ഈ അംബാനിടെ ഒരു കാര്യം! വെറും 1,799 രൂപയുടെ 4ജി ഫോണുമായി ജിയോ

റിലയൻസ് ജിയോ വളരെ ലളിതമായി ജിയോ ഭാരത് ജെ1 4ജി (Jio Bharat J1 4G) ഇന്ത്യയിൽ അവതരിപ്പിച്ചു. വില കുറഞ്ഞ ഫോണുകളും വില കുറഞ്ഞ പ്ലാനുകളും നിലനിർത്താൻ ആഗ്രഹിക്കുന്ന ആളുകൾക്ക് താങ്ങാനാവുന്ന 4ജി ഫീച്ചർ ഫോണാണ് ഇത്. അടിസ്ഥാനപരമായി, നിങ്ങൾ ഇപ്പോൾ 2ജി ഫോണാണ് ഉപയോഗിക്കുന്നതെങ്കിൽ, നിങ്ങൾ ജിയോ ഭാരത് ഫോണിലേക്ക് അപ്ഗ്രേഡ് ചെയ്യുന്നത് ആണ് നല്ലത്. ജിയോ ഭാരത് ജെ1 4ജി എന്ന ഈ പുതിയ ഫോൺ 123 രൂപ മുതൽ താങ്ങാനാവുന്ന പ്ലാനുകൾ ഉപയോഗിച്ച് റീചാർജ് ചെയ്യാം.

മൂന്ന് ജിയോ ഭാരത് ഫോൺ പ്ലാനുകൾ ആണ് ഉള്ളത്. 123 രൂപ, 234 രൂപ, 1234 രൂപ പ്ലാനുകൾ ആണ് നിലവിൽ ഉള്ള പ്ലാനുകൾ. ഈ ഉപകരണത്തിൻ്റെ സവിശേഷതകൾ എന്തൊക്കെ എന്ന് നോക്കാം. ആദ്യം ഇന്ത്യയിൽ ജിയോ ഭാരത് ജെ1 4ജിയുടെ വില നോക്കാം.

ജിയോ ഭാരത് ജെ1 4ജിയുടെ വില 1,799 രൂപ ആണ്. അധിക ചെലവ് ഇല്ലാതെ ഫോണിനൊപ്പം ഒരു ബണ്ടിലായാണ് സിം ഡെലിവർ ചെയ്യുന്നത്. ഈ ഫോണിൻ്റെ ആയിരത്തിൽ അധികം യൂണിറ്റുകൾ കഴിഞ്ഞ മാസം ആമസോണിൽ വിറ്റു. ഉപകരണം നിലവിൽ ആമസോണിൽ ലഭ്യമാണ്. എന്നാൽ ജിയോ റീട്ടെയിൽ സ്റ്റോറുകൾ വഴിയും ആക്‌സസ് ചെയ്യാവുന്നതാണ്.

ഇത്രയും വില കുറഞ്ഞ ഈ ജിയോ ഭാരത് ജെ1 4ജി ഫോണിന്റെ സ്പെസിഫിക്കേഷനുകൾ നോക്കാം.
ജിയോ ഭാരത് ജെ1 4ജി പ്രവർത്തിക്കുന്നത് Threadx RTOSലാണ്. കീപാഡ് ബട്ടണുകളും കോളുകൾ സ്വീകരിക്കാനും നിരസിക്കാനുമുള്ള സമർപ്പിത ബട്ടണുകൾക്കൊപ്പം 122 ഗ്രാം ഭാരവും 2.8 ഇഞ്ച് സ്‌ക്രീനും 128 ജിബി വരെ വികസിപ്പിക്കാവുന്ന 0.13GB ഓൺബോർഡ് സ്റ്റോറേജും ഇതിന് ഉണ്ട്. ഇത് ജിയോ ലോക്ക് ചെയ്‌ത ഫോണാണ്. അതായത് മറ്റ് സിം കാർഡുകൾ ഇതിൽ ഉപയോഗിക്കാൻ കഴിയില്ല.

പവർ അഡാപ്റ്റർ ബോക്‌സിന് ഉള്ളിലാണ്. വയർഡ് ഇയർഫോൺ സപ്പോർട്ടിനും ഓക്‌സ് കേബിളിനുമായി 3.5 എംഎം ഓഡിയോ ജാക്കും ഉണ്ട്. ബാറ്ററിക്ക് 2500mAh ശേഷിയുണ്ട്. ഇത് ഫീച്ചർ ഫോണിന് മികച്ചതാണ്. ഇത് ഒരു ഡാർക്ക് ഗ്രേ കളർ വേരിയൻ്റിൽ ആണ് ഇപ്പോൾ ലഭ്യമാക്കിയിരിക്കുന്നത്. ഡിജിറ്റലായി ഓർമ്മകൾ പകർത്താൻ ഫോണിന്റെ പിന്നിൽ ഒരു വലിയ ക്യാമറ കട്ട്ഔട്ട് ഉണ്ടാകും.

ഉപയോക്താക്കൾക്ക് എവിടെ ആയിരുന്നാലും യുപിഐ (യൂണിഫൈഡ് പേയ്‌മെൻ്റ് ഇൻ്റർഫേസ്) പേയ്‌മെൻ്റുകൾ നടത്താൻ കഴിയുന്ന ജിയോ പേ (JioPay) ഫോണിൽ ഉണ്ട്. ലൈവ് ടിവിയും സിനിമകളും കാണുന്നതിന്, നിങ്ങൾക്ക് ജിയോ ടിവി (JioTV), ജിയോ സിനിമ (JioCinema) എന്നിവയും ഫോണിൽ ലഭിക്കും. കൂടാതെ, ജിയോ ചാറ്റ് (JioChat) ആപ്പ് ഉപയോഗിച്ച്, നിങ്ങൾക്ക് മെസ്സേജ് അയക്കാനും സാധിക്കും.

ജിയോ ഭാരത് ജെ1 4ജി ഫീച്ചർ ഫോൺ ഉപയോക്താക്കൾക്ക് 123 രൂപയുടെ ജിയോ ഭാരത് പ്രതിമാസ റീചാർജ് പ്ലാൻ ലഭിക്കും. ഈ തുച്ഛമായ വില ഉള്ള പ്ലാനിൽ 30 ദിവസത്തേക്ക് അൺലിമിറ്റഡ് കോളുകളും 14 ജിബി മൊത്തം ഡാറ്റയും വാഗ്ദാനം ചെയ്യുന്നു.

ബിൽറ്റ്-ഇൻ ജിയോ ടിവി (JioTV) ആപ്പിൽ നിന്ന് ഉപയോക്താക്കൾക്ക് നിരവധി പ്രാദേശിക ചാനലുകൾ ഉൾപ്പെടെ 455+ ചാനലുകൾ ആക്‌സസ് ചെയ്യാൻ കഴിയും. കൂടാതെ, ജിയോ സിനിമ (JioCinema), ജിയോ സാവൻ (JioSaavn), ജിയോ പേ (JioPay) എന്നിവയും മറ്റും പോലെയുള്ള വൈവിധ്യമാർന്ന ആപ്പുകളിലേക്ക് നിങ്ങൾക്ക് ആക്സസ് ലഭിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.