ഹോണര്‍7എക്‌സ്‌ ആമസോണില്‍ മാത്രം: വില്‍പ്പന ഡിസംബര്‍ 7 ന്‌ 12 മണിക്ക്‌ ആരംഭിക്കും

ഹുവായ്‌യുടെ ഉപ ബ്രാന്‍ഡായ ഹോണര്‍ ഇന്ത്യയില്‍ പുതിയ സ്‌മാര്‍ട്‌ഫോണ്‍ 7എക്‌സ്‌ പുറത്തിറക്കാനുള്ള തയ്യാറെടുപ്പുകള്‍ പൂര്‍ത്തിയാക്കി കഴിഞ്ഞു. ഡിസംബര്‍ 5 ന്‌ ഹോണര്‍ 7എക്‌സ്‌ ഇന്ത്യന്‍ വിപണിയില്‍ എത്തുമെന്നാണ്‌ റിപ്പോര്‍ട്ടുകളില്‍ പറഞ്ഞിരുന്നത്‌.

അതേദിവസം തന്നെ പുറത്തിറക്കിയേക്കും എന്നാണ്‌ കരുതുന്നത്‌ കാരണം ആമോസോണ്‍ ഇന്ത്യ ഹോണര്‍ 7എക്‌സിനായി പുതിയ ബാനര്‍ രൂപീകരിച്ചിട്ടുണ്ട്‌. കൂടാതെ ഡിസംബര്‍ 7 ന്‌ സ്‌മാര്‍ട്‌ഫോണിന്റെ വില്‍പ്പന ആരംഭിക്കുമെന്ന്‌ ആമസോണിന്റെ പ്രസ്‌താവനയുമുണ്ട്‌.

ആമസോണ്‍ ഹോണര്‍ 7എക്‌സിന്‌ മാത്രമായി ലാന്‍ഡിങ്‌പേജും രൂപീകരിച്ചിട്ടുണ്ട്‌. അതിനാല്‍ ആമസോണ്‍ ഇന്ത്യയ്‌ക്ക്‌ മാത്രമായുള്ളതാണ്‌ ഡിവൈസ്‌ എന്ന്‌ ഇത്‌ ഉറപ്പിക്കുന്നു.

ഡിസംബര്‍ 7 ന്‌ ഉച്ചയ്‌ക്ക്‌ 12 മണിക്കായിരിക്കും വില്‍പ്പന ആരംഭിക്കുക. സ്‌മാര്‍ട്‌ഫോണിന്‌ വേണ്ടിയുള്ള രജിസ്‌ട്രേഷന്‍ ആമസോണ്‍ തുടങ്ങിയിട്ടുണ്ട്‌.

പെയ്‌ഡ്‌ ട്രിപ്പുകള്‍, സ്‌മാര്‍ട്‌ഫോണുകള്‍, പവര്‍ ബാങ്കുകള്‍, ഹെഡ്‌ഫോണുകള്‍ ഉള്‍പ്പടെ ആയിരത്തിലേറെ സമ്മാനങ്ങള്‍ രജിസ്‌ട്രര്‍ചെയ്യുന്നവര്‍ക്ക്‌ നേടാന്‍ കഴിയും.

18:9 ആസ്‌പെക്ട്‌റേഷ്യോയും 1080 പിക്‌സല്‍ x 2160 പിക്‌സല്‍ റെസല്യൂഷനുമുള്ള 5.93 ഇഞ്ച്‌ ഫുള്‍ എച്ച്‌ഡി + റെസല്യൂഷന്‍ ഡിസ്‌പ്ലെയോട്‌ കൂടിയാണ്‌ സ്‌മാര്‍ട്‌ഫോണ്‍ എത്തുന്നത്‌. സ്‌മാര്‍ട്‌ഫോണിന്റെ മുകളിലായി 2.5ഡി ഗ്ലാസ്സ്‌ ഉണ്ടായിരിക്കും.

4ജിബി റാമോട്‌ കൂടിയ കിരിന്‍ 659 ഒക്ട-കോര്‍ എസ്‌ഒസി , 32 ജിബി അല്ലെങ്കില്‍ 64 ജിബി ഇന്റേണല്‍ സ്‌റ്റോറേജ്‌ എന്നിവയോട്‌ കൂടിയാണ്‌ സ്‌മാര്‍ട്‌ ഫോണ്‍ എത്തുന്നത്‌.

16 മെഗപിക്‌സല്‍, 2 മെഗപിക്‌സല്‍ സെന്‍സറോട്‌ കൂടി ഡ്യുവല്‍ ക്യാമറ സംവിധാനം പിന്‍വശത്തും 8 മെഗപിക്‌സല്‍ ക്യാമറ മുന്‍വശത്തും ഉണ്ട്‌.

ഹോണര്‍ 7എക്‌സ്‌ 3340എംഎഎച്ച്‌ ബാറ്ററിയുടെ പിന്‍ബലത്തില്‍ മുകളില്‍ ഇഎംഐയു 5.1 സ്‌കിന്നോട്‌ കൂടിയ ആന്‍ഡ്രോയ്‌ഡ്‌ 7.0 ന്യൂഗട്ടിലാണ്‌ പ്രവര്‍ത്തിക്കുന്നത്‌. ഫോണിന്റെ അളവ്‌ 156.50x75.30x7.60 ( നീളംx വീതിx കനം ) എന്നിങ്ങനെയും ഭാരം 165 ഗ്രാമും ആണ്‌.

ഹുവായ്‌ ഹോണര്‍ 7എക്‌സ്‌ നാനോ സിം സപ്പോര്‍ട്‌ ചെയ്യുന്ന ഡ്യുവല്‍ സിം സ്‌മാര്‍ട്‌ ഫോണ്‍ ആണ്‌ . വൈ-ഫൈ,ജിപിഎസ്‌, ബ്ലൂടൂത്ത്‌, യുഎസ്‌ബി ഒടിജി, 3ജി, 4ജി എന്നിവയാണ്‌ കണക്ടിവിറ്റി ഓപ്‌ഷനുകള്‍. കോംമ്പസ്‌ മാഗ്നെറ്റോമീറ്റര്‍, പ്രോക്‌സിമിറ്റി സെന്‍സര്‍, ആക്‌സലെറോമീറ്റര്‍, ആംബിയന്റ്‌ ലൈറ്റ്‌ സെന്‍സര്‍ , ജിറോസ്‌കോപ്‌ എന്നിവയാണ്‌ ഫോണിലെ സെന്‍സറുകള്‍.

നീല, കറുപ്പ്‌, സ്വര്‍ണ്ണ നിറങ്ങളില്‍ സ്‌മാര്‍ട്‌ഫോണ്‍ ലഭ്യമാകും.