അംബാൻ അല്ല, അംബാനി ആണ് ഇത്... ശ്രദ്ധിച്ചേ ചെയ്യൂ! 175 രൂപയുടെ പുതിയ പ്ലാനുമായി ജിയോ

ദശലക്ഷക്കണക്കിന് ഉപയോക്താക്കൾക്കായി 175 രൂപ വില ഉള്ള താങ്ങാനാവുന്ന പുതിയ റീചാർജ് പ്ലാൻ ജിയോ അവതരിപ്പിച്ചു. അടുത്തിടെ മൊബൈൽ താരിഫുകൾ വർധിപ്പിച്ചതിനെ തുടർന്ന് സ്വകാര്യ ടെലികോം കമ്പനികളുടെ നിരവധി ഉപയോക്താക്കൾ ബിഎസ്എൻഎലിലേക്ക് മാറിയിരുന്നു. ഈ പ്രവണത പരിഹരിക്കുന്നതിനായി, ജിയോ അതിൻ്റെ ഉപയോക്താക്കളെ ആകർഷിക്കുന്നതിനായി ആണ് ഈ ചെലവ് കുറഞ്ഞ റീചാർജ് പ്ലാൻ അവതരിപ്പിച്ചത്. നിരവധി ആപ്പുകളിലേക്ക് ഉള്ള കോംപ്ലിമെൻ്ററി സബ്‌സ്‌ക്രിപ്‌ഷനും ഈ പ്ലാനിൽ ഉൾപ്പെടുന്നു എന്നതാണ് ശ്രദ്ധേയം. ഈ ജിയോ റീചാർജ് ഓപ്ഷൻ എന്റർടൈൻമെന്റ് ക്യാറ്റഗറിക്ക് കീഴിലാണ് വരുന്നത്.

ജിയോയുടെ വെബ്സൈറ്റ് വഴിയോ MyJio ആപ്പ് വഴിയോ ഉപയോക്താക്കൾക്ക് ഈ പ്ലാൻ ലഭിക്കും. റിലയൻസ് ജിയോയിൽ നിന്നുള്ള ഈ 175 രൂപയുടെ പ്രീപെയ്ഡ് റീചാർജ് പ്ലാനിൻ്റെ കാലാവധി 28 ദിവസമാണ്. ആനുകൂല്യങ്ങളെ സംബന്ധിച്ചിടത്തോളം, ഉപയോക്താക്കൾക്ക് പ്രതിദിന പരിധിയില്ലാതെ മൊത്തം 10 ജിബി ഹൈ-സ്പീഡ് ഡാറ്റ നൽകുന്നു.

പ്രധാനമായി, ഈ പുതിയ ജിയോ റീചാർജ് പ്ലാൻ ഡാറ്റാ ആനുകൂല്യങ്ങൾ മാത്രം വാഗ്ദാനം ചെയ്യുന്നു. കൂടാതെ കോളിംഗ് സേവനങ്ങൾ ഉൾപ്പെടുന്നില്ല. ഈ ഓപ്ഷൻ ഉപയോഗിച്ച് ഉപയോക്താക്കൾക്ക് അവരുടെ നിലവിൽ ഉള്ള റീചാർജ് പ്ലാനുകൾ പൂർത്തീകരിക്കാനാകും. എന്നിരുന്നാലും, ഈ പ്ലാൻ സോണി ലൈവ് (Sony LIV), Zee5, Jio Cinema Premium, Lionsgate Play, Discovery+ ആപ്പുകളിലേക്ക് സൗജന്യ സബ്‌സ്‌ക്രിപ്‌ഷനുകൾ വാഗ്ദാനം ചെയ്യുന്നു.

അത് കൂടാതെ Sun NXT, Kanchha Lanka, Planet Marathi, Chaupal, DocuBay, Epic On, Hoichoi എന്നിവ ഉൾപ്പെടെ നിരവധി ഒടിടി (OTT) ആപ്പുകളിലേക്കും സൗജന്യ സബ്‌സ്‌ക്രിപ്‌ഷനുകൾ ഈ പ്ലാൻ നൽകുന്നുണ്ട്. സബ്‌സ്‌ക്രിപ്‌ഷൻ 28 ദിവസത്തേക്ക് വാലിഡിറ്റിയിൽ ആണ് വരുന്നത്.

ജിയോയുടെ മറ്റ് എന്റർടൈൻമെന്റ് പ്ലാനുകൾ: ഇത് കൂടാതെ, ജിയോ 329, 1029, 1049 രൂപ വില ഉള്ള മൂന്ന് പുതിയ എന്റർടൈൻമെന്റ് പ്ലാനുകൾ അവതരിപ്പിച്ചു. ഈ പ്രീപെയ്ഡ് പ്ലാനുകളിൽ അൺലിമിറ്റഡ് വോയ്‌സ് കോളിംഗ്, ഒടിടി ആപ്പ് സബ്‌സ്‌ക്രിപ്‌ഷനുകൾ, പ്രതിദിന ഡാറ്റ എന്നിവ ഉൾപ്പെടുന്നു. ഈ ജിയോ റീചാർജ് പ്ലാനുകൾ കമ്പനിയുടെ ഔദ്യോഗിക വെബ്‌സൈറ്റിലെ എന്റർടൈൻമെന്റ് ക്യാറ്റഗറിയിലും ഫീച്ചർ ചെയ്തിട്ടുണ്ട്.

അതേ സമയം, ജിയോ ഫ്രീഡം പ്ലാനിന് 355 രൂപയാണ് വില. കൂടാതെ 30 ദിവസത്തെ മുഴുവൻ വാലിഡിറ്റിയും വാഗ്ദാനം ചെയ്യുന്നു. ഇത് മറ്റ് ജിയോ പ്ലാനുകളിൽ നിന്ന് വ്യത്യസ്തമാക്കുന്നു. വരിക്കാർക്ക് 30 ദിവസത്തേക്ക് പരിധിയില്ലാത്ത സൗജന്യ കോളിംഗ് ആസ്വദിക്കാം. ഇത് കൂടാതെ, പ്ലാനിൽ മൊത്തം 25 ജിബി ഡാറ്റ ഉൾപ്പെടുന്നു.

പ്രതിദിന ഡാറ്റാ പരിധിയില്ല എന്നതാണ് ഈ പ്ലാനിൻ്റെ പ്രത്യേകത. ഇതിനർത്ഥം 25 ജിബി ഡാറ്റ നിങ്ങളുടെ സൗകര്യത്തിനനുസരിച്ച് ഉപയോഗിക്കാമെന്നാണ്. അത് മുഴുവൻ 30 ദിവസത്തിലായാലും അല്ലെങ്കിൽ കുറഞ്ഞ സമയത്തിനുള്ളിലായാലും ഉപയോഗിക്കാം. കൂടാതെ, ഈ പ്ലാനിൽ ഉപഭോക്താക്കൾക്ക് പ്രതിദിനം 100 സൗജന്യ എസ്എംഎസ് ലഭിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.