ഇൻഫിനിക്‌സ് സ്മാർട്ട് എച്ച്ഡി 2021, ഇൻഫിനിക്സ് ആൻഡ്രോയിഡ് ടിവി വിശദാംശങ്ങൾ ഓൺ‌ലൈനിൽ

ഇൻഫിനിക്സ് സ്മാർട്ട് എച്ച്ഡി 2021, എക്‌സ് 1 ആൻഡ്രോയിഡ് ടിവി വിൽപ്പന തീയതികൾ

മുമ്പത്തെ റിപ്പോർട്ട് അനുസരിച്ച്, 2 ജിബി റാമും 32 ജിബി സ്റ്റോറേജും വരുന്ന ഇൻഫിനിക്സ് സ്മാർട്ട് എച്ച്ഡി 2021 എൻട്രി ലെവൽ സ്മാർട്ട്‌ഫോണായിരിക്കുമെന്ന് പ്രതീക്ഷിക്കുന്നു. ഫ്ലിപ്കാർട്ട് ടീസർ പേജ് പരിശോധിച്ചാൽ ഈ സ്മാർട്ട്‌ഫോൺ 5,999 രൂപയ്ക്ക് പട്ടികപ്പെടുത്തിയിരിക്കുന്നത് അറിയുവാൻ സാധിക്കും. ഡിസംബർ 16 തീയതി ഉച്ചയ്ക്ക് 12 മണിക്ക് ഈ ഡിവൈസ് വിൽപ്പനയ്‌ക്കെത്തുമെന്ന് ഇത് സൂചിപ്പിക്കുന്നു.

സവിശേഷതകളും വിലയും ഇതിനകം വെളിപ്പെടുത്തിയിരിക്കുന്നതിനാൽ ഡിവൈസ് ഫ്ലിപ്പ്കാർട്ടിൽ മാത്രമായി ലഭ്യമാകുമെന്ന് പ്രതീക്ഷിക്കാം. ഇതിനുപുറമെ, ഇൻഫിനിക്സ് എക്‌സ് 1 ആൻഡ്രോയിഡ് ടിവി എന്ന് വിളിക്കുന്ന ആദ്യത്തെ ആൻഡ്രോയിഡ് സ്മാർട്ട് ടിവിയിലും കമ്പനി പ്രവർത്തിക്കുന്നു. ഡിസംബർ 18 ന് ഈ സ്മാർട്ട് ടിവി രാജ്യത്ത് വിൽപ്പനയ്ക്കെത്തുമെന്ന് ഫ്ലിപ്കാർട്ട് ടീസർ പറയുന്നു. ഈ ആൻഡ്രോയിഡ് ടിവിയുടെ വില ഇതുവരെ വെളിപ്പെടുത്തിയിട്ടില്ലെങ്കിലും ഈ സ്മാർട്ട് ടിവി ഡിസംബർ 14 ന് പുറത്തിറക്കുമെന്ന് പറയുന്നു.

പ്രതീക്ഷിക്കുന്ന സവിശേഷതകൾ

1560 x 720 പിക്‌സൽ റെസല്യൂഷനോടുകൂടിയ 6.1 ഇഞ്ച് ഐപിഎസ് എച്ച്ഡി + ഡിസ്‌പ്ലേയാണ് ഇൻഫിനിക്‌സ് സ്മാർട്ട് എച്ച്ഡി 2021 സ്മാർട്ട്‌ഫോണിൽ വരുന്നത്. 2 ജിബി റാമും 32 ജിബി സ്റ്റോറേജും വരുന്ന 1.2 ജിഗാഹെർട്‌സ് ചിപ്‌സെറ്റാണ് ഈ ഡിവൈസിൽ നൽകുവാൻ പോകുന്നത്. ഡിടിഎസ് ഓഡിയോ, റിയർ മൗണ്ട് ചെയ്ത ഫിംഗർപ്രിന്റ് സെൻസർ, ഫേസ് അൺലോക്ക്, മുന്നിലും പിന്നിലുമായി 8 എംപി സെൻസറുകൾ, 5000 എംഎഎച്ച് ബാറ്ററി എന്നിവയാണ് സ്മാർട്ട്‌ഫോണിന്റെ സവിശേഷതകൾ. ഒരു ടിപ്പ്സ്റ്ററിൻറെ റിപ്പോർട്ട് അനുസരിച്ച്, ഇത് ആൻഡ്രോയിഡ് 10 ഗോ എഡിഷനിൽ പ്രവർത്തിപ്പിക്കുന്നു. കൂടാതെ, ഗ്രീൻ, ബ്ലൂ, ഡാർക്ക് ഗ്രേ കളർ ഓപ്ഷനുകളിൽ ഇത് വിപണിയിൽ വരുന്നു.

ആദ്യത്തെ ഇൻഫിനിക്സ് സ്മാർട്ട് ടിവിയെക്കുറിച്ച് വിശദീകരിക്കുന്ന ഇത് കമ്പനിയുടെ ഔദ്യോഗിക വീഡിയോ 32 ഇഞ്ച്, 43 ഇഞ്ച് വേരിയന്റുകളിൽ വരുമെന്ന് കാണിക്കുന്നു. ബെസെൽ-ലെസ് ഡിസൈൻ, എച്ച്എൽജി, എച്ച്ഡിആർ 10 വരുന്ന എപ്പിക് 2.0 പിക്ചർ എഞ്ചിൻ, ബ്ലൂ ലൈറ്റ് കുറയ്ക്കുന്നതിനുള്ള ടി യു വി റെയിൻലാന്റ് സർട്ടിഫിക്കേഷൻ, ഐകെയർ ടെക്നോളജി എന്നിവ ഇതിലുണ്ട്. കൂടാതെ, സ്മാർട്ട് ആൻഡ്രോയിഡ് ടിവിയിൽ 24 ഡബ്ല്യു സ്പീക്കറുകൾ, ഡോൾബി ഓഡിയോ, ഇൻബിൽറ്റ് ഗൂഗിൾ അസിസ്റ്റന്റ്, ക്രോംകാസ്റ്റ് എന്നിവയ്ക്കൊപ്പം ആൻഡ്രോയിഡ് ടിവി സർട്ടിഫിക്കേഷൻ, നെറ്റ്ഫ്ലിക്സ്, എച്ച്ബി‌ഒ നൗ, എന്നിവ പോലുള്ള ഒടിടി ആപ്ലിക്കേഷനുകൾക്കുള്ള സപ്പോർട്ടും ലഭിക്കും. 1 ജിബി റാമും 8 ജിബി സ്റ്റോറേജ് സപ്പോർട്ടും വരുന്ന ഇതിൽ 64 ബിറ്റ് ക്വാഡ് കോർ മീഡിയടെക് SoC പ്രോസസറാണ് ഉപയോഗിച്ചിരിക്കുന്നത്.