കിടിലൻ ഓഫറുകളുമായി ജിയോ ഫൈബർ ബ്രോഡ്‌ബാൻഡ് പ്ലാനുകൾ

ജിയോ ഫൈബർ ബ്രോൺസ് പ്ലാൻ ആണ് 399 രൂപയ്ക്ക് ലഭ്യമാകുന്നത്. 30 എംബിപിഎസ് വേഗവും അൺലിമിറ്റഡ് വോയ്‌സ് കോൾ സൗകര്യവും പ്ലാനിൽ ഉണ്ട്. 'യഥാർഥ പരിധിയില്ലാത്ത ഡാറ്റ' എന്നതാണ് കമ്പനിയുടെ വാഗ്ദാനം. 3,300 എഫ്.യു.പി ഡാറ്റ ലിമിറ്റും ഇന്ത്യയിൽ എവിടെയും അൺലിമിറ്റഡ് കോളിങും ഈ പ്ലാനിൽ ലഭ്യമാണ്. അത് പോലെ, 699 രൂപയുടെ ജിയോ ഫൈബർ സിൽവർ പ്ലാനിൽ 100 ​​എംബിപിഎസ് വരെ വേഗതയിൽ ഡാറ്റ ലഭ്യമാകും. കൂടാതെ അൺലിമിറ്റഡ് വോയ്‌സ് കോൾ സൗകര്യവും ഈ പ്ലാനിൽ ലഭ്യമാണ്. 399 രൂപ, 699 രൂപ പ്ലാനുകളിൽ ഒടിടി ആപ്പുകളുടെ സബ്‌സ്‌ക്രിപ്‌ഷനുകൾ ലഭ്യമല്ല.

999 രൂപയുടെ ജിയോ ഫൈബർ ഗോൾഡ് പ്ലാനിൽ 150 എംബിപിഎസ് വരെ വേഗത്തിൽ ഡാറ്റ ലഭിക്കും. അൺലിമിറ്റഡ് വോയിസ് കോളുകളും ലഭ്യമാണ്. ഇത് കൂടാതെ 1000 രൂപ നിരക്കിലുള്ള 11 ഒടിടി ആപ്പുകളുടെ സബ്‌സ്‌ക്രിപ്‌ഷൻ സൗജന്യമായും ഉപയോക്താവിന് ലഭ്യമാകും. 1,499 രൂപയുടെ ജിയോ ഫൈബർ ഡയമണ്ട് പ്ലാനിൽ ഉപഭോക്താക്കൾക്ക് 300 എംബിപിഎസ് വേഗതയിൽ ഡാറ്റ ലഭിക്കും. അൺലിമിറ്റഡ് വോയ്‌സ് കോൾ സൗകര്യത്തിനൊപ്പം 12 ഒടിടി ആപ്പുകളുടെ സബ്‌സ്‌ക്രിപ്‌ഷനും 1500 രൂപയ്ക്ക് ലഭിക്കും. എഎൽടി ബാലാജി, സൺ എൻഎക്സ്ടി, ഷെമാരൂ, ഡിസ്നീ + ഹോട്ട്സ്റ്റാർ, ജിയോസിനിമ, സീ5, നെറ്റ്ഫ്ലിക്സ്, പ്രൈം വീഡിയോ. ലയൺസ്ഗേറ്റ് പ്ലേ, ഹോയിചോയി, സോണി ലിവ്, വൂട്ട് എന്നിവയാണ് ഈ 12 ഒടിടി ആപ്പുകൾ.

2,499 രൂപയുടെ ജിയോ ഫൈബർ ഡയമണ്ട്+ പ്ലാനിൽ 500 എംബിപിഎസ് വേഗതയിൽ മൊത്തം 4,000 GB ഡാറ്റ ലഭിക്കും. ഇതിന് പുറമെ അൺലിമിറ്റഡ് വോയിസ് കോളുകളുടെ സൗകര്യവും ഉണ്ടായിരിക്കും. ഈ പ്ലാൻ 12 ഒടിടി പ്ലാറ്റ്‌ഫോമുകളിലേക്കുള്ള സൗജന്യ സബ്‌സ്‌ക്രിപ്‌ഷനും നൽകും. പ്ലാറ്റിനം ജിയോ ഫൈബർ പ്ലാനിന്റെ വില 3,499 രൂപയായി കുറച്ചിട്ടുണ്ട്. നേരത്തെ ഇത് 3,999 രൂപയായിരുന്നു. പ്ലാൻ വരുന്നത് അൺലിമിറ്റഡ് വോയ്‌സ് കോൾ സൌകര്യത്തോടെയും. കൂടാതെ 12 ഒടിടി ആപ്പുകളിലേക്ക് കോംപ്ലിമെന്ററി സബ്‌സ്‌ക്രിപ്‌ഷനും നൽകുന്നു.

8,499 രൂപയുടെ ടൈറ്റാനിയം പ്ലാനും കമ്പനി വാഗ്ദാനം ചെയ്യുന്നു, ഇത് ജിയോ ഫൈബർ ബ്രോഡ്ബാൻഡ് വാഗ്ദാനം ചെയ്യുന്ന ഏറ്റവും ചെലവേറിയ പ്ലാനാണ്. പ്ലാൻ പ്രകാരം 1 ജിബിപിഎസ് വരെ വേഗതയിൽ 15,000 ജിബി പ്രതിമാസ ഡാറ്റ ലഭിക്കും. മാർക്കറ്റിലെ ഏറ്റവും മികച്ച ബ്രോഡ്ബാൻഡുകളിൽ ജിയോ ഫൈബർ പ്ലാനുകളും ഉൾപ്പെടുന്നുവെന്ന് നിസംശയം പറയാം. ഇനി ജിയോ ഫൈബർ കണക്ഷൻ എങ്ങനെ ലഭ്യമാക്കാം എന്ന് അറിയാൻ താഴേക്ക് വായിക്കുക.

ജിയോ ഫൈബർ കണക്ഷൻ എങ്ങനെ ലഭിക്കും?

• ആദ്യം ജിയോ വെബ്‌സൈറ്റായ jio.com സന്ദർശിക്കുക.
• ജിയോ ഫൈബർ ഓപ്ഷനിൽ ക്ലിക്ക് ചെയ്യുക.
• റീചാർജ് / പേബിൽ, ജിയോ ഫൈബർ രജിസ്ട്രേഷൻ എന്നിവ കാണാൻ കഴിയുന്ന ഒരു പേജ് തുറക്കും.
• ഗെറ്റ് ജിയോ ഫൈബർ എന്ന ഓപ്ഷനിൽ ക്ലിക്ക് ചെയ്യുക.
• നിങ്ങളുടെ പേര്, മൊബൈൽ നമ്പർ എന്നിവ നൽകിയ ശേഷം "ജെനറേറ്റ് ഒടിപി" ഓപ്ഷനിൽ ക്ലിക്ക് ചെയ്യുക.
• നിങ്ങളുടെ നമ്പറിൽ ലഭിച്ച ഒടിപി നൽകുക.
• ഒടിപി പരിശോധിച്ചുറപ്പിച്ച ശേഷം വെരിഫൈ ഓപ്ഷനിൽ ക്ലിക്ക് ചെയ്യുക.
• ഏത് അഡ്രസിലേക്കാണോ നിങ്ങൾക്ക് ജിയോ ഫൈബർ കണക്ഷൻ ആവശ്യമുള്ളത്, ആ വിലാസം നൽകുക.
• സബ്മിറ്റ് ഓപ്ഷനിൽ ക്ലിക്ക് ചെയ്യുക. ഇതോടെ നിങ്ങളുടെ അപേക്ഷ പൂർത്തിയായിക്കഴിഞ്ഞു.