ക്യാഷ് പ്രൈസുമായി ജിയോ ഗെയിംസ് ക്ലാഷ് റോയൽ ടൂർണമെന്റ് നവംബർ 28 മുതൽ ആരംഭിക്കും

ജിയോ ഗെയിംസ് ക്ലാഷ് റോയൽ ടൂർണമെന്റ് നവംബർ 28 നും ഡിസംബർ 25 നും ഇടയിൽ നടക്കും, പങ്കെടുക്കുന്നവർ അവസാന റൗണ്ടിലേക്ക് യോഗ്യത നേടുന്നതിനായി 1-വേഴ്സസ് -1 ഗെയിമുകളിൽ വിജയിക്കണം. ടൂർണമെന്റിൽ പങ്കെടുക്കുന്നതിനായി ലാൻഡിംഗ് പേജ് സന്ദർശിച്ച് രജിസ്റ്ററിൽ ക്ലിക്ക് ചെയ്യുക. ഇപ്പോൾ, വെബ്‌സൈറ്റിലെ 'പ്രീ-രജിസ്റ്റർ' രജിസ്റ്റർ ഓപ്ഷൻ ലഭ്യമാണ്. ഇതിൽ പങ്കെടുക്കുന്നവർക്ക് പ്രതിവാര സമ്മാനത്തോടൊപ്പം 2.5 ലക്ഷം രൂപ വിലമതിക്കുന്ന ക്യാഷ് പ്രൈസ് നേടാനും അവസരമുണ്ട്.

നാല് ഘട്ടങ്ങളിലാണ് ഈ ടൂർണമെന്റ് നടത്തുന്നത്. ആദ്യ ഘട്ടം നവംബർ 28 ന് ആരംഭിച്ച് ഡിസംബർ 19 വരെ നീണ്ടുനിൽക്കും. ഈ ക്വാളിഫൈർ റൗണ്ടിൽ പങ്കെടുക്കുവാൻ താൽപര്യമുള്ളവർക്ക് കടന്നുവരാവുന്നതാണ്. ഡിസംബർ 21 ന് ആരംഭിക്കുന്ന രണ്ടാം ഘട്ടം ടൂർണമെന്റിന്റെ ആദ്യ റൗണ്ട് ആയിരിക്കും. ഡിസംബർ 23 ന് രണ്ടാം റൗണ്ടും, ഡിസംബർ 25 ന് അവസാന ഘട്ടത്തിൽ ടൂർണമെന്റ് ഫൈനലും വരുന്നു. സെമി ഫൈനലുകളും ഫൈനലുകളും ജിയോ ടിവിയിൽ സ്ട്രീം ചെയ്യുന്നു.

രജിസ്ട്രേഷനുകൾ ഡിസംബർ 19 വരെ ലഭ്യമായിരിക്കും. ടൂർണമെന്റ് നവംബർ 28 ന് ആരംഭിക്കും. രജിസ്ട്രേഷൻ തികച്ചും സൗജന്യമാണ്, കൂടാതെ ജിയോ, ജിയോ ഇതര ഉപയോക്താക്കൾക്കും ഈ ടൂർണമെന്റിൽ പങ്കെടുക്കാവുന്നതാണ്. അപ്ലിക്കേഷൻ സ്റ്റോറിലും ഗൂഗിൾ പ്ലേയ് സ്റ്റോറിലും ക്ലാഷ് റോയൽ സൗജന്യമായി ഡൗൺലോഡ് ചെയ്യാവുന്നതാണ്.