ടിക്കറ്റ് ബുക്കിംഗിന് ഐ ര്‍ സി ടി സിയുടെ ആപ് എത്തി

മൊബൈലിലും ടിക്കറ്റ് ബുക്കിംഗ് സൗകര്യപ്രദമാക്കാനായി ഐ ആര്‍ സി ടി സിയുടെ ആന്‍ഡ്രോയിഡ് ആപ്ലിക്കേഷന്‍ വന്നുകഴിഞ്ഞു. ഐ ആര്‍ സി ടി സി കണക്ട് എന്നാണ് ആപ്ലിക്കേഷന് പേര് നല്‍കിയിരിക്കുന്നത്.

12 എം.ബിയുള്ള ആപ്ലിക്കേഷന്‍ ഗൂഗിള്‍ പ്ലേസ്‌റ്റോറില്‍നിന്ന് ഡൗണ്‍ലോഡ് ചെയ്യാം. ആന്‍ഡ്രോയിഡ് 4.1 മുതല്‍ മുകളിലുള്ള എല്ലാ വേര്‍ഷനിലുമാണ് ഇത് ഉപയോഗിക്കാന്‍ സാധിക്കുക.

ടിക്കറ്റുകള്‍ ബുക്ക് ചെയ്യുന്നതിനൊപ്പം റിസര്‍വേഷന്‍ നില അറിയാനും, ട്രെയിനുകളുടെ ഷെഡ്യൂള്‍, തീവണ്ടി റൂട്ടുകള്‍, ടിക്കറ്റ് ലഭ്യമാണോ എന്ന് പരിശോധിക്കാനും, ടിക്കറ്റ് റദ്ദാക്കല്‍ തുടങ്ങി ഐ ആര്‍ സി ടി സിയുടെ വെബ് സൈറ്റില്‍ ലഭിക്കുന്ന എല്ലാ വിവരവും ഇതിലും ലഭ്യമാണ്

ഐ ആര്‍ സി ടി സിയില്‍ അക്കൗണ്ടുള്ളവര്‍ക്ക് അതേ ഐഡിയും പാസ്‌വേഡും ഉപയോഗിച്ച് ആപില്‍ ലോഗിന്‍ ചെയ്യാം. അക്കൗണ്ട് ഇല്ലാത്തവര്‍ക്ക് മൊബൈല്‍ ആപില്‍ നേരിട്ട് രജിസ്റ്റര്‍ ചെയ്യാവുന്നതാണ്.