ഐഎഫ്എയില്‍ പ്രതീക്ഷിക്കുന്ന ഗാഡ്ജറ്റുകള്‍

സാംസംഗ് ഗാലക്‌സി നോട്ട് 2

മാസങ്ങള്‍ക്ക് മുമ്പെ കേട്ടുതുടങ്ങിയതാണ് സാംസംഗിന്റെ ഏറ്റവും പുതിയ ഫാബ്‌ലറ്റ് ഉത്പന്നമായ ഗാലക്‌സി നോട്ട് 2വിനെക്കുറിച്ച്. ഗാലക്‌സി നോട്ടിന്റെ പിന്‍ഗാമിയായാണ് ഇത് എത്തുക. ഏകദേശം സ്ഥിരീകരിക്കപ്പെട്ട ഒരു മോഡലാണിത്. 5.5 ഇഞ്ച് എച്ച്ഡി സൂപ്പര്‍അമോലെഡ് ഡിസ്‌പ്ലെ, 1.5 ജിഗാഹെര്‍ട്‌സ് സാംസംഗ് എക്‌സിനോസ് ക്വാഡ് കോര്‍ പ്രോസസര്‍, 8 മെഗാപിക്‌സല്‍ ക്യാമറ, ആന്‍ഡ്രോയിഡ് ഐസിഎസ് എന്നിവയും എസ്‌പെന്‍ സൗകര്യവുമാണ് ഇതില്‍ പ്രതീക്ഷിക്കുന്നത്.

ഗാലക്‌സി എസ് ക്യാമറ, ഗാലക്‌സി പ്ലെയര്‍ 5.8 എന്നിവയാണ് ഗാലക്‌സി ശ്രേണിയില്‍ നിന്ന് സാംസംഗ് അവതരിപ്പിക്കാന്‍ പോകുന്ന മറ്റുത്പന്നങ്ങള്‍. ഇത് കൂടാതെ ആന്‍ഡ്രോയിഡ് ജെല്ലിബീന്‍ അപ്‌ഡേറ്റ് എസ്3യ്ക്ക് ഈ മേളയില്‍ വെച്ച് സാംസംഗ് പ്രഖ്യാപിക്കുമെന്നും കരുതുന്നുണ്ട്.