ലാപ്‌ടോപിനെ ടിവിയുമായി കണക്ട് ചെയ്യുന്നതെങ്ങനെ....!

1

ഇന്ന് ഇറങ്ങുന്ന എല്ലാ ഫഌറ്റ് സ്‌ക്രീന്‍ ടിവികളിലും ഒരു HDMI പോര്‍ട്ട് ഉണ്ടാകും. ഇതുപയോഗിച്ച് മറ്റ് ഡിവൈസുകളെ ടി വിയുമായി നമുക്ക് കണക്ട് ചെയ്യാന്‍ സാധിക്കും. ഈ കേബിള്‍ പൂര്‍ണ്ണമായും HD സിഗ്നലുകളെയാണ് പിന്തുണയ്ക്കുന്നത്.

2

നിങ്ങളുടെ കൈയില്‍ ഒരു മിനി ഡിസ്‌പ്ലേ പോര്‍ട്ട് ടു എച്ച് ഡ്ി എം ഐ അഡാപ്റ്റര്‍ ഉണ്ടെങ്കില്‍ നിങ്ങളുടെ മാക്ബുക്കിനെ ഫഌറ്റ് സ്‌ക്രീന്‍ ടിവിയുമായി കണക്ട് ചെയ്യാവുന്നതാണ്. ഇതുകൂടാതെ ഒരു എച്ച്ഡിഎംഐ കേബിള്‍ കൂടി നിങ്ങളുടെ കൈയില്‍ ഉണ്ടാവേണ്ടത് അത്യാവശ്യമാണ്.

3

നിങ്ങള്‍ക്ക് HD വീഡിയോ ആവശ്യമില്ലെങ്കില്‍ അല്ലെങ്കില്‍ നിങ്ങള്‍ പഴയ സിആര്‍ടി ടെലിവിഷനാണ് ഉപയോഗിക്കുന്നതെങ്കില്‍ നിങ്ങള്‍ എസ്-വീഡിയോ പോര്‍ട് ഉപയോഗിക്കേണ്ടി വരും. ഇത് വീഡിയോ സിഗ്നലുകള്‍ മാത്രമാണ് വഹിക്കുക, അതുകൊണ്ട് നിങ്ങളുടെ ലാപ്‌ടോപിന്റെ 3.5എംഎം ഹെഡ്‌ഫോണ്‍ ജാക്കില്‍ നിന്ന് ഒരു പ്രത്യേക ഓഡിയോ കേബിള്‍ കൂടി നിങ്ങള്‍ കണക്ട് ചെയ്യേണ്ടി വരും.

4

അനലോഗ് സാങ്കേതിക വിദ്യകള്‍ പിന്നോക്കാവസ്ഥയിലായതിനാല്‍, പുതിയ ലാപ്‌ടോപുകള്‍ എസ്-വീഡിയോ പോര്‍ട് ഇല്ലാതെയാണ് വരുന്നത്. ഈ സാഹചര്യത്തില്‍ നിങ്ങള്‍ ലാപ്‌ടോപിന്റെ വിജിഎ പോര്‍ട്ടാണ് ഉപയോഗിക്കേണ്ടത്. പക്ഷെ ഇതിനായി നിങ്ങളുടെ ഫഌറ്റ് സ്‌ക്രീന്‍ ടിവിക്കും വിജിഎ പോര്‍ട്ട് ഉണ്ടായിരിക്കേണ്ടത് ആവശ്യമാണ്. ഒരു സ്റ്റാന്‍ഡേര്‍ഡ് വിജിഎ കേബിളും ഒരു ഓഡിയോ കേബിളും ധാരാളമായിരിക്കും. നിങ്ങള്‍ക്ക് HD ഉളളടക്കങ്ങളും ഇങ്ങനെ കാണാന്‍ സാധിക്കും.