ഇന്ത്യക്കാര്‍ 47% സമയവും ഉളളത് വാട്ട്‌സ്ആപ് പോലുളള ആപുകളില്‍...!

ഇന്ത്യയിലെ സ്മാര്‍ട്ട്‌ഫോണ്‍ ഉപയോക്താക്കള്‍ 47 ശതമാനം സമയവും ചിലവഴിത്തുന്നത് കമ്മ്യൂണിക്കേഷന്‍ ആപുകളിലാണെന്ന് പഠനം. വാട്ട്‌സ്ആപ്, വിചാറ്റ്, സ്‌കൈപ്പ് തുടങ്ങിയവ ഉപയോഗിക്കാനാണ് സ്മാര്‍ട്ട്‌ഫോണ്‍ ഉപയോക്താക്കള്‍ ഭൂരിഭാഗം സമയവും ചിലവഴിക്കുന്നതെന്നാണ് പഠനം ചൂണ്ടിക്കാട്ടുന്നത്.

സ്വീഡിഷ് ടെലകോം നിര്‍മാതാക്കളായ എറിക്‌സണാണ് പഠനം നടത്തിയത്.

ജനങ്ങളുടെ ആശയവിനിമയത്തെ സോഷ്യല്‍ മീഡിയ, മെസേജിങ് ആപുകള്‍ എന്നിവ എങ്ങനെ സ്വാധീനിക്കുന്നുവെന്ന് ഇന്ത്യയുള്‍പ്പടെ ഏഴോളം സ്മാര്‍ട്ട്‌ഫോണ്‍ വിപണികളെ കേന്ദ്രീകരിച്ചാണ് പഠനം നടത്തിയത്.

ജപ്പാന്‍, സൗത്ത് കൊറിയ, യുകെ, യുഎസ്, ഇന്ത്യ വിപണികളിലെ 7500-ഓളം ആളുകളെയാണ് പഠന വിധേയമാക്കിയത്.