ഓഫറുകളുടെ ഉത്സവത്തിനിടെ 'ഓർമകൾക്ക്' ഒരുലക്ഷം രൂപ വിലയിട്ട് ​വെസ്റ്റേൺ ഡിജിറ്റൽ

തങ്ങളുടെ ഉൽപ്പന്നങ്ങളി​ലേക്ക് ആളുകളെ ആകർഷിക്കാൻ കമ്പനികൾ നിരവധി ഓഫറുകളും പ്രഖ്യാപിക്കുന്നുണ്ട്. ഇത്തരത്തിൽ വ്യത്യസ്തമായ ഒരു ഓഫറുമായി രംഗത്ത് എത്തിയിരിക്കുകയാണ് പ്രമുഖ ഹാർഡ് ഡിസ്ക് നിർമാതാക്കളായ വെസ്റ്റേൺ ഡിജിറ്റൽ(Western Digital ). '' ഷെയർ യുവർ മെമ്മറീസ് '' ( " Share Your Memories," ) എന്നാണ് ഈ ഓഫറിന് വെസ്റ്റേൺ ഡിജിറ്റൽ നൽകിയിരിക്കുന്ന പേര്.

വെസ്റ്റേൺ ഡിജിറ്റൽ ഉപകരണങ്ങൾ വാങ്ങിയപ്പോൾ നിങ്ങൾക്കുണ്ടായ അ‌നുഭവം പങ്കു വയ്ക്കൂ എന്നാണ് കമ്പനി പറയുന്നത്. ആളുകളെ ആകർഷിക്കാനും കച്ചവടം കൂട്ടാനുമുള്ള തന്ത്രമാണ് ഡബ്ലുഡി ഇറക്കുന്നത് എങ്കിലും ഉപഭോക്താക്കൾക്ക് ആവേശം പകരുന്നതാണ് ഓഫർ. ഒരു ലക്ഷം എന്നു കേൾക്കുമ്പോൾ തന്നെ ആരും ഒരു ഭാഗ്യപരീക്ഷണത്തിന് മുതിരും എന്ന് കമ്പനിക്കറിയാം.

അ‌റിഞ്ഞില്ലെന്ന് പറയരുത്; വൻ വിലക്കുറവുമായി ദീപാവലി ഗംഭീരമാക്കാൻ ഷവോമി 11 ടി പ്രോയുമുണ്ട്

 

ഓർമ്മകൾ പങ്കുവച്ചത് കൊണ്ട് മാത്രം മത്സരത്തിൽ പങ്കെടുക്കാനാകില്ല. 128 ജിബിക്ക് മുകളിലേക്കുള്ള സാൻഡിസ്ക് (SanDisk) ഉൽപ്പന്നമോ 2ടിബിക്ക് മുകളിലുള്ള വെസ്റ്റേൺ ഡിജിറ്റൽ ഉപകരണമോ അ‌ടുത്തിടെ വാങ്ങിയവർക്കും ഇനി വാങ്ങുന്നവർക്കും മാത്രമാണ് ഈ മത്സരത്തിൽ പങ്കെടുക്കാനാകുക. ഒരു ലക്ഷം രൂപ, 150 ഗ്രാമിന്റെ സ്വർണം എന്നിവയാണ് മത്സരത്തിലെ സമ്മാനങ്ങൾ.

തങ്ങളുടെ ഉൽപന്നങ്ങൾ വാങ്ങിയപ്പോൾ ഉപഭോക്താക്കൾക്കുണ്ടായ സുന്ദര മുഹൂർത്തങ്ങൾ അ‌റിയുക എന്നതാണ് പദ്ധതിയുടെ ലക്ഷ്യമായി കമ്പനി പറയുന്നത്. മത്സരത്തിനായി ഒരു പ്രത്യേക ക്യുആർ കോഡും ഈ വിഭാഗത്തിൽപ്പെട്ട ഉൽപ്പന്നങ്ങളിൽ നൽകിയിട്ടുണ്ട്. മത്സരത്തിന്റെ പരിധിയിൽ വരുന്ന ഉപകരണങ്ങളിൽ വലിയൊരു സ്റ്റിക്കർ നൽകിയിട്ടുണ്ടാകും. ഒരു സ്ക്രാച്ച് കോഡും ഡീറ്റെയ്ൽസും ഉൾപ്പെടെയാണ് ഈ സ്റ്റിക്കർ വരുന്നത്.

ഇഷ്ടമുള്ളത് കാണാൻ 399 രൂപ മതി; ഒടിടി പ്രേമികൾക്ക് മികച്ച പ്ലാനുമായി വിഐ

ഈ ക്യുആർ കോഡ് സ്കാൻ ചെയ്താൽ ഓഫർ സംബന്ധിച്ച മുഴുവൻ വിവരങ്ങളും ഉപഭോക്താക്കൾക്ക് ലഭിക്കും. എല്ലാ ആഴ്ചയും രണ്ട് വിജയികളെ വീതം തിരഞ്ഞെടുക്കും എന്നാണ് കമ്പനി പറയുന്നത്. ഒരു ലക്ഷം രൂപയുടെ വൗച്ചർ ആണ് ഇവർക്ക് സമ്മാനമായി നൽകുക. വിജയികൾക്ക് ഈ വൗച്ചറുകൾ ഉപയോഗിച്ച് എൽജി(LG) യുടെ ഇലക്ട്രോണിക്സ് ഉപകരണങ്ങൾ ഓഫ്​ലൈനായി വാങ്ങാവുന്നതാണ്. ഇതു കൂടാതെ മറ്റൊരു സമ്മാനം കൂടി മത്സരത്തോടനുബന്ധിച്ച് കമ്പനി നൽകുന്നുണ്ട്. മത്സരത്തിന്റെ ഓരോ പാദത്തിലും ഭാഗ്യശാലിയായ ഒരാളെ ​തെരഞ്ഞെടുത്ത് 150 ഗ്രാമിന്റെ സ്വർണം സമ്മാനമായി നൽകുന്നതാണ് അ‌ത്.

വെസ്റ്റേൺ ഡിജിറ്റലിന്റെ മത്സരത്തിൽ എങ്ങനെ പങ്കെടുക്കാം എന്നു നോക്കാം

ഠ സാൻഡിസ്കിന്റെയോ വെസ്റ്റേൺ ഡിജിറ്റലിന്റെയോ ഉൽപ്പന്നങ്ങൾ വാങ്ങുക.

ഠ ഉൽപ്പന്നങ്ങൾ വാങ്ങുമ്പോൾ മത്സരത്തിന്റെ പരിധിയിൽ വരുന്ന 128 ജിബിക്ക് മുകളിലേക്കുള്ള സാൻഡിസ്ക് ഉൽപ്പന്നമോ 2ടിബിക്ക് മുകളിലുള്ള വെസ്റ്റേൺ ഡിജിറ്റൽ ഉപകരണമോ ആണ് വാങ്ങുന്നത് എന്ന് ഉറപ്പാക്കുക.

ആമസോണിൽ ഡീൽ ഉറപ്പിക്കും മുമ്പ് അറിഞ്ഞിരിക്കേണ്ട ട്രിക്ക്സ്

ഠ ഉൽപ്പന്നം വാങ്ങിയ ശേഷം അ‌തിന്റെ പാക്കേജിൽ നൽകിയിരിക്കുന്ന ക്യുആർ (QR) കോഡ് സ്കാൻ ചെയ്യുക.

ഠ https://www.shareyourmemory.in/ എന്ന വെബ് അ‌ഡ്രസിൽ കയറി ലോഗിൻ ചെയ്‌ത് ആവശ്യമായ വിവരങ്ങൾ നൽകിയും മത്സരത്തിൽ പങ്കെടുക്കാം.

ഠ തുടർന്ന് ഏകദേശം 30 മുതൽ 200 വരെ വാക്കുകളിൽ നിങ്ങളുടെ സന്തോഷകരമായ ഓർമ്മ പങ്കിട്ടുകൊണ്ട് കുറിപ്പ് നൽകി മത്സരത്തിന്റെ ഭാഗമാകുക.

ഠ കുറിപ്പ് വിജയകരമായി നൽകിയാൽ നിങ്ങൾക്ക് കൺഫർമേഷൻ മെസേജ് ലഭിക്കും. പിന്നീട് നിങ്ങളെ വിജയിയായി തിരഞ്ഞെടുത്താൽ കമ്പനി നിങ്ങളെ ബന്ധപ്പെടും.

ഇപ്പോൾ ആമസോണും ഫ്ലിപ്കാർട്ടും പോലുള്ള ഓൺ​ലൈൻ വ്യാപാര രംഗത്തെ വമ്പന്മാർ നടത്തുന്ന ഉത്സവ ഓഫർ വിൽപ്പനയുടെ ചുവടുപിടിച്ചാണ് വെസ്റ്റേൺ ഡിജിറ്റലിന്റെയും ഈ നീക്കം. ഓഫറുകളുമായി ആമസോണും ഫ്ലിപ്കാർട്ടും നടത്തുന്ന കച്ചവടം ഇലക്ട്രോണിക് വിപണിയിൽ മൊത്തത്തിൽ ഒരു ഉണർവ് സൃഷ്ടിക്കും. ആ ഉണർവ് തങ്ങൾക്ക് ഗുണകരമാക്കാനുള്ള വെ​സ്റ്റേൺ ഡിജിറ്റിന്റെ ശ്രമം ഉപഭോക്താക്കൾക്കും ഗുണം ചെയ്യുമെന്ന് പ്രതീക്ഷിക്കാം.

1ജിബി ഡാറ്റാ പ്ലാനിൽ മുന്നിലാര്? ജിയോയും ബിഎസ്എൻഎല്ലും ഏറ്റുമുട്ടിയാൽ സംഭവിക്കുന്നത്...