ചെറുതിൽ നിന്ന് തുടങ്ങാം; 30 Mbps വേഗതയിൽ ലഭ്യമാകുന്ന 2 കിടിലൻ ജിയോ എയർ​ഫൈബർ പ്ലാനുകൾ

ജിയോയുടെ 5G FWA (ഫിക്സഡ്-വയർലെസ് ആക്സസ്) സേവനമായ ജിയോ എയർഫൈബർ (Jio AirFiber) കണക്ഷൻ ഇപ്പോൾ നമ്മുടെ നാട്ടിലും ലഭ്യമാണ്. മികച്ച വേഗതയിൽ ബ്രോഡ്ബാൻഡ് ഇന്റർനെറ്റ് ലഭ്യമാക്കാൻ ഈ ജിയോ സേവനം ഉപയോക്താക്കളെ സഹായിക്കുന്നു. ​റെക്കോഡ് വേഗതയിൽ ആണ് ജിയോ തങ്ങളുടെ എയ​ർ​ഫൈബർ സേവനം ഇന്ത്യയിലെ വിവിധ പ്രദേശങ്ങളിൽ എത്തിച്ചിരിക്കുന്നത്. വീടുകളിലും ഓഫീസുകളിലും മറ്റും ഇപ്പോൾ പുതിയതായി ഇന്റർനെറ്റ് കണക്ഷൻ എടുക്കുന്ന പലരും ജിയോ എയർ​ഫൈബർ സേവനങ്ങൾ പരീക്ഷിക്കാൻ മുന്നിട്ടിറങ്ങുന്നുണ്ട്. ഈ കണക്ഷൻ തെരഞ്ഞെടുക്കാൻ ആഗ്രഹിക്കുന്നവർക്ക് എൻട്രിലെവൽ പ്ലാനുകൾ എന്ന നിലയിൽ 30 Mbps വേഗതയിൽ ലഭ്യമാകുന്ന പ്ലാനുകളുണ്ട്.

ജിയോ എയർഫൈബർ 30 എംബിപിഎസ് ബ്രോഡ്ബാൻഡ് പ്ലാനുകൾ: 30 Mbps വേഗതയുള്ള രണ്ട് മികച്ച ജിയോ എയർ​ഫൈബർ പ്ലാനുകൾ 599 രൂപ, 888 രൂപ നിരക്കുകളിൽ ലഭ്യമാണ്. ഈ രണ്ട് പ്ലാനുകൾക്കും ജിഎസ്ടി ചാർജ് കൂടി ചേരുമ്പോൾ അ‌ൽപ്പം വില വ്യത്യാസം ഉണ്ടാകും എന്നകാര്യം ശ്രദ്ധിക്കുക. ഈ പ്ലാനുകളിലെ ആനുകൂല്യങ്ങൾ പരിചയപ്പെടാം.

599 രൂപയുടെ ജിയോ ബ്രോഡ്ബാൻഡ് പ്ലാൻ: 30 Mbps വേഗതയിൽ 1000GB ഡാറ്റയും 14 ഒടിടി പ്ലാറ്റ്ഫോമുകളുടെ സബ്സ്ക്രിപ്ഷനും ഇതിൽ ലഭ്യമാകും. ഡിസ്നി+ ഹോട്ട്സ്റ്റാർ, സോണിലിവ്, ജിയോസിനിമ പ്രീമിയം, സൺനെക്സ്റ്റ്, ഹോയ്ചോയ്, ഡിസ്കവറി+, ALTBalaji, ഇറോസ്നൗ, ലയൺസ്ഗേറ്റ് പ്ലേ, ഷെമാരൂമീ, ഡോക്യുബെ, എപ്പിക്ഓൺ, ഇടിവി വിൻ (JioTV+ വഴി) എന്നിവയാണിതിലെ ഒടിടി സബ്സ്ക്രിഷപ്ഷനുകൾ.

888 രൂപയുടെ ജിയോ എയർ​ഫൈബർ പ്ലാൻ: 30 Mbps വേഗതയും 1TB ഡാറ്റയും ഈ പ്ലാൻ വാഗ്ദാനം ചെയ്യുന്നു. നെറ്റ്ഫ്ലിക്സ് (ബേസിക്), ആമസോൺ പ്രൈം ലൈറ്റ്, ഡിസ്നി+ ഹോട്ട്സ്റ്റാർ, സോണിലിവ്, ZEE5, ജിയോസിനിമ പ്രീമിയം, സൺഎൻഎക്‌സ്‌ടി, ഹോയ്‌ചോയ്, ഡിസ്‌കവറി+, ALTBalaji, ഇറോസ്നൗ, ലയൺസ്ഗേറ്റ് പ്ലേ, ഷെമാരൂമീ, ഡോക്യുബെ, എപ്പിക്ഓൺ, ഇടിവി വിൻ (JioTV+ വഴി) എന്നീ ഒടിടി സബ്സ്ക്രിപ്ഷനുകളുമുണ്ട്.

3/ 6/ 12 മാസ വാലിഡിറ്റികളിൽ ഈ രണ്ട് പ്ലാനുകളും തെരഞ്ഞെടുക്കാൻ അ‌വസരം ഉണ്ട്. പുതിയതായി ജിയോ എയർ​ഫൈബർ കണക്ഷൻ എടുക്കുന്നതിന് 1000 രൂപ ഇൻസ്റ്റാളേഷൻ ഫീസുണ്ട്. എന്നാൽ വാർഷികപ്ലാൻ തെരഞ്ഞെടുക്കുന്നവർക്ക് ഇത് ഫ്രീയാണ്. ജിയോ 599 രൂപ, 888 രൂപ പ്ലാനുകൾ തമ്മിൽ ചെറിയൊരു വ്യത്യാസം മാത്രമാണുള്ളത്.

30 എംബിപിഎസ് വേഗതയും 1 ടിബി ഡാറ്റയും ലഭിക്കുന്ന 888 രൂപയുടെ ജിയോ ​എയർ​ഫൈബർ പ്ലാനിനൊപ്പം ലഭിക്കുന്ന ഒടിടി ആനുകൂല്യങ്ങളിൽ ഉൾപ്പെടുന്ന ആമസോൺ പ്രൈം ലൈറ്റ് സബ്സ്ക്രിപ്ഷൻ 2 വർഷത്തേക്ക് വാലിഡിറ്റി ഉള്ളതാണെന്ന് ജിയോ പറയുന്നു. ഇതാണ് 599 രൂപയുടെ പ്ലാനിൽ നിന്ന് 888 രൂപയുടെ പ്ലാനിനെ വ്യത്യസ്തമാക്കുന്നത്.
ജിയോ എയർ​ഫൈബർ കണക്ഷൻ 30 Mbps മുതൽ 1 Gbps വരെയുള്ള എല്ലാ സ്പീഡ് വിഭാഗങ്ങളിലും പ്ലാനുകൾ അ‌വതരിപ്പിച്ചിട്ടുണ്ട്.

ജിയോ എയർ​ഫൈർ സേവനം എങ്ങനെയുണ്ട്, തങ്ങളുടെ ആവശ്യത്തിന് അ‌നുയോജ്യമാകുമോ എന്ന് സംശയുമള്ളവർക്ക് വേണമെങ്കിൽ കുറഞ്ഞ നിരക്കിൽ ലഭ്യമാകുന്ന 599 രൂപയുടേത് പോലുള്ള പ്ലാനുകൾ ഉപയോഗിച്ച് പരീക്ഷണം നടത്താവുന്നതാണ്. ജിയോ എയർ​ഫൈബർ സേവനം താൽപര്യമില്ലാത്തവർക്ക് ജിയോ ഇതിനകം നൽകിവരുന്ന ജിയോ​ഫൈബർ ബ്രോഡ്ബാൻഡ് കണക്ഷനുകൾ പരീക്ഷിക്കാം. കൃത്യമായ വേഗത ഉറപ്പായും ലഭ്യമാകും എന്നതാണ് ജിയോ​ഫൈബർ കണക്ഷന്റെ നേട്ടം. ജിയോഎയർ​ഫൈബർ കണക്ഷൻ വേഗത പ്രദേശത്തെ 5ജി നെറ്റ്വർക്ക് ശേഷിയെ ആശ്രയിച്ചിരിക്കും.