ജ്യോതിഷത്തിൽ എന്തെങ്കിലും സത്യമുണ്ടോ? പഠിക്കാനൊരുങ്ങി ഇസ്രോ, പുതിയ ദൗത്യം ഉടൻ

ചന്ദ്ര, സൂര്യ ദൗത്യങ്ങൾക്ക് ശേഷം പുതിയ ദൗത്യം പ്രഖ്യാപിച്ച് ഇസ്രോ. ജ്യോതിശാസ്ത്ര മേഖലയിൽ ശാസ്ത്രീയമായ ഗ്രാഹ്യത കൈവരിക്കാൻ ലക്ഷ്യമിട്ടുള്ള ദൗത്യമാണ് ഇസ്രോ പുതിയതായി പ്രഖ്യാപിച്ചിരിക്കുന്നത്. ഇതിനായി XPoSat (എക്‌സ്-റേ പോളാരിമീറ്റർ സാറ്റലൈറ്റ്) എന്ന ഒരു സാറ്റലൈറ്റ് നിർമ്മിക്കുമെന്നും വെളിപ്പെടുത്തി. പുതിയ പഠനത്തിലൂടെ അനേകം നേട്ടങ്ങൾ സ്വന്തമാക്കാൻ സാധിക്കുമെന്നാണ് ഇസ്രോ പ്രതീക്ഷിക്കുന്നത്.

ചന്ദ്രയാൻ 3 ദൗത്യവും ആദ്യ സൂര്യ പഠനത്തിന്റെ വിക്ഷേപണവും വിജയകരമായി പൂർത്തിയാക്കിയതിന് ശേഷമാണ് ഇസ്രോയുടെ പുതിയ ഈ നടപടി എന്നത് ശ്രദ്ധേയമാണ്. ഇന്ത്യയുടെ ആദ്യ സമർപ്പിത ധ്രുവരേഖ ദൗത്യത്തെ അടയാളപ്പെടുത്തുന്ന മിഷൻ ആയിരിക്കും XPoSat. ഭൂമിയുടെ താഴ്ന്ന ഭ്രമണപഥത്തിലായി ഇവ സ്ഥാപിക്കാനാണ് ഇസ്രോ പദ്ധതിയിടുന്നത്. ജ്യോതിശാസ്ത്രത്തിന്റെ ഉറവിടത്തേക്കുറിച്ചും വിവിധ ചലനാത്മകതയെക്കുറിച്ചും വിശദമായി പഠിക്കാനാണ് പുതിയ ദൗത്യം ലക്ഷ്യമിടുന്നത്.

POLIX (എക്‌സ്-റേകളിലെ പോളാരിമീറ്റർ ഉപകരണം), XSPECT (എക്സ്-റേ സ്പെക്ട്രോസ്കോപ്പി ആൻഡ് ടൈമിംഗ്) എന്നീ പേലോഡുകൾ ആയിരിക്കും ഈ സാറ്റലൈറ്റിൽ പ്രധാനമായും ഉണ്ടാകുക. ഇതിൽ POLIX ധ്രുവീകരണത്തിന്റെ ഡിഗ്രിയും കോണും ഉൾക്കൊള്ളുന്ന പോളാരിമെട്രി പാരാമീറ്ററുകൾ അളക്കുന്നതിന് അനുയോജ്യമായതാണ്. 8-30 കെവി ഫോട്ടോണുകളുടെ ഇടത്തരം എക്സ്-റേ ഊർജ്ജ ശ്രേണിയെ ലക്ഷ്യമിട്ടായിരിക്കും POLIX പ്രവർത്തിക്കുക. അതേസമയം XSPECT എന്ന പേലോഡ് ആകട്ടെ 0.8-15 keV ഊർജ്ജ ശ്രേണിയിൽ സ്പെക്ട്രോസ്കോപ്പിക് വിവരങ്ങൾ നൽകാൻ സഹായിക്കും

ബ്ലാക്ക് ഹോളുകൾ, ന്യൂട്രോൺ നക്ഷത്രങ്ങൾ, സജീവ ഗാലക്‌സി ന്യൂക്ലിയുകൾ, പൾസാർ വിൻഡ് നെബുലകൾ എന്നിവയുൾപ്പെടെ വിവിധ ജ്യോതിശാസ്ത്ര സ്രോതസ്സുകളെ ഇവ നിരീക്ഷിക്കുമെന്ന് ഇസ്രോ ഉദ്യോ​ഗസ്ഥർ വെളിപ്പെടുത്തി. പുതിയതായി ശേഖരിക്കപ്പെടുന്ന വിവരങ്ങൾ കൂടി നമ്മുക്ക് ലഭിക്കുമ്പോൾ പുതിയ പഠനം ഏറെ ശ്രമകരമായി മാറിയേക്കാം എന്നും ഇവർ ആശങ്ക പ്രകടിപ്പിക്കുന്നു. എന്നാൽ ദൗത്യത്തെക്കുറിച്ച് വ്യക്തമായ ധാരണയുടണ്ടെന്നും ഇസ്രോ വെളിപ്പെടുത്തി.

"ധ്രുവീകരണത്തിന്റെ അളവും ധ്രുവീകരണത്തിന്റെ കോണും നമ്മുടെ ധാരണയ്ക്ക് രണ്ട് മാനങ്ങൾ കൂടി നൽകുന്നു, അതിനാൽ ജ്യോതിശാസ്ത്ര സ്രോതസ്സുകളിൽ നിന്നുള്ള ഉദ്വമന പ്രക്രിയകൾ മനസ്സിലാക്കുന്നതിനുള്ള മികച്ച ഡയഗ്നോസ്റ്റിക് ഉപകരണമാണിത്," എന്നായിരുന്നു ഇസ്രോയുടെ പ്രസ്താവന. സ്പെക്ട്രോസ്കോപ്പിക് അളവുകളുമായുള്ള പോളാരിമെട്രിക് നിരീക്ഷണങ്ങളുടെ സംയോജനം ജ്യോതിശാസ്ത്ര ഉദ്വമന പ്രക്രിയകളുടെ നിരവധി സൈദ്ധാന്തിക മാതൃകകളുടെ തടസ്സങ്ങളെ മറികടക്കുമെന്നും ഇസ്രോ പറയുന്നു.

ഒരു കോളിമേറ്റർ, ഒരു സ്കാറ്ററർ, നാല് എക്സ്-റേ ആനുപാതിക കൗണ്ടർ ഡിറ്റക്ടറുകൾ എന്നിവ അടങ്ങിയതായിരിക്കും POLIX. 8-30 keV ഊർജ്ജ ബാൻഡിൽ ആയിരിക്കും ഇവ പ്രവർത്തിക്കുക. മീഡിയം എക്സ്- റേ എനർജി ബാൻഡിലെ പോളാരിമെട്രി അളവുകൾക്കായി സമർപ്പിച്ചിരിക്കുന്ന ആദ്യത്തെ പേലോഡൽ ആയിരിക്കും ഇത്. ഏകദേശം അഞ്ച് വർഷം കൊണ്ട് ഈ ദൗത്യം പൂർത്തിയാകുമെന്നാണ് പ്രതീക്ഷിക്കുന്നത്. ഇതിൽ ഒരേ സമയം ഒരു പ്രകാശ സ്രോതസ്സ് മാത്രമേ നിരീക്ഷിക്കപ്പെടു.

ഇത്തരത്തിൽ ഏകദേശം 40 ജ്യോതിശാസ്ത്ര സ്രോതസ്സുകൾ ആയിരിക്കും നിരീക്ഷണത്തിന് വിധേയമാകുക. അതേ സമയം എക്സ്-റേ സ്പെക്ട്രോസ്കോപ്പിയും, മൃദുവായ എക്സ്-റേകളിൽ ദ്രുത സമയ അളവുകളും ആകർഷകമായ സ്പെക്ട്രോസ്കോപ്പിക് റെസല്യൂഷനും വാഗ്ദാനം ചെയ്യുന്ന പേലോഡ് ആയിരിക്കും XSPECT. എക്സ്-റേ ധ്രുവീകരണങ്ങൾ അളക്കലാണ് ഈ പേലോഡിന്റെ മുഖ്യ ദൗത്യം. ഇതിന് പുറമെ സ്പെക്ട്രൽ അവസ്ഥയിലെ മാറ്റങ്ങളുടെ വിപുലമായ നിരീക്ഷണം, ലൈൻ ഫ്ലക്സിലും പ്രൊഫൈലിലുമുള്ള മാറ്റങ്ങൾ എന്നിവയും ഇവ നിരീക്ഷിക്കും.

മാത്രമല്ല 0.8- ഊർജ്ജ പരിധിക്കുള്ളിൽ സോഫ്റ്റ് എക്സ്-റേ ഉദ്വമനങ്ങളുടെ ഒരേസമയം ദീർഘകാല ടെമ്പറൽ ട്രാക്കിംഗും XSPECT പെലോഡിന്റെ ചുമതലയാണ്. എക്സ്-റേ പൾസാറുകൾ, ബ്ലാക്ക് ഹോൾ ബൈനറികൾ, ലോ-മാസ് എക്സ്-റേ ബൈനറികളിൽ (LMXBs) ലോ-മാഗ്നറ്റിക് ഫീൽഡ് ന്യൂട്രോൺ നക്ഷത്രങ്ങൾ (NS), സജീവ ഗാലക്‌സി ന്യൂക്ലിയുകൾ (AGNs), മാഗ്നെറ്റാറുകൾ എന്നിവയും XSPECTന്റെ നിരീക്ഷണ വലയത്തിൽ ആയിരിക്കും പ്രവർത്തിക്കുക.

അതേ സമയം ഇസ്രോയുടെ ആദ്യ സൂര്യ ദൗത്യമായി ആദിത്യ എൽ1 കഴിഞ്ഞ ദിവസം വിജയകരമായി വിക്ഷേപിച്ചു. ശനിയാഴ്ച രാവിലെ 11.50ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്നാണ് വിക്ഷേപണം നടന്നത്. ഭൂമിയില്‍ നിന്നും 15 ലക്ഷം കിലോമീറ്റര്‍ ദൂരത്തുള്ള ലാഗ്രാന്‍ജ് പോയിന്റ്-1 അഥവാ എല്‍-1 എന്നറിയപ്പെടുന്ന പ്രദേശത്തെ ലക്ഷ്യമായാക്കിയാണ് ആദിത്യ എൽ-1 പായുന്നത്. ഏകദേശം നാല് മാസത്തോളം സമയമെടുത്ത് ഇത് ലക്ഷ്യസ്ഥാനത്ത് എത്തുമെന്നാണ് പ്രതീക്ഷിക്കുന്നത്.