അതിശൈത്യത്തെ വെല്ലുവിളിച്ച് തടാകത്തിനടിയിൽ ഐഫോൺ 11 പ്രോ അതിജീവിച്ചത് ഒരു മാസം

പൂജ്യം താപനിലയിൽ തണുപ്പ് കൊണ്ടിട്ടും ഇത് നന്നായി പ്രവർത്തിക്കുന്നു. തോൽവി സമ്മതിക്കാതെ രണ്ട് പരാജയപ്പെട്ട വീണ്ടെടുക്കൽ ദൗത്യങ്ങൾക്ക് ശേഷം ഒടുവിൽ തടാകത്തിലെ മഞ്ഞുമലയിൽ നിന്ന് ഐഫോൺ 11 പ്രോ കണ്ടുപിടിക്കാനും അത് വീണ്ടെടുക്കാനും കാരിയറിന് സാധിക്കുകയുണ്ടായി. ഇനിയും ഉപയോഗിക്കേണ്ട ഐഫോൺ സംരക്ഷിക്കാനുള്ള ഒരു യഥാർത്ഥ ശ്രമത്തേക്കാൾ ഇത് ഒരു വെല്ലുവിളി നേരിട്ട ദൗത്യമായിരുന്നു.

പക്ഷേ, കാരിയറിനെ അതിശയിപ്പിച്ചുകൊണ്ട് ഒരു മത്സ്യബന്ധന ലൈനിൻറെ അറ്റത്ത് വരുന്ന ഒരു കാന്തം ഉപയോഗിച്ച് തടാകത്തിനടിയിൽ നിന്നും പുറത്തെടുക്കുകയും തുടർന്ന് ഈ ഐഫോൺ ചാർജ് ചെയ്യുകയും ചെയ്തു. ശേഷം സംഭവിച്ചത് അത്ഭുതപ്പെടുത്തുന്ന ഒരു കാഴ്ച്ചയായിരുന്നു. അത് സാധാരണ രീതിയിൽ പ്രവർത്തിച്ചുതുടങ്ങി എന്നതായിരുന്നു കാര്യം. ഐഫോൺ 11 പ്രോയുടെ അവിശ്വസനീയമായ കഴിവുകളെ കുറിച്ച് നമുക്ക് നോക്കാം.

ഐഫോൺ 11 പ്രോ "ഏറ്റവും ശക്തമായ സ്മാർട്ട്‌ഫോൺ"

ആപ്പിൾ സ്മാർട്ട്‌ഫോൺ 2019 ലാണ് പുറത്തിറങ്ങിയത്. ഐഫോൺ 11 പ്രോയും ഐഫോൺ 11 പ്രോ മാക്‌സും "ഒരു സ്മാർട്ട്‌ഫോണിലെ എക്കാലത്തെയും കഠിനമായ ഗ്ലാസ് സവിശേഷതയുമായാണ് വിപണിയിൽ വരുന്നത്. കൂടാതെ, ഇതിൻറെ വാട്ടർ റെസിസ്റ്റസിന് IP68 എന്ന് റേറ്റ്‌ ചെയ്തതാണ്. 4 മീറ്ററിൽ 30 മിനിറ്റ് വരെ റെസിസ്റ്റൻസ് എന്ന സവിശേഷതയാണ് വരുന്നതെങ്കിലും. ഇത്രയും ദിവസം തടാകത്തിനടിയിൽ അതിജീവിച്ച ഈ ഐഫോൺ തികച്ചും ഏറ്റവും ശക്തമായ സ്മാർട്ട്‌ഫോൺ തന്നെയാണ് എന്ന കാര്യത്തിൽ തെല്ലും സംശയമില്ല. അതിനാൽ, അതി ശൈത്യമുള്ള എവിടെയെങ്കിലുമാണ് നിങ്ങൾ ജീവിക്കുകയാണെങ്കിൽ ഐഫോൺ 11 പ്രോ, ഐഫോൺ പ്രോ മാക്സ് എന്നിവ ഉപയോഗിക്കുന്നത് വളരെ നന്നായിരിക്കും.

ഈ ശക്തനായ ഐഫോൺ 11 പ്രോയുടെ സവിശേഷതകളറിയാം

ആപ്പിളിൻറെ ഏറ്റവും പുതിയ എ 13 ബയോണിക് ചിപ്സെറ്റിലാണ് ആപ്പിൾ ഐഫോൺ 11 പ്രോ പ്രവർത്തിക്കുന്നത്. IP68 റേറ്റിങ് വരുന്ന ഈ ഹാൻഡ്‌സെറ്റിന് ഡസ്റ്റ് പ്രൂഫും നാല് മീറ്റർ ആഴം വരെ മുപ്പത് മിനിറ്റ് നേരത്തേക്ക് വാട്ടർ പ്രൂഫുമാണ് ആപ്പിൾ ഐഫോൺ 11 പ്രോ നിങ്ങൾക്ക് നൽകുന്നത്. തേർഡ്-ജനറേഷൻ ന്യൂറൽ എൻജിനുള്ള ഈ ഹാൻഡ്‌സെറ്റ് വരുന്നത് 5.8-ഇഞ്ചുള്ള സൂപ്പർ റെറ്റിന XDR ഒലെഡ് ഡിസ്‌പ്ലേയുമയാണ്.

എഫ് 2.2 അപ്പേർച്ചർ വരുന്ന 12 എംപി ട്രൂഡെപ്ത് ഫ്രന്റ് ക്യാമറയാണ് ഈ സ്മാർട്ട്ഫോണിൻറെ പ്രധാന സവിശേഷത. പിൻഭാഗത്തായി ട്രിപ്പിൾ ക്യാമറ സംവിധാനമാണ് നൽകിയിരിക്കുന്നത്. ഏറ്റവും പുതിയ ഐഒഎസ്13 ഓപ്പറേറ്റിംഗ് സിസ്റ്റത്തിലാണ് ഐഫോൺ 11 പ്രോ പ്രവർത്തിക്കുന്നത്. ആപ്പിളിൻറെ ഏറ്റവും പുതിയ എ13 ബയോണിക് ചിപ്പില്‍ പ്രവര്‍ത്തിക്കുന്ന ഐഫോണ്‍ 11 പ്രോ മാക്‌സിൽ 18 വാട്ട് ചാര്‍ജിങ് സൗകര്യമുണ്ട്.