റിലയൻസ് ജിയോ ജിയോ ഫൈബര്‍ അപ്‌ലോഡ് വേഗത കുറയ്ക്കുന്നു: റിപ്പോർട്ട്

മാധ്യമ റിപ്പോര്‍ട്ടുകൾ അനുസരിച്ച് ഇപ്പോൾ ജിയോ ഫൈബര്‍ പ്ലാനുകളുടെ അപ്‌ലോഡ് വേഗത ജിയോ കുറച്ചിരിക്കുകയാണ്. ഡൗണ്‍ലോഡ് വേഗതയുടെ പത്തിലൊന്നായി ജിയോ ഫൈബറിന്റെ അപ്‌ലോഡ് വേഗത കമ്പനി കുറച്ചുവെന്നാണ് റിപ്പോര്‍ട്ട് പറയുന്നത്. അതിനാല്‍ നിങ്ങളുടെ ജിയോ ഫൈബര്‍ പ്ലാന്‍ 100എംബിപിഎസ് ഡൗണ്‍ലോഡ് വേഗതയില്‍ വരുന്നുവെങ്കില്‍ റിപ്പോര്‍ട്ട് അനുസരിച്ച് നിങ്ങളുടെ അപ്‌ലോഡ് വേഗത 10എംബിപിഎസ് മാത്രമായിരിക്കും എന്നർത്ഥം. നിങ്ങളുടെ ഡൗണ്‍ലോഡ് വേഗത 1ജിബി ആണെങ്കില്‍ നിങ്ങളുടെ അപ്‌ലോഡ് വേഗത 100 എം.ബി മാത്രമായിരിക്കും.

എല്ലാറ്റിനും പുറമെ, ജിയോ അടുത്തിടെ ജിയോ ഫൈബര്‍ ഉപഭോക്താക്കള്‍ക്ക് ബില്ലിംഗ് ആരംഭിച്ചു. പ്രിവ്യൂ ഓഫറിന് കീഴില്‍ തികച്ചും സൗജന്യമായി കണക്ഷന്‍ ഉപയോഗിക്കുന്ന ആളുകളോട് ഇപ്പോള്‍ ഒരു ഹോം ബ്രോഡ്ബാന്‍ഡ് പ്ലാന്‍ തിരഞ്ഞെടുക്കാന്‍ നിർദേശിക്കുന്നു. ഈ പുതിയ ബില്ലിംഗ് സംവിധാനം അടുത്ത ആഴ്ചകളില്‍ രാജ്യത്തുടനീളം ലഭ്യമാവും. സൗജന്യ ബ്രോഡ്ബാന്‍ഡ് ഉപയോക്താക്കളെ ഒരു മാസത്തിനുള്ളില്‍ ഘട്ടം ഘട്ടമായി പുതിയ ബില്ലിംഗ് സംവിധാനത്തിന് കീഴില്‍ കൊണ്ടുവരുന്ന പ്രക്രിയ ജിയോ പൂര്‍ത്തിയാക്കുമെന്ന് വ്യക്തമാക്കുന്നു. ജിയോ ഫൈബര്‍ പ്ലാനുകള്‍ 199 രൂപയില്‍ ആരംഭിക്കുന്നു. അൺലിമിറ്റഡ് ഉപയോഗവും 100 എംബിപിഎസ് വേഗതയുമുള്ള പ്രതിവാര പദ്ധതിയാണിത്.

അടുത്തതായി, 100 എംബിപിഎസ് വേഗതയില്‍ 150 ജിബി ഡാറ്റ വാഗ്ദാനം ചെയ്യുന്ന 699 രൂപ വെങ്കല പ്ലാന്‍ ഉണ്ട്. 849 രൂപ സില്‍വര്‍ പ്ലാന്‍ 100 എംബിപിഎസ് വേഗതയില്‍ 400 ജിബി ഡാറ്റ വാഗ്ദാനം ചെയ്യുന്നു. 1,299 രൂപയുടെ ഗോള്‍ഡ് പ്ലാന്‍ 250 എംബിപിഎസ് വേഗതയില്‍ 750 ജിബി ഡാറ്റ വാഗ്ദാനം ചെയ്യുന്നു. 500 എംബിപിഎസ് വേഗതയില്‍ 1500 ജിബി ഡാറ്റ വാഗ്ദാനം ചെയ്യുന്ന 2,499 രൂപ ഡയമണ്ട് പ്ലാന്‍. 1 ജിബിപിഎസ് വേഗതയില്‍ 2500 ജിബി ഡാറ്റ വാഗ്ദാനം ചെയ്യുന്ന 3,499 രൂപ പ്ലാറ്റിനം പ്ലാനും അവസാനമായി 8,499 രൂപയും 1 ജിബിപിഎസ് വേഗതയില്‍ 5000 ജിബി ഡാറ്റ വാഗ്ദാനം ചെയ്യുന്ന ടൈറ്റാനിയം പ്ലാന്‍.