തെറ്റായ സന്ദേശം വാട്ട്‌സ്ആപ് ഗ്രൂപ്പില്‍ പ്രചരിച്ചാല്‍ അഡ്മിന്‍ "അഴിയെണ്ണും"...!

1

വാട്ട്‌സ് ആപ് ഗ്രൂപ്പ് വഴി തെറ്റായ സന്ദേശം പ്രചരിപ്പിച്ചാല്‍ അതിന്റെ ഉത്തരവാദിത്വം ഗ്രൂപ്പിന്റെ അഡ്മിനും ഉണ്ടാകുമെന്നാണ് സൈബര്‍ വിദഗ്ദ്ധര്‍ ചൂണ്ടിക്കാട്ടുന്നു.

2

ഇതുപ്രകാരം തെറ്റായ സന്ദേശം വാട്ട്‌സ്ആപില്‍ പ്രചരിക്കപ്പെട്ടാല്‍ അയച്ച ആളിനൊപ്പം ഗ്രൂപ്പിന്റെ അഡ്മിനെയും പിടികൂടാമെന്ന് ചൂണ്ടിക്കാണിക്കപ്പെടുന്നു.

3

വാട്ട്‌സ്ആപില്‍ തെറ്റായ സന്ദേശം പ്രചരിപ്പിച്ചതിന് കഴിഞ്ഞ ദിവസങ്ങളിലായി ഇന്ത്യയില്‍ പത്തോളം പേരെയാണ് സൈബര്‍ സെല്‍ അറസ്റ്റ് ചെയ്തത്.

4

മറ്റൊരു ശ്രദ്ധേയമായ വസ്തുത അറസ്റ്റിലായവരില്‍ 5 പേര്‍ വാട്ട്‌സ്ആപ് ഗ്രൂപ്പുകളുടെ അഡ്മിന്‍മാരായിരുന്നു എന്നതാണ്.

5

തെറ്റായ സന്ദേശം പോസ്റ്റ് ചെയ്ത ആളുകളെ കിട്ടാതെ വന്നപ്പോഴാണ് അഡ്മിന്‍മാരെ പിടുകൂടുന്ന അവസ്ഥയുണ്ടായത്.

6

സന്ദേശം അയച്ച ആളുകളെ ഇന്ത്യയില്‍ പിടികൂടുന്നതിന് സാങ്കേതിക ബുദ്ധിമുട്ടുകള്‍ നേരിടുന്നതായി സൈബര്‍ സെല്‍ ചൂണ്ടിക്കാണിക്കുന്നു.

7

അതുകൊണ്ടാണ് അഡ്മിനെ പിടികൂടാന്‍ പോലീസ് തീരുമാനിച്ചിരിക്കുന്നത്.

8

തെറ്റായ സന്ദേശങ്ങള്‍ ഗ്രൂപ്പില്‍ പ്രചരിച്ചാല്‍ വൈകാതെ അതിനെക്കുറിച്ച് അഡ്മിന്‍ പോലീസിനെ അറിയിക്കണം.

9

ഇന്ത്യന്‍ ശിക്ഷാനിയമം 505 ഒന്ന്(ബി) അനുസരിച്ചാണ് ഇത്തരം കേസുകള്‍ പോലീസ് രജിസ്റ്റര്‍ ചെയ്യുന്നത്.

10

സമൂഹത്തെ തെറ്റിദ്ധരിപ്പിക്കുന്ന സന്ദേശങ്ങള്‍ സോഷ്യല്‍ മീഡിയ വഴി പ്രചരിക്കുന്നതിനെതിരെ ശക്തമായ നടപടി സ്വീകരിക്കാനാണ് കേന്ദ്രസര്‍ക്കാര്‍ നിലപാടെടുത്തിരിക്കുന്നത്.