ഇവിടെ ഞങ്ങൾ പറയുന്നതാണ് വില! ഇൻഫിനിക്സ് സ്മാർട്ട് 9 HD ഇന്ത്യയിൽ എത്തി, വില കൊതിപ്പിക്കും

ഇന്ത്യയിലെ ബജറ്റ് സ്മാർട്ട്ഫോൺ ആരാധകർക്ക് പരിഗണിക്കാൻ ഒരു പുതിയ സ്മാർട്ട്ഫോൺ അ‌വതരിപ്പിച്ച് ഇൻഫിനിക്സ്. 2023-ൽ പുറത്തിറക്കിയ സ്മാർട്ട് 8 HD യുടെ പിൻഗാമിയായി, പുതിയ ഇൻഫിനിക്സ് സ്മാർട്ട് 9 HD (Infinix Smart 9 HD) ആണ് ഇപ്പോൾ ഇന്ത്യൻ വിപണിയിൽ ലോഞ്ച് ചെയ്തിരിക്കുന്നത്. മികച്ച ഫീച്ചറുകൾ ഉണ്ടെങ്കിലും വില ആണ് ഈ ഫോണിന്റെ ​ഹൈ​ലൈറ്റ്. 6500 രൂപയിൽ താഴെ വിലയിൽ ഇൻഫിനിക്സ് സ്മാർട്ട് 9 HD വാങ്ങാൻ ലഭ്യമാകും. നോട്ടിഫിക്കേഷനുകൾക്കായി ഡൈനാമിക് ബാർ ഫീച്ചർ സഹിതമാണ് ഈ ഫോൺ എത്തിയിരിക്കുന്നത്.

മീഡിയടെക് ഹീലിയോ G50 ചിപ്സെറ്റ് ആണ് ഇൻഫിനിക്സ് സ്മാർട്ട് 9 HD യുടെ കരുത്ത്. ഈ ചിപ്സെറ്റ് അ‌വതരിപ്പിക്കുന്ന ഇന്ത്യയിലെ ആദ്യത്തെ ഫോണുകളിൽ ഒന്നാണിത്. മെമ്മറി ഫ്യൂഷനോടുകൂടിയ 3GB റാമും 3GB വെർച്വൽ റാമും ഇതിൽ ഉൾപ്പെടുന്നു. മികച്ച പ്രതിരോധ ശേഷി ഈ ഫോണിന് ഉണ്ടെന്ന കമ്പനി അ‌വകാശപ്പെടുന്നു. 2.5 ലക്ഷം തവണ ഈ ഫോൺ ഡ്രോപ്പ് ടെസ്റ്റ് ചെയ്യപ്പെട്ടിട്ടുണ്ടെന്ന് കമ്പനി പറയുന്നു.

പൊടി, ജല പ്രതിരോധത്തിനുള്ള IP54 റേറ്റിങ് സഹിതമാണ് ഇൻഫിനിക്സ് സ്മാർട്ട് 9 HD എത്തിയിരിക്കുന്നത്. 90Hz ഡിസ്‌പ്ലേയുള്ള 6.67 ഇഞ്ച് പഞ്ച്-ഹോൾ HD+ ഡിസ്‌പ്ലേ അ‌ടക്കമുള്ള ഫീച്ചറുകളും ബജറ്റ് വിലയിൽ എത്തുന്ന ഈ ഫോൺ വാഗ്ദാനം ചെയ്യുന്നുണ്ട്. ഇതിന്റെ ഫീച്ചറുകൾ വിശദമായി പരിചയപ്പെടാം.

ഇൻഫിനിക്സ് സ്മാർട്ട് 9 HDയുടെ പ്രധാന ഫീച്ചറുകൾ: 90Hz റിഫ്രഷ് റേറ്റ് ഉള്ള 6.7-ഇഞ്ച് (1600 x 720 പിക്സലുകൾ) HD+ ഡിസ്പ്ലേയാണ് ഇതിലുള്ളത്. 500 nits വരെ പീക്ക് ബ്രൈറ്റ്നസ് ഇതിനുണ്ട്. ഒക്ട-കോർ ​​(2.2GHz വരെ ARM കോർടെക്സ്-A53) മീഡിയടെക് ഹീലിയോ G50 12nm പ്രോസസർ ആണ് ഈ ഫോണിന്റെ കരുത്ത്.

IMG PowerVR GE8320 ജിപിയു, 3GB LPDDR4X റാം, 64GB eMMC 5.1 സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് 1TB വരെ വികസിപ്പിക്കാനുള്ള സൗകര്യം എന്നിവ ഇതിലുണ്ട്. ആൻഡ്രോയിഡ് 14 ഗോ എഡിഷൻ അ‌ടിസ്ഥാനമാക്കിയുള്ള XOS 14 ൽ ആണ് ഇൻഫിനിക്സ് സ്മാർട്ട് 9 HDയുടെ പ്രവർത്തനം.

13MP മെയിൻ റിയർ ക്യാമറയും AI യും സൂം ഫ്ലാഷും ഇൻഫിനിക്സ് സ്മാർട്ട് 9 HD വാഗ്ദാനം ചെയ്യുന്നു. സെൽഫിക്കും മറ്റുമായി 8MP ഫ്രണ്ട് ഫേസിംഗ് ക്യാമറയും LED ഫ്ലാഷും ഇതിലുണ്ട്. സുരക്ഷയ്ക്കായി സൈഡ്- മൗണ്ടഡ് ഫിംഗർപ്രിന്റ് സെൻസർ നൽകിയിരിക്കുന്നു. 3.5 mm ഓഡിയോ ജാക്ക്, സ്റ്റീരിയോ സ്പീക്കറുകൾ, DTS എന്നീ ഫീച്ചറുകളുമുണ്ട്.

ഡ്യുവൽ സിം (നാനോ + നാനോ + മൈക്രോ എസ്ഡി), ഡസ്റ്റ് ആൻഡ് സ്പ്ലാഷ് റെസിസ്റ്റന്റ് (IP54), 5G SA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.0, GPS, USB ടൈപ്പ്-സി, 10W ചാർജിംഗുള്ള 5000mAh ബാറ്ററി എന്നിവയൊക്കെയാണ് ഇൻഫിനിക്സ് സ്മാർട്ട് 9 HDയുടെ മറ്റ് പ്രധാന ഫീച്ചറുകൾ.

ഇൻഫിനിക്സ് സ്മാർട്ട് 9 HD കോറൽ ഗോൾഡ്, മെറ്റാലിക് ബ്ലാക്ക്, മിന്റ് ഗ്രീൻ, നിയോ ടൈറ്റാനിയം എന്നീ നിറങ്ങളിൽ ലഭ്യമാണ്, ഇതിന്റെ വില 6,699 രൂപയാണ്. എന്നാൽ 500 രൂപ ബാങ്ക് ഡിസ്കൗണ്ട് സഹിതം 6,199 രൂപ വിലയിൽ തുടക്കത്തിൽ ഇത് ലഭ്യമാകും.

165.7×77.1×8.35mm വലിപ്പവും 188 ഗ്രാം ഭാരവും ഇൻഫിനിക്സ് സ്മാർട്ട് 9 HD യ്ക്ക് ഉണ്ട്. ഇത് ഒരു 4ജി ഫോൺ ആണ് എന്നകാര്യം ഉപയോക്താക്കൾ പ്രത്യേകം മനസിലാക്കിയിരിക്കുക. ഫെബ്രുവരി 4 ന് ഉച്ചയ്ക്ക് 12 മണി മുതൽ ഫ്ലിപ്കാർട്ടിൽ നിന്ന് ഈ ഫോൺ വാങ്ങാനാകും.