ഉള്ള ഡാറ്റ ഒന്നിനും തികയുന്നില്ലേ; എങ്കിൽ ഈ വിഐ പ്ലാൻ നിങ്ങൾക്കുവേണ്ടി ഉള്ളതാണ്

അത്തരത്തിൽ ഡാറ്റാ ഉപഭോഗം കൂടുതലായുള്ള ആളുകൾക്ക് വേണ്ടി ഒരു ഉഗ്രൻ പ്ലാൻ നമ്മുടെ വിഐ (വൊഡഫോൺ ഐഡിയ) നൽകിവരുന്നുണ്ട്. പ്രീപെയ്ഡ് ഉപഭോക്താക്കൾക്ക് വേണ്ടിയുള്ള ഈ പ്ലാന് 500 രൂപയിൽ താഴെ മാത്രമാണ് ചെലവാകുന്നത്. എന്നാൽ ഇത് എല്ലാവർക്കും അ‌ത്ര പെട്ടെന്ന് ചെയ്യാൻ തോന്നുന്ന തരത്തിലുള്ള ഒരു പ്ലാൻ ആണെന്ന് പറയാനും കഴിയില്ല. കാരണം ആകെ 28 ദിവസത്തെ വാലിഡിറ്റി മാത്രമാണ് ഈ പ്ലാനിലൂടെ ലഭ്യമാകുക.

475 രൂപയാണ് ഈ പ്ലാനിന് ചെലവ് വരുക. 28 ദിവസത്തേക്ക് ഇത്രയും വലിയ തുകയോ എന്ന് ചിലപ്പോൾ തോന്നിയേക്കാം. എന്നാൽ സാധാരണ ഉപഭോക്താക്കൾക്ക് വേണ്ടി ഉള്ളതല്ല, ധാരാളം ഡാറ്റ ആവശ്യമുള്ള ആളുകൾക്ക് വേണ്ടിയാണ് ഈ പ്ലാൻ എന്നത് കണക്കിലെടുക്കണം. മാത്രമല്ല ഈ പ്ലാനിനൊപ്പം ലഭിക്കുന്ന സേവനങ്ങളുടെ മൂല്യം പ്ലാനിനു ചെലവാകുന്ന തുകയെക്കാൾ മുന്നിൽത്തന്നെയാണ്.

475 രൂപയുടെ വിഐ പ്രീപെയ്ഡ് പ്ലാൻ

475 രൂപയുടെ പ്ലാനിൽ 28 ദിവസത്തെ വാലിഡിറ്റി മാത്രമാണ് ഉള്ളത് എന്ന് പറഞ്ഞല്ലോ, എന്നാൽ ഈ തുകയിൽ മറ്റ് ഏതൊരു കമ്പനി നൽകുന്നതിനെക്കാളും ആനുകൂല്യങ്ങൾ നൽകാൻ വിഐ തയാറായിട്ടുണ്ട് എന്നാണ് പൊതുവെ ഉള്ള ഉപഭോക്താക്കളുടെ പ്രതികരണം. പ്രതിദിനം 4 ജിബി ഡാറ്റയാണ് ഈ പ്ലാനിലൂടെ ലഭ്യമാകുക. 28 ദിവസത്തേക്കായി ആകെ 112 ജിബി ഡാറ്റ ഈ പ്ലാനിലൂടെ ലഭ്യമാകും.

ഡാറ്റ മാത്രമല്ല, അ‌ൺലിമിറ്റഡ് കോളിങ് സൗകര്യവും ദിവസം 100 എസ്എംഎസ് സൗകര്യങ്ങളും സാധാരണ പോലെ ഈ പ്ലാനിനൊപ്പം ലഭ്യമാകും. കൂടാതെ വിഐ ഹീറോ അ‌ൺലിമിറ്റഡ് ആനുകൂല്യങ്ങളും പ്ലാനിനൊപ്പം ഉണ്ട്. വീക്കെൻഡ് ഡാറ്റാ റോൾഓവർ, ബിങ്ക് ഓൾ ​നൈറ്റ്, ഡാറ്റാ ഡി​ലൈറ്റ് സൗകര്യങ്ങൾ അ‌ടങ്ങുന്നതാണ് വിഐ ഹീറോ അ‌ൺലിമിറ്റഡ് ആനുകൂല്യങ്ങൾ.

ധാരാളം ഡാറ്റ ഉപയോഗിക്കുന്ന ആളാണ് നിങ്ങൾ എങ്കിൽ ഈ പ്ലാനിൽ നിങ്ങൾക്ക് ഡാറ്റയ്ക്ക് ഒരു കുറവും ഉണ്ടാകില്ല. എന്നു മാത്രമല്ല, ഡാറ്റ കുറയുമോ എന്ന പേടിയിൽ പിശുക്കി ഉപയോഗിക്കുകയും വേണ്ട. യാ​തൊരു ആശങ്കയും ഇല്ലാതെ സ്വതന്ത്രമായി ഡാറ്റ ഉപയോഗിക്കാൻ ഈ പ്ലാൻ ഉപഭോക്താക്കളെ സഹായിക്കുന്നുണ്ട്. കൂടാതെ വിനോദങ്ങൾക്കായി സമയം കണ്ടെത്താൻ കഴിയുമെങ്കിൽ നിങ്ങൾക്ക് ആവശ്യമുള്ളതെല്ലാം വിഐ സൗജന്യമായി നൽകുകയും ചെയ്യും.

വിഐ മൂവീസ്& ടിവി വിഐപി ആക്സസ് ഈ പ്ലാനിലൂടെ ഉപഭോക്താക്കൾക്ക് ലഭ്യമാകും. ദിവസേനയുള്ള 4 ജിബി ഡാറ്റ ഉപയോഗിച്ചു തീർന്നാൽ ഇന്റർനെറ്റ് വേഗത 64 കെബിപിഎസ് ആയി കുറയും. ഡാറ്റായ്ക്ക് പ്രാധാന്യം നൽകിയുള്ള ഈ പ്ലാൻ നിങ്ങൾക്ക് ആവശ്യമുണ്ടെങ്കിൽ വിഐ ആപ്പ് വഴിയോ വൊഡഫോൺ ഐഡിയയുടെ ഔദ്യോഗിക വെബ്​സൈറ്റ് വഴിയോ രജിസ്റ്റേഡ് നമ്പർ ഉപയോഗിച്ച് ലോഗിൻ ചെയ്ത ശേഷം ആക്ടിവേറ്റ് ചെയ്യാവുന്നതാണ്.

പ്ലാനുകളുടെ കാര്യത്തിൽ മൊ​ബൈൽ കമ്പനികൾ തമ്മിൽ പലപ്പോഴും ഒരു സമാനതകൾ ഒക്കെ കാണാം എല്ലാ കമ്പനികളുടെയും പ്രധാന പ്ലാനുകൾ തമ്മിൽ വലിയ വ്യത്യാസങ്ങൾ ഒന്നും ഉണ്ടാകുകയുമില്ല. എന്നാൽ ഈ വിഐയുടെ ഈ 475 രൂപ പ്ലാൻ പോലെ തങ്ങളുടെ സവിശേഷതയായി എടുത്തു കാണിക്കാൻ പറ്റുന്ന ചില പ്ലാനുകൾ എല്ലാ കമ്പനികൾക്കും ഉണ്ടാകും. അ‌ത്തരത്തിൽ വിഐക്ക് എടുത്തുകാണിക്കാൻ കഴിയുന്ന പ്ലാൻ ആണ് ഇത് എന്ന് സംശയമില്ലാതെ തന്നെ പറയാം.