വാട്ട്‌സ്ആപില്‍ ഇനി ടൈപ്പ് ചെയ്യാതെ സന്ദേശങ്ങള്‍ അയയ്ക്കാം...!

1

ഗൂഗിളിന്റെ വോയിസ് അസിസ്റ്റന്റായ ഗൂഗിള്‍ നൗ വഴിയാണ് ഈ സേവനം ഉപയോഗിക്കാന്‍ സാധിക്കുക.

2

ഗൂഗിള്‍ നൗ-വില്‍ നിങ്ങള്‍ അയയ്‌ക്കേണ്ട സന്ദേശം നിര്‍ദേശിച്ചാല്‍ അത് വാട്ട്‌സ്ആപ് വഴി അയയ്ക്കപ്പെടുകയാണ് ചെയ്യുന്നത്.

3

നിലവില്‍ ഗൂഗിള്‍ നിശ്ചയിച്ചിരിക്കുന്ന മൂന്നാം കക്ഷി ആപുകള്‍ വഴിയാണ് ഈ സേവനം ഉപയോഗിക്കാന്‍ സാധിക്കുന്നത്.

4

വാട്ട്‌സ്ആപിനെ കൂടാതെ വീചാറ്റ്, വൈബര്‍, ടെലിഗ്രാം, നെക്സ്റ്റ്പ്ലസ് തുടങ്ങിയവയിലൂടെയും ഇത്തരത്തില്‍ സന്ദേശങ്ങള്‍ അയയ്ക്കാവുന്നതാണ്.

5

നിലവില്‍ ഇംഗ്ലീഷില്‍ മാത്രമാണ് ഈ സേവനം ഉപയോഗിക്കാന്‍ സാധിക്കുക.

6

മറ്റ് ഭാഷകളിലും അടുത്ത് തന്നെ ഈ സേവനം ലഭ്യമാക്കാനുളള തയ്യാറെടുപ്പിലാണ് തങ്ങളെന്ന് ഗൂഗിള്‍ പറയുന്നു.

7

ഈ സവിശേഷത ഉപയോഗിക്കുന്നതിനായി 'ഓകെ ഗൂഗിള്‍' എന്ന കമാന്‍ഡ് ഉപയോഗിക്കുകയാണ് വേണ്ടത്.

8

അപ്‌ഡേറ്റിന് മുന്‍പായി "Ok Google, send a message to John" എന്ന നിര്‍ദേശം നല്‍കിയാല്‍ സന്ദേശം ഡിഫോള്‍ട്ട് എസ്എംഎസ് വഴി ജോണിന് അയയ്ക്കപ്പെടുകയാണ് ചെയ്തിരുന്നത്.

9

എന്നാല്‍ ഇപ്പോള്‍ ഏത് മെസേജിങ് ആപിലൂടെയാണ് സന്ദേശങ്ങള്‍ അയയ്‌ക്കേണ്ടതെന്ന് നിങ്ങള്‍ക്ക് ഗൂഗിള്‍ നൗ-വില്‍ വ്യക്തമായി നിര്‍ദേശിക്കാവുന്നതാണ്. ഉദാഹരണത്തിന് "Ok Google, send a WhatsApp message to John" എന്ന നിര്‍ദേശം നല്‍കിയാല്‍ വാട്ട്‌സ്ആപ് വഴി ജോണിന് സന്ദേശങ്ങള്‍ അയയ്ക്കാവുന്നതാണ്.

10

ഈ വര്‍ഷം ജനുവരിയില്‍ ഗൂഗിള്‍ അവരുടെ വെര്‍ച്ച്വല്‍ അസിസ്റ്റന്റായ ഗൂഗിള്‍ നൗ മൂന്നാം കക്ഷി ആപുകള്‍ക്ക് തുറന്ന് കൊടുത്തതോടെയാണ് പുതിയ സവിശേഷത ഉള്‍പ്പെടുത്താന്‍ സാധിച്ചിരിക്കുന്നത്.