൺ ഉപയോക്താക്കൾക്ക് ഇപ്പോൾ സൗജന്യ ബാറ്ററി റീപ്ലേസ്‌മെന്റ് നേടാം

വൺപ്ലസ് 3, വൺപ്ലസ് 5, വൺപ്ലസ് 5 ടി, വൺപ്ലസ് 6, വൺപ്ലസ് 6 ടി എന്നിവയുടെ സൗജന്യ ബാറ്ററി റീപ്ലേസ്മെൻറ് പ്രയോജനപ്പെടുത്താൻ ആഗ്രഹിക്കുന്ന ഉപയോക്താക്കൾ പണിക്കൂലി മാത്രം നൽകിയാൽ മതിയാകും. ത്രെഡ് അനുസരിച്ച്, ഒരു ഉപയോക്താവിൻറെ വൺപ്ലസ് 5 ടിയുടെ പണിക്കൂലി വെറും 473 രൂപയാണ്. ഔദ്യോഗിക വൺപ്ലസ് സ്റ്റോറിൽ നിന്നും മാത്രമായി ഉപഭോക്താക്കൾക്ക് ഈ സൗജന്യ ബാറ്ററി റീപ്ലേസ്മെന്റ് സൗകര്യം ലഭ്യമാണ്.

വൺപ്ലസ് 3, വൺപ്ലസ് 5, വൺപ്ലസ് 5 ടി, വൺപ്ലസ് 6, വൺപ്ലസ് 6 ടി ഉപയോക്താക്കൾക്ക് സൗജന്യമായി ബാറ്ററി റീപ്ലേസ്മെന്റ് നൽകുന്നതിന് പിന്നിലെ കാരണം കമ്പനിക്ക് ഈ മോഡലുകൾക്കായുള്ള ധാരാളം ഉപയോഗിക്കാത്ത സ്പെയർ ബാറ്ററികൾ കൈയിൽ ഉള്ളതുകൊണ്ടാണ്. കൂടാതെ, ഈ മോഡലുകൾ വളരെ പഴയതായതിനാൽ ഇപ്പോൾ ഈ ബാറ്ററികൾക്ക് വലിയ ഡിമാൻഡ് ലഭിക്കുന്നില്ല എന്നാണ് വൺപ്ലസ് അഭിപ്രായപ്പെടുന്നത്. വൺപ്ലസ് 3, വൺപ്ലസ് 5, വൺപ്ലസ് 5 ടി, വൺപ്ലസ് 6, വൺപ്ലസ് 6 ടി എന്നിവയുൾപ്പെടെ എല്ലാ യോഗ്യതയുള്ള മോഡലുകളും ഇപ്പോൾ വളരെ പഴയതായതിനാൽ ബാറ്ററി റീപ്ലേസ്മെന്റ് പ്രോഗ്രാം തിരഞ്ഞെടുക്കാൻ ഉപയോക്താക്കളെ കമ്പനി നിർദ്ദേശിക്കുന്നു.

ബാറ്ററി റീപ്ലേസ്മെന്റിനായി നിങ്ങൾക്ക് ഔദ്യോഗിക സ്റ്റോർ സന്ദർശിക്കാൻ താൽപ്പര്യമില്ലെങ്കിൽ ഈ സേവനം ഓൺലൈൻ വഴി പൂർത്തിയാക്കാൻ ഒരു വഴിയുണ്ട്. നിങ്ങൾ ഇവിടെ കാണുന്ന ഈ ലിങ്കിൽ ക്ലിക്ക് ചെയ്ത് ബാറ്ററി റീപ്ലേസ്മെന്റ് സേവനം ഓൺലൈനിൽ ബുക്ക് ചെയ്യേണ്ടതുണ്ട്. എന്നാൽ, ബാറ്ററി മാറ്റിസ്ഥാപിക്കുന്നതിനായി ഓൺലൈൻ സേവനം ഉപയോഗപ്പെടുത്തുന്ന ഉപയോക്താക്കൾക്ക് ഈ സൗജന്യ ഓഫർ പ്രയോജനപ്പെടുത്താൻ കഴിയില്ല എന്ന കാര്യം പ്രത്യകം ശ്രദ്ധിക്കേണ്ടതാണ്.

വൺപ്ലസ് സ്മാർട്ഫോൺ ഉപയോക്താക്കൾക്ക് സൗജന്യ ബാറ്ററി റീപ്ലേസ്‌മെന്റ് നേടുവാൻ ക്ലിക്ക് ചെയ്യുക

വൺപ്ലസ് 3, വൺപ്ലസ് 5, വൺപ്ലസ് 5 ടി, വൺപ്ലസ് 6, വൺപ്ലസ് 6 ടി സ്മാർട്ഫോണുകളുടെ ബാറ്ററി വിശദാംശങ്ങൾ

• 3000 എംഎഎച്ച് ബാറ്ററിയുമായി 2016 ജൂണിൽ വൺപ്ലസ് 3 ഇന്ത്യയിൽ അവതരിപ്പിച്ചു.
• 2016 ഡിസംബറിൽ 3400 എംഎഎച്ച് ബാറ്ററിയുമായി വൺപ്ലസ് 3 ടി അവതരിപ്പിച്ചു.
• 2017 ജൂണിൽ 3300 എംഎഎച്ച് ബാറ്ററിയുമായി വൺപ്ലസ് 5 അവതരിപ്പിച്ചു.
• 2017 നവംബറിൽ 3300 എംഎഎച്ച് ബാറ്ററിയാണ് വൺപ്ലസ് 5 ടിയിൽ ഉള്ളത്.
• വൺപ്ലസ് 6, വൺപ്ലസ് 6 ടി എന്നിവയിൽ 2018 മെയ് മാസത്തിലും 2018 ഒക്ടോബറിലും 3300 എംഎഎച്ച് ബാറ്ററിയും 3700 എംഎഎച്ച് ബാറ്ററിയും യഥാക്രമം അവതരിപ്പിച്ചു.