അംബാനി ഇതിൽ കൂടുതൽ എന്ത് ചെയ്യണം! ഒന്നിലധികം സ്പീഡ് വേരിയൻ്റുകളിലുള്ള കിടിലൻ Jio AirFiber പ്ലാനുകൾ ഇതാ...

റിലയൻസ് ജിയോ അതിൻ്റെ ജിയോ എയർഫൈബർ ബ്രാൻഡിന് കീഴിൽ ഇന്ത്യയിൽ അതിവേഗ വയർലെസ് ഇൻ്റർനെറ്റ് സേവനങ്ങൾ ആണ് വാഗ്ദാനം ചെയ്യുന്നത്. വയർഡ് കണക്ഷനുകൾ ബുദ്ധിമുട്ടുള്ളതോ ലഭ്യമല്ലാത്തതോ ആയ പ്രദേശങ്ങളിലെ ഉപയോക്താക്കൾക്ക് ഫൈബർ പോലെയുള്ള ഇൻ്റർനെറ്റ് വേഗതയാണെന്ന് കമ്പനി അവകാശപ്പെടുന്ന കാര്യങ്ങൾ എത്തിക്കുന്നതിന് ഈ സേവനം 5G ഫിക്സഡ് വയർലെസ് ആക്സസ് (FWA) സാങ്കേതികവിദ്യ ആണ് ഉപയോഗിക്കുന്നത്. ജിയോയുടെ വെബ്‌സൈറ്റ് അനുസരിച്ച്, 800ലധികം ഡിജിറ്റൽ ടിവി ചാനലുകൾ, 15+ ഒടിടി പ്ലാനുകൾ, 1 Gbps വൈഫൈ എന്നിവ വാഗ്ദാനം ചെയ്യുന്ന ഒരു ഓൾ-ഇൻ-വൺ സൊല്യൂഷനാണ് ജിയോ എയർഫൈബർ.

ഇത് നിങ്ങളുടെ നിലവിലുള്ള ഇൻ്റർനെറ്റ്, ഡിടിഎച്ച്, ഒന്നിലധികം ഒടിടി പ്ലാനുകൾ എന്നിവ ഒറ്റ പാക്കേജിൽ ആക്കാൻ സഹായിക്കുന്നു. ജൂലൈയിലെ പ്രഖ്യാപനത്തിൽ, ജിയോ എയർഫൈബർ സേവനം പാൻ ഇന്ത്യയിൽ ലഭ്യമാണെന്നും ഇന്ത്യയിൽ ഫിക്‌സഡ് വയർലെസിൽ 1 ദശലക്ഷം കണക്ഷനുകളിൽ എത്തിച്ചേരുന്ന അതിവേഗ ഓപ്പറേറ്ററായി മാറിയെന്നും ജിയോ വെളിപ്പെടുത്തി.

ഒരു യുണീക്ക് പോയിൻ്റ്-ടു-മൾട്ടിപോയിൻ്റ് വിന്യാസത്തോടെ അതിൻ്റെ സ്റ്റാൻഡലോൺ 5G (SA 5G ) നെറ്റ്‌വർക്കിൽ നെറ്റ്‌വർക്ക് സ്ലൈസിംഗ് ഉപയോഗിച്ച് എയർഫൈബർ സേവനങ്ങൾ നൽകുന്നുവെന്നും ജിയോ പറയുന്നു. നിങ്ങളുടെ വയർലെസ് ഇൻ്റർനെറ്റ് ആവശ്യങ്ങൾക്കായി ജിയോ എയർഫൈബർ ഉപയോഗിക്കാൻ നിങ്ങൾ ആഗ്രഹിക്കുന്നുവെങ്കിൽ, 30 Mbps മുതൽ 1 Gbps വരെയുള്ള ഒന്നിലധികം സ്പീഡ് വേരിയൻ്റുകളിൽ ജിയോ പ്ലാനുകൾ വാഗ്ദാനം ചെയ്യുന്നുണ്ട് എന്നത് ഓർമയിൽ വെക്കുക.

ജിയോ എയർഫൈബർ 30 എംബിപിഎസ് പ്ലാനുകൾ: പുതിയ ഉപഭോക്താക്കൾക്ക് 3, 6, 12 മാസ കാലയളവിൽ ലഭ്യമായ 599 രൂപയുടെ പ്ലാനാണ് എൻട്രി ലെവൽ എയർഫൈബർ പ്ലാൻ. 30 Mbps വരെ വേഗതയിൽ 1000 ജിബി ഡാറ്റ, സൗജന്യ വോയ്‌സ് സേവനം, 800ലധികം ഓൺ-ഡിമാൻഡ് ടിവി ചാനലുകളിലേക്കുള്ള ആക്‌സസ് എന്നിവ ഇതിൽ ഉൾപ്പെടുന്നു.

Disney+ Hotstar, Sony Liv, ZEE5, JioCinema Premium, Sun NXT, Hoichoi, Discovery+, ALTBalaji, Eros Now, Lionsgate Play, ShemarooMe, ETV Win (JioTV+ വഴി) എന്നിവയിലേക്ക് ഉള്ള സബ്‌സ്‌ക്രിപ്‌ഷനുകൾ ഈ 599 രൂപ പ്ലാനിലെ ഒടിടി എന്റർടെയിൻമെന്റ് ആനുകൂല്യങ്ങളിൽ ഉൾപ്പെടുന്നു.

30 Mbps വിഭാഗത്തിലെ മറ്റൊരു ഓപ്ഷൻ 888 രൂപ പ്ലാനാണ്. 3, 6, 12 മാസ കാലയളവിലും ലഭ്യമാണ്. നെറ്റ്ഫ്ലിക്സ് ബേസിക്കിലേക്കും ആമസോൺ പ്രൈം ലൈറ്റിലേക്കും രണ്ട് വർഷത്തേക്ക് വാലിഡിറ്റി ഉള്ള അധിക സബ്‌സ്‌ക്രിപ്ഷനുകൾക്കൊപ്പം 599 രൂപ പ്ലാനിൻ്റെ അതേ ആനുകൂല്യങ്ങളും ഇതിൽ ഉൾപ്പെടുന്നു.

മനസ്സിലാക്കാനുള്ള എളുപ്പത്തിനായി, നിങ്ങൾ 3 മാസത്തേക്ക് 30 Mbps പ്ലാൻ ആണ് വേണ്ടതെങ്കിൽ നിങ്ങൾ 599 രൂപ പ്ലാൻ തിരഞ്ഞെടുക്കുകയാണെങ്കിൽ, 3 മാസത്തേക്കുള്ള മൊത്തം ചെലവ് 1,797 രൂപ + GST ​​(രൂപ 599* 3) ആയിരിക്കും. സെമി-ആനുവൽ, ആനുവൽ പ്ലാനുകൾക്കും ഇത് ബാധകമാണ്. എന്നിരുന്നാലും, 12 മാസത്തെ (വാർഷിക) പ്ലാനിന്, ജിയോ നിലവിൽ 599 രൂപ, 888 രൂപ പ്ലാനുകളിൽ 30 ദിവസത്തെ അധിക വാലിഡിറ്റി വാഗ്ദാനം ചെയ്യുന്നു.

ജിയോ എയർഫൈബർ 100 എംബിപിഎസ് പ്ലാനുകൾ: 100 Mbps പ്ലാനിൽ താൽപ്പര്യമുള്ളവർക്ക്, പുതിയ ഉപഭോക്താക്കൾക്ക് 3, 6, 12 മാസ കാലയളവുകളിൽ ലഭ്യമായ 899 രൂപയുടെ പ്ലാനാണ് എൻട്രി ലെവൽ ഓപ്ഷൻ. 100 Mbps വരെ വേഗതയിൽ 1000 ജിബി ഡാറ്റ, സൗജന്യ വോയ്‌സ് സേവനം, 800ലധികം ഓൺ-ഡിമാൻഡ് ടിവി ചാനലുകളിലേക്കുള്ള ആക്‌സസ് എന്നിവ ഇതിൽ ഉൾപ്പെടുന്നു. ഒടിടി വിനോദ ആനുകൂല്യങ്ങൾ 599 രൂപയുടെ പ്ലാനിന് തുല്യമാണ്.

1,199 രൂപ വിലയുള്ള മറ്റൊരു 100 Mbps ഓപ്ഷൻ, 3, 6, 12 മാസ കാലയളവിൽ പ്രീമിയം ഒടിടി ആനുകൂല്യങ്ങൾ വാഗ്ദാനം ചെയ്യുന്നു. സ്റ്റാൻഡേർഡ് ആനുകൂല്യങ്ങൾക്ക് പുറമേ, ഈ പ്ലാനിൽ Netflix Basic, Amazon Prime Lite (രണ്ട് വർഷത്തേക്ക് വാലിഡിറ്റി ഉള്ളത്), FanCode (JioTV+ വഴി) എന്നിവയിലേക്കുള്ള സബ്‌സ്‌ക്രിപ്‌ഷനുകളും ഉൾപ്പെടുന്നു.

ജിയോ എയർഫൈബർ മാക്സ് 300 എംബിപിഎസ് പ്ലാനുകൾ: 300 Mbps സ്പീഡ് സെഗ്‌മെൻ്റിൽ, ഒരു ബിൽ സൈക്കിളിന് 1,499 രൂപ നിരക്കിൽ ഒരു പ്ലാൻ മാത്രമേ ലഭ്യമാകൂ. പുതിയ ഉപഭോക്താക്കൾക്കായി 3, 6, 12 മാസ കാലയളവിലാണ് ഇത് വാഗ്ദാനം ചെയ്യുന്നത്. ഈ പ്ലാനിൽ 1000 ജിബി ഡാറ്റ, 300 Mbps വരെ വേഗത, സൗജന്യ വോയ്‌സ് സേവനം, 800 ഓൺ-ഡിമാൻഡ് ടിവി ചാനലുകളിലേക്കുള്ള ആക്‌സസ് എന്നിവ ഉൾപ്പെടുന്നു.

ഒടിടി എന്റർടൈൻമെന്റ് ആനുകൂല്യങ്ങളിൽ Netflix Basic, Amazon Prime Lite, Disney+ Hotstar, Sony Liv, ZEE5, JioCinema Premium, Sun NXT, Hoichoi, Discovery+, ALTBalaji, Eros Now, Lionsgate Play, ShemarooMe, ETV Win, FanCode+ എന്നിവയിലേക്ക് ഉള്ള സബ്‌സ്‌ക്രിപ്ഷനുകളും ഉൾപ്പെടുന്നു.

ജിയോ എയർഫൈബർ മാക്സ് 500 എംബിപിഎസ് പ്ലാനുകൾ: 500 Mbps സെഗ്‌മെൻ്റിൽ 2,499 രൂപ പ്ലാൻ ലഭ്യമാണ്. 3, 6, 12 മാസ കാലയളവിലാണ് ഇത് വാഗ്ദാനം ചെയ്യുന്നത്. ഈ പ്ലാനിൽ 1000ജിബി ഡാറ്റ, 500Mbps വരെ വേഗത, സൗജന്യ വോയ്‌സ് സേവനം, 800 ഓൺ-ഡിമാൻഡ് ടിവി ചാനലുകൾ എന്നിവ ഉൾപ്പെടുന്നു. ഒടിടി എന്റർടൈൻമെന്റ് ആനുകൂല്യങ്ങൾ 300Mbps പ്ലാനിന് തുല്യമാണ്. കൂടാതെ നെറ്റ്ഫ്ലിക്സ് സ്റ്റാൻഡേർഡ് ഈ പ്ലാനിനൊപ്പം ബണ്ടിൽ ചെയ്തിരിക്കുന്നുണ്ട്.

ജിയോ എയർഫൈബർ മാക്സ് 1 Gbps പ്ലാനുകൾ: ജിയോ എയർഫൈബർ വിഭാഗത്തിലെ ഏറ്റവും ഉയർന്ന വില ഉള്ള ഓപ്ഷൻ 3,999 രൂപ വിലയുള്ള 1 ജിബിപിഎസ് പ്ലാൻ ആണ്. പുതിയ ഉപഭോക്താക്കൾക്ക് ഇത് 3, 6, 12 മാസ കാലയളവുകളിൽ ലഭ്യമാണ്.

ഈ പ്ലാനിൽ 1000 ജിബി ഡാറ്റ, 1 Gbps വരെ വേഗത, സൗജന്യ വോയ്‌സ് സേവനം, 800ലധികം ഓൺ-ഡിമാൻഡ് ടിവി ചാനലുകൾ എന്നിവ ഉൾപ്പെടുന്നു. ഒടിടി എന്റർടൈൻമെന്റ് ആനുകൂല്യങ്ങൾ Netflix Premium (നെറ്റ്ഫ്ലിക്സ് പ്രീമിയം) ഉൾപ്പെടുത്തിയിട്ടുള്ള 300 Mbps പ്ലാനിന് സമാനമാണ്.

അധിക ഉപയോഗത്തിനുള്ള ഡാറ്റ സാഷെറ്റ് പാക്കുകൾ:നിങ്ങൾ തിരഞ്ഞെടുത്ത പ്ലാനിനൊപ്പം ബണ്ടിൽ ചെയ്‌ത ഡാറ്റ തീർന്നാൽ, ടോപ്പ്-അപ്പുകൾക്കായി ജിയോ ഡാറ്റ സാഷെറ്റ് പാക്കുകൾ വാഗ്ദാനം ചെയ്യുന്നു. നിലവിൽ, ജിയോയ്ക്ക് അത്തരത്തിൽ മൂന്ന് ഓപ്‌ഷനുകൾ ആണ് ഉള്ളത്. 1000 ജിബിക്ക് 401 രൂപ പായ്ക്ക് (1 ടിബി), 500 ജിബിക്ക് 251 രൂപ പായ്ക്ക്, 100 ജിബി ഹൈ സ്പീഡ് ഡാറ്റയ്ക്ക് 101 രൂപ പായ്ക്ക്.

ജിയോ എയർഫൈബർ ഉപയോഗിച്ച് നിങ്ങൾക്ക് Netflix, JioCinema, SonyLIV, Zee5, SunNxt, Disney+ Hotstar തുടങ്ങിയ 17 ജനപ്രിയ ഒടിടി ആപ്പുകൾ വരെ ആക്‌സസ് ചെയ്യാമെന്ന് ജിയോ പറയുന്നു . ടിവി ചാനലുകൾ, ഒടിടികൾ, സിനിമകൾ, യൂട്യൂബ് എന്നിവ കാണുന്നതിന് നിങ്ങളെ അനുവദിക്കുന്ന ഏത് ടിവിയെയും ഒരു സ്മാർട്ട് ടിവി ആക്കി മാറ്റുന്ന 4K സ്‌മാർട്ട് എസ്‌ടിബിയും ഈ സേവനം നൽകുന്നു.

ഉപയോക്താക്കൾക്ക് ടിവികളിൽ JioTV+ ആപ്പ് ഇൻസ്റ്റാൾ ചെയ്യാനും അധിക ഫീസോ അധിക STBയോ ഇല്ലാതെ രണ്ട് സ്മാർട്ട് ടിവികളിൽ ലൈവ് ടിവി ആസ്വദിക്കാനും കഴിയും. വാർഷിക പ്ലാനിനൊപ്പം എയർഫൈബർ ഇൻസ്റ്റാളേഷൻ സൗജന്യമാണ്. എന്നിരുന്നാലും, അർദ്ധ വാർഷിക പ്ലാനുകൾക്ക് 500 രൂപയും 3 മാസ പ്ലാനുകൾക്ക് 1,000 രൂപയുമാണ് ജിയോ ഈടാക്കുന്നത്. Wi-Fi റൂട്ടർ, 4K UHD സ്‌മാർട്ട് STB, വോയ്‌സ്-ആക്‌റ്റിവേറ്റ് ചെയ്‌ത റിമോട്ട് എന്നിവ അധിക ചെലവില്ലാതെ ഉൾപ്പെടുത്തിയിട്ടുണ്ട്.

നിലവിൽ ജിയോ എയർഫൈബർ സേവനം ഇന്ത്യയിലുടനീളമുള്ള 7,577 പട്ടണങ്ങളിൽ ലഭ്യമാണ്. ജിയോ നിലവിൽ "ഫ്രീഡം ഓഫറും" "ദീപാവലി ധമാക്ക ഓഫറും" വാഗ്ദാനം ചെയ്യുന്നുണ്ട്. അതിൽ ഒരു വർഷത്തെ സൗജന്യ ജിയോ എയർ ഫൈബർ സേവനവും ഉൾപ്പെടുന്നു. നിങ്ങളുടെ ഇൻ്റർനെറ്റ് ആവശ്യങ്ങൾക്കും വിനോദ ആവശ്യങ്ങൾക്കുമായി വയർലെസ് അതിവേഗ ഇൻ്റർനെറ്റ് സൊല്യൂഷനാണ് നിങ്ങൾ തിരയുന്നതെങ്കിൽ, മുകളിൽ ചർച്ച ചെയ്‌തിരിക്കുന്ന ഏതെങ്കിലും ജിയോ എയർഫൈബർ പ്ലാനുകളിൽ നിന്ന് നിങ്ങൾക്ക് തിരഞ്ഞെടുക്കാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.