വ്യാജ ടൂറിസം വെബ്സൈറ്റുകൾക്കെതിരെ മുന്നറിയിപ്പുമായി ഐആർസിടിസി

|

ഇന്ത്യൻ റെയിൽ‌വേയുടെ ടിക്കറ്റിംഗ് പോർട്ടൽ ടൂറിസം പാക്കേജുകൾ വാഗ്ദാനം ചെയ്യുന്ന ഒരു വ്യാജ വെബ്‌സൈറ്റിനെക്കുറിച്ച് ഉപയോക്താക്കൾക്ക് മുന്നറിയിപ്പുമായി എത്തി. ഐആർസിടിസിയുടേത് എന്ന വ്യാജേനെ ടൂറിസം പാക്കേജുകൾ അവതരിപ്പിക്കുന്ന വ്യാജ വെബ്സൈറ്റുകളെപ്പറ്റിയാണ് മെയിലിലൂടെ ഐആർസിടിസി അറിയിപ്പ് നൽകിയത്. ഐആർസിടിസിയുടെ രജിസ്റ്റേർഡ് ഉപയോക്താക്കൾക്കാണ് ഐആർസിടിസി മെയിൽ അയച്ചിരിക്കുന്നത്. ഐആർസിടിസി എന്ന പേരിനോട് സാമ്യമുള്ള www.irctctour.com എന്ന വ്യാജ വെബ്സൈറ്റ് ആളുകളെ കബളിപ്പിക്കുന്നു എന്നും ഇടപാടുകൾ നടത്താൻ ആവശ്യപ്പെടുന്നുവെന്നും മെയിലിൽ ഐആർസിടിസി വ്യക്തമാക്കുന്നു.

ഐആർസിടിസി
 

ഈ വെബ്സൈറ്റിനെതിരെ പരാതിയും ഐആർസിടിസി നൽകിയിട്ടുണ്ട്. ഐആർസിടിസിയുടെ ഒഫീഷ്യൽ വെബ്‌സൈറ്റിന് സമാനമാണ് തട്ടിപ്പുകാരുടെ വെബ്സൈറ്റും. ഐആർസിടിസിയുടെ ഭാഗമാണ് എന്ന് അവകാശപ്പെടുന്ന ഈ വ്യാജ വെബ്സൈറ്റ് ജനങ്ങളെ തെറ്റിദ്ധരിപ്പിച്ചുകൊണ്ട് ടൂർ പാക്കേജുകളും ഓഫർ ചെയ്യുന്നുണ്ട്. ഈ വെബ്സൈറ്റ് നൽകുന്ന ടൂർ കൺഫെർമേഷൻ വൗച്ചറും ഐആർസിടിസി നൽകുന്നതിന് സമാനമാണ്. പേയ്‌മെന്റുകൾ ഉൾപ്പെടുന്നതിനാൽ അപകടകരമായേക്കാവുന്ന അത്തരം പ്രവർത്തനങ്ങളെക്കുറിച്ച് അറിഞ്ഞിരിക്കുന്നത് ഉചിതമാണ്. ഐ‌ആർ‌സി‌ടി‌സിയുടെ കാര്യത്തിൽ, എല്ലാ ടൂറിസം ബുക്കിംഗുകളും പൂർത്തിയാക്കാൻ ഒരു പ്ലാറ്റ്ഫോം മാത്രമേയുള്ളൂ.

വ്യാജ വെബ്സൈറ്റ്

സാധാരണയായി അക്കൗണ്ട് നമ്പർ, എടിഎം കാർഡ് വിവരങ്ങൾ, പിൻ അല്ലെങ്കിൽ ഒടിപി തുടങ്ങിയ വിവരങ്ങൾ ആരുമായും ഷെയർ ചെയ്യരുതെന്ന് ഐആർസിടിസി യൂസർമാരോട് ആവശ്യപ്പെടാറുണ്ട്. ഐആർസിടിസി ഉദ്യോഗസ്ഥമാർ ഒരിക്കലും യൂസർമാരുടെ പേഴ്സണൽ വിവരങ്ങളോ, ക്യാൻസൽ ചെയ്ത ടിക്കറ്റുകളെക്കുറിച്ചുള്ള വിവരങ്ങളോ ആവശ്യപ്പെടാറില്ല. നിലവിൽ യാത്രക്കാർക്ക് ഇന്ത്യൻ റെയിൽവേയുടെ ടിക്കറ്റുകൾ/കാറ്ററിങ് സേവനങ്ങൾ ഓൺലൈനായി ബുക്ക് ചെയ്യാൻ സാധിക്കുന്ന ഗവണ്മെന്റ് അംഗീകൃത വെബ്സൈറ്റ് ഐആർസിടിസി മാത്രമാണ്.

റെയിൽവേയുടെ വെബ്സൈറ്റ്

ലോകത്തെ ഏറ്റവും തിരക്കേറിയ രണ്ടാമത്തെ വെബ്സൈറ്റായ ഐആർസിടിസി വെബ്സൈറ്റിൽ 1.5 മില്യൺ മുതൽ 1.6 മില്യൺ വരെ ടിക്കറ്റുകളാണ് പ്രതിദിനം വിൽക്കുന്നത്. ഇതിനുപുറമെ പ്രതിവർഷം 1.05 മില്യണിൽ അധികം ആളുകൾക്ക് ടൂർ പാക്കേജുകൾ ഐആർസിടിസി നൽകുന്നുണ്ട്. ആഡംബര ട്രെയിൻ യാത്രകൾ, ഭാരത് ദർശൻ സ്പെഷ്യൽ ടൂറിസ്റ്റ് ട്രെയിനുകൾ, റെയിൽ ടൂർ പാക്കേജുകൾ, ഇന്റർനാഷ്ണൽ, ഡൊമസ്റ്റിക് എയർ പാക്കേജുകൾ, ലാൻഡ് ടൂർ പാക്കേജുകൾ, ഹോട്ടൽ ബുക്കിങ് തുടങ്ങി ഒരുപാട് സേവനങ്ങൾ ഐആർസിടിസി ഓഫർ ചെയ്യുന്നുണ്ട്.

 ടൂറിസം വെബ്‌സൈറ്റിലും തട്ടിപ്പ്
 

ഉപയോക്താക്കൾ‌ക്കുള്ള ഐ‌ആർ‌സി‌ടി‌സിയുടെ മുന്നറിയിപ്പ് മെയിലിൽ‌, മൊബൈൽ‌, ലാൻ‌ഡ്‌ലൈൻ‌ നമ്പർ‌, ഇ-മെയിൽ‌ വിലാസം എന്നിവ ഉൾപ്പെടെ വ്യാജ വെബ്‌സൈറ്റിന്റെ വിശദാംശങ്ങൾ‌ പരാമർശിക്കുന്നു. ഉപയോഗിച്ച ടൂർ സ്ഥിരീകരണ വൗച്ചർ ഐആർ‌സി‌ടി‌സി ഉപയോഗിച്ച ഒറിജിനലിന് തുല്യമാണെന്നും ഐ‌ആർ‌സി‌ടി‌സി കുറിക്കുന്നു. യഥാർത്ഥ ഐആർ‌സി‌ടി‌സി ടൂറിസം വെബ്‌സൈറ്റിലും തട്ടിപ്പ് വെബ്‌സൈറ്റിന്റെ മുന്നറിയിപ്പ് സന്ദേശം തെളിയുന്നു. എന്നിരുന്നാലും ഈ തട്ടിപ്പിന് എത്രപേർ ഇരയായെന്ന് ഒരു വിവരവുമില്ല. ഐ‌ആർ‌സി‌ടി‌സി അവരുടെ ടൂർ‌ പാക്കേജുകൾ‌ക്കൊപ്പം പതിവായി ഇ-മെയിലുകൾ‌ അയയ്‌ക്കുകയും സ്‌കാമർ‌മാർ‌ക്ക് ഉപയോക്താക്കളെ കബളിപ്പിക്കുന്നതിന് സമാന സാങ്കേതികത തിരഞ്ഞെടുക്കാനും കഴിയും.

Most Read Articles
Best Mobiles in India

Read more about:
English summary
The official website for IRCTC tourism is ‘www.irctctourism.com’. Users may get easily scammed through such fraud websites which look and almost feel like the same one. IRCTC also regularly sends emails with their tourism packages and scammers can choose the same technique to fool users.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X