ഐപിഎല്ലിൽ സ്വഞ്ചറിയടിച്ചത് ജിയോ ഹോട്ട്‌സ്റ്റാർ! സബ്‌സ്‌ക്രൈബർമാരുടെ എണ്ണം 100 മില്യൺ കടന്നു

ഐപിഎൽ ആരംഭിച്ചതോടെ കോളടിച്ചത് മറ്റാർക്കുമല്ല, ജിയോ ഹോട്ട്‌സ്റ്റാറിന് തന്നെയാണ്. ഐപിഎൽ തുടങ്ങിയതോടെ 100 മില്യൺ പുതിയ സബ്‌സ്‌ക്രൈബർമാരെയാണ് ഹോട്ട്‌സ്റ്റാറിന് കിട്ടിയത്. വെറും 100 രൂപയ്ക്ക് 90 ദിവസത്തെ സബ്സ്‌ക്രിപ്ഷനും ഡാറ്റയും വാഗ്ദാനം ചെയ്യുന്ന പുതിയ പ്ലാൻ പുറത്തിറക്കിയതോടെയാണ് ഉപയോക്താക്കളെ ജിയോ ഹോട്ട്‌സ്റ്റാറിലേക്ക് ആകർഷിച്ചത്. നിലവിൽ ഇന്ത്യയിൽ താങ്ങാവുന്ന വിലയുള്ള പ്രീമിയം ഒടിടി സബ്സ്‌ക്രിപ്ഷൻ ഉണ്ടെങ്കിൽ അത് 100 രൂപ വിലയുള്ള ജിയോഹോട്ട്സ്റ്റാറാണ്. ജിയോഹോട്ട്സ്റ്റാറിന്റെ മൂന്ന് മാസത്തേക്ക് സബ്സ്‌ക്രിപ്ഷൻ നിരക്ക് 149 രൂപയാണ്. അതേസമയം പ്രീമിയം പ്ലാനിന് പ്രതിവർഷം 1,499 രൂപയാണ് വില.

എന്നിരുന്നാലും, റിലയൻസ് ജിയോ, ഭാരതി എയർടെൽ, വോഡഫോൺ ഐഡിയ ഉപഭോക്താക്കൾക്ക് അവരുടെ ഡാറ്റ റീചാർജിനൊപ്പം ഒരു വൗച്ചർ ഉപയോഗിച്ച് 100 രൂപയ്ക്ക് ഇത് ആക്സസ് ചെയ്യാൻ കഴിയും. ഐപിഎൽ 2025 മത്സരങ്ങൾ നടക്കുന്നതിനാൽ ഈ പ്രത്യേക വില ലഭ്യമാക്കിയത്. ഇത് സബ്സ്‌ക്രിപ്ഷനുകളുടെ വർദ്ധനവിന് കാരണമാകുന്നു.

കഴിഞ്ഞ മാസം, ഡിസ്‌നി+ ഹോട്ട്സ്റ്റാറും ജിയോ സിനിമയും ലയിച്ച് ജിയോഹോട്ട്സ്റ്റാർ രൂപീകരിച്ചു. 2022 മെയ് മാസത്തോടെ ഡിസ്‌നി+ ഹോട്ട്സ്റ്റാറിന് 50.1 ദശലക്ഷം വരിക്കാരുണ്ടായിരുന്നു. അടുത്ത മൂന്ന് വർഷത്തിനുള്ളിൽ, ജിയോസിനിമയിൽ നിന്നുള്ളവർ ഉൾപ്പെടെ 50 ദശലക്ഷം വരിക്കാരെ കൂടി ലഭിച്ചു. ഈ ലയനം ഫലപ്രദമായി അതിന്റെ വരിക്കാരുടെ എണ്ണം ഇരട്ടിയാക്കി. ഇന്ത്യയിലെ ഐസിസി മത്സരങ്ങൾ, ഐപിഎൽ, ഡബ്ല്യുപിഎൽ തുടങ്ങിയ ജനപ്രിയ കായിക ഇനങ്ങളുടെ തത്സമയ സംപ്രേക്ഷണം ജിയോഹോട്ട്സ്റ്റാർ വാഗ്ദാനം ചെയ്യുന്നു.

കൂടാതെ, ഗെയിം ഓഫ് ത്രോൺസ്, ഹൗസ് ഓഫ് ദി ഡ്രാഗൺ, ദി ലാസ്റ്റ് ഓഫ് അസ്, മാർവൽ സിനിമാറ്റിക് യൂണിവേഴ്‌സ് ഉള്ളടക്കം തുടങ്ങിയ ജനപ്രിയ ഷോകളിലേക്കും ഇത് ആക്സസ് നൽകുന്നു. ജിയോയിൽ 100 രൂപ ഡാറ്റ + ഒടിടി പ്ലാൻ ഉപയോഗിക്കുന്നവർക്ക് 90 ദിവസത്തെ ജിയോഹോട്ട്സ്റ്റാർ മൊബൈൽ സബ്സ്‌ക്രിപ്ഷൻ ഉൾപ്പെടുത്തിയിട്ടുണ്ട്.

അതുപോലെ, എയർടെൽ അതിന്റെ 100 രൂപ ഡാറ്റ പാക്കേജിനുള്ളിൽ സമാനമായ ഒരു പ്ലാൻ നൽകുന്നുണ്ട്. വോഡഫോൺ ഐഡിയ 101 രൂപയ്ക്ക് സമാനമായ ഒരു ഡീൽ വാഗ്ദാനം ചെയ്യുന്നു. ഐപിഎൽ മത്സരങ്ങളുടെ ജനപ്രീതി ടൂർണമെന്റ് അവസാനിക്കുന്നതുവരെ വരിക്കാരുടെ വളർച്ചയ്ക്ക് കാരണമാകുമെന്ന് പ്രതീക്ഷിക്കുന്നു. ഒന്നിലധികം ഒടിടി പ്ലാറ്റ്‌ഫോമുകൾ ഇന്ത്യയിൽ ഇപ്പോൾ നിലവിലുണ്ട്.

സിനിമകൾ, സീരിയലുകൾ, സീരീസുകൾ, വിനോദ പരിപാടികൾ, കായിക പരിപാടികൾ എല്ലാം ഇപ്പോൾ ഒടിടി പ്ലാറ്റ്ഫോമിലേക്ക് മാറിയിട്ടുണ്ട്. എന്നാൽ ഇന്ത്യയിൽ ഒടിടി പ്ലാറ്റ്‌ഫോമുകളിലും വമ്പൻ മാറ്റം സംഭവിച്ചിരിക്കുകയാണ്. ജിയോസിനിമയും ഡിസ്‌നി+ ഹോട്ട്സ്റ്റാറും ലയിപ്പിച്ചുകൊണ്ട് ജിയോ ഹോട്ട്സ്റ്റാർ (JioHotstar) എന്ന പേരിൽ പുതിയ ഒടിടി പ്ലാറ്റ്‌ഫോം വന്നതോടെ കൂടുതൽ മാറ്റങ്ങൾകണ്ടുതുടങ്ങി.

ഇന്ത്യയിലെ ഒടിടിപ്ലാറ്റ്ഫോം രംഗത്ത് വൻ മാറ്റങ്ങൾക്ക് വഴിവയ്ക്കാൻ സാധ്യതയുള്ള ലയനമായിരുന്നു ഇത്. കഴിഞ്ഞ വർഷം നവംബറിൽ ഡിസ്‌നി, റിലയൻസ്, വയാകോം18 എന്നീ കമ്പനികളുടെ ലയനം നടന്നിരുന്നു. അന്നത്തെ ലയനത്തിന് ശേഷം ഈ കമ്പനികൾ ഒന്നുചേർന്നുകൊണ്ടുള്ള ഒടിടി പ്ലാറ്റ്ഫോമിന്റെ പ്രഖ്യാപനത്തിനായി കാത്തിരിക്കുകയാണ് ആരാധകർ. ഈ ലയനം നടന്നതുമുതൽ ഡിസ്നി+ ഹോട്ട്സ്റ്റാറിന്റെ അഴിച്ചുപണി ടെക് ലോകം പ്രതീക്ഷിച്ചിരുന്നു.

മാസങ്ങൾ നീണ്ട അഭ്യൂഹങ്ങൾക്കും റിപ്പോർട്ടുകൾക്കും ശേഷമാണ് ജിയോഹോട്ട്സ്റ്റാർ പുതിയ തീരുമാനം പുറത്തുവന്നത്. പുതിയ ലയനം നടന്നതോടെ നിലവിലുള്ള നിലവിൽ രണ്ട് കമ്പനികളുടെയും സബ്സ്‌ക്രിപ്ഷൻ എടുത്തവർ ആശയക്കുഴപ്പത്തിലാവേണ്ട കാര്യമില്ല. ഡിസ്നി+ ഹോട്ട്സ്റ്റാർ, ജിയോസിനിമ ഉപയോക്താക്കൾക്ക് അവരുടെ നിലവിലുള്ള സബ്‌സ്‌ക്രിപ്ഷനുകൾ ഉപയോഗിക്കുന്നത് തുടരാമെന്ന് കമ്പനി ഉറപ്പ് നൽകിയിട്ടുണ്ട്.

ജിയോ ഹോട്ട്സ്റ്റാർ എന്ന പുതിയ പതിപ്പ് പ്രവർത്തനം ആരംഭിച്ചതോടെ ഡിസ്നി, എച്ച്ബിഒ, പീക്കോക്ക്, പാരാമൗണ്ട്+, മാർവൽ, പിക്‌സർ എന്നിവയുൾപ്പെടെയുള്ള ജനപ്രിയ ഹോളിവുഡ് സ്റ്റുഡിയോകളിൽ നിന്നുള്ള പ്രീമിയം പരിപാടികൾ കാണാൻ സാധിക്കും. പുതിയ മാറ്റം കൂടുതൽ സ്വീകാര്യമാവാനാണ് സാധ്യത. കൂടുതൽ വിനോദ പരിപാടികളിലേക്ക് ജനങ്ങളെ ഉൾപ്പെടുത്താൻ ഈ ലയനം കൊണ്ട് സാധിക്കും.

ജിയോ ഹോട്ട്സ്റ്റാർ നിലവിൽ വന്നതോടെ ഇതിന്റെ സബ്സ്‌ക്രിപ്ഷൻ പ്ലാനും കമ്പനി പുറത്തിറക്കിയിട്ടുണ്ട്. മൊബൈൽ, സൂപ്പർ, പ്രീമിയം പ്ലാനുകളാണ് ഇപ്പോൾ നിലവിലുള്ളത്. കൂടാതെ മൂന്ന് മാസത്തെ പ്ലാനുകളും വാർഷിക പ്ലാനുകളും നിലവിലുണ്ട്. മൊബൈൽ ഫോണിനായി മാത്രം പുറത്തിറക്കിയ പ്ലാനിലേക്ക് വരികയാണെങ്കിൽ എച്ച്ഡി സ്ട്രീമിങ് ആണ് കമ്പനി വാഗ്ദാനം ചെയ്യുന്നത്.

149 രൂപക്ക് മൂന്ന് മാസത്തേക്കും 499 രൂപക്ക് ഒരു വർഷത്തേക്കും സബ്സ്‌ക്രിപ്ഷൻ എടുക്കാം. ഒറ്റ ഡിവൈസിൽ മാത്രമാണ് ഈ പ്ലാൻ പ്രവർത്തിക്കുക. കൂടാതെ പരസ്യവും ഉണ്ടാവും. സൂപ്പർ പ്ലാനിലേക്ക് വരികയാണെങ്കിൽ ഇവിടെയും പരസ്യമുണ്ടാകുമെന്ന കാര്യം ഓർക്കണം. 299 രൂപക്ക് മൂന്ന് മാസത്തേക്കും 899 രൂപക്ക് ഒരു വർഷത്തേക്കും ഈ പ്ലാൻ സ്വന്തമാക്കാൻ കഴിയും. അതുപോലെ ടിവി, ലാപ്ടോപ്പ്, മൊബൈൽ ഫോൺ എന്നിവയിൽ ഈ പ്ലാൻ വർക്ക് ചെയ്യും. ഒരേ സമയം രണ്ട് ഡിവൈസിൽ പ്രവർത്തിപ്പിക്കാനും കഴിയും.

FHD, Dolby Atmos ദൃശ്യമികവോടെ പരിപാടികൾ കാണാം. പ്രീമിയം പ്ലാനിനെ കുറിച്ച് പറയുകയാണെങ്കിൽ ഈ പ്ലാനിൽ പരസ്യം ഉൾപ്പെടില്ല എന്നതാണ് പ്രധാന പോയൻറ്. 299 രൂപക്ക് ഒരു മാസത്തേക്കും 499 രൂപക്ക് മൂന്ന് മാസത്തേക്കും 1499 രൂപക്ക് ഒരു വർഷത്തേക്കും സബ്സ്‌ക്രിപ്ഷൻ ലഭിക്കും. ടിവി, ലാപ്ടോപ്പ്, മൈാബൈൽ എന്നിവയിൽ പ്രവർത്തിക്കുന്ന ഈ പ്ലാൻ ഒരേ സമയം നാല് ഡിവൈസിൽ സപ്പോർട്ട് ആവുകയും ചെയ്യും. 4K + Dolby Vision, Dolby Atmos ദൃശ്യമികവാണ് കമ്പനി വാഗ്ദാനം ചെയ്യുന്നത്.

ജിയോസിനിമയും ഡിസ്നി+ ഹോട്ട്സ്റ്റാറും ലയിച്ച് ജിയോ ഹോട്ട്സ്റ്റാർ എടുത്തതോടെ ഈ രണ്ട് പ്ലാറ്റ് ഫോമിലും നേരത്തെ സബ്സ്‌ക്രിപ്ഷൻ എടുത്തവരുണ്ടായിരുന്നു. ഇവർക്ക് മുന്നിൽ നിരവധി സംശയങ്ങൾ ഉണ്ടാവാൻ സാധ്യത ഏറെയാണ്. ജിയോ സിനിമയിലെയും ഡിസ്‌നി+ ഹോട്ട്സ്റ്റാറിലെയും നിലവിലെ പ്ലാൻ റദ്ദാകുമോ? പുത്തൻ ജിയോഹോട്ട്സ്റ്റാറിൽ ഉള്ളടക്കങ്ങൾ കാണാൻ ഉടനടി മറ്റെന്തെങ്കിലും സബ്‌സ്‌ക്രിപ്ഷൻ പ്ലാൻ തിരഞ്ഞെടുക്കണോ? അത്തരം സംശയങ്ങൾക്ക് വിശദമായി ഉത്തരമറിയാം.

നിലവിൽ ഡിസ്‌നി+ ഹോട്ട്സ്റ്റാറിൽ സബ്സ്‌ക്രിപ്ഷൻ എടുത്തവർക്ക് പുതിയ ജിയോഹോട്ട്സ്റ്റാറിലേക്ക് തടസ്സങ്ങളൊന്നുമില്ലാതെ മൈഗ്രേറ്റാവാൻ കഴിയുമെന്നാണ് ജിയോ ഹോട്ട്സ്്റ്റാർ വ്യക്തമാക്കുന്നത്. പുതിയ ലയനത്തിന് പിന്നാലെ നിലവിൽ ഡിസ്‌നി+ ഹോട്ട്സ്റ്റാർ ആപ്പ് പുത്തൻ ലുക്കിലേക്ക് മാറിയിട്ടുണ്ട്. പഴയ ആപ്പ് തുറന്നാൽ പുതിയ ജിയോഹോട്ട്സ്റ്റാറിലേക്കാണ് എത്തുക.

ഇതിനാൽ തന്നെ കൂടുതൽ ആശയക്കുഴപ്പങ്ങളുണ്ടാവാൻ സാധ്യത കുറവാണ്. കൂടാതെ ഡിസ്‌നി + ഹോട്ട്സ്റ്റാറിലുള്ള പ്ലാനുകൾ മൂന്ന് മാസത്തേക്ക് പഴയ നിരക്കിൽ തന്നെ പുത്തൻ പ്ലാറ്റ്‌ഫോമിൽ തുടരും. ഈ കാലയളവിന് ശേഷം, അവർ പുതിയ ജിയോഹോട്ട്സ്റ്റാർ പ്ലാനുകൾ റീച്ചാർജ് ചെയ്യേണ്ടി വരും എന്ന് മാത്രം. ജിയോ ഹോട്ട്സ്റ്റാർ എന്ന പുതിയ പ്ലാറ്റ്‌ഫോമിലേക്ക് മാറുമ്പോൾ നിലവിലെ ഡിസ്‌നി+ ഹോട്ട്സ്റ്റാർ ഉപയോക്താക്കൾക്ക് ഉടനടി മാറ്റങ്ങളൊന്നും ഉണ്ടാവില്ല.

അതുപോലെ തന്നെ ജിയോ സിനിമയിലെ പ്രീമിയം സബ്സ്‌ക്രിപ്ഷൻ എടുത്തവർക്ക് അവരുടെ പ്ലാനിന്റെ അവശേഷിക്കുന്ന കാലയളവിലേക്ക് സ്വമേധയാ ജിയോഹോട്ട്സ്റ്റാർ പ്രീമിയത്തിലേക്ക് അപ്ഗ്രേഡ് ചെയ്യാനും കഴിയും. നിലവിലെ സബ്‌സ്‌ക്രിപ്ഷൻ കാലാവധി അവസാനിച്ചുകഴിഞ്ഞാൽ ജിയോഹോട്ട്സ്റ്റാർ പ്ലാനുകളിലേക്ക് മാറേണ്ടി വരും. നിലവിൽ ജിയോ സിനിമ ആപ്പ് ഓപ്പൺ ചെയ്താൽ, 'Watch on JioHotstar' എന്ന ഒപ്ഷൻ ലഭിക്കും. ഇതിൽ ക്ലിക്ക് ചെയ്താൽ പുതിയ ജിയോഹോട്ട്സ്റ്റാർ ആപ്പിലേക്ക് റീഡയറക്ട് ചെയ്യപ്പെടും.

ഡിസ്‌നി, എച്ച്ബിഒ, പീക്കോക്ക്, പാരാമൗണ്ട്+, മാർവൽ, പിക്സർ എന്നിവയുൾപ്പെടെയുള്ള ജനപ്രിയ ഹോളിവുഡ് സ്റ്റുഡിയോകളിൽ നിന്നുള്ള പ്രീമിയം പരിപാടികൾ കാണാൻ സാധിക്കുന്നുണ്ട്. ലയനത്തിന് പിന്നാലെ ഇതിന്റെ സബ്സ്‌ക്രിപ്ഷൻ വിവരങ്ങളും കമ്പനി പുറത്തിറക്കിയിരുന്നു. മൊബൈൽ, സൂപ്പർ, പ്രീമിയം പ്ലാനുകളാണ് ഇപ്പോൾ നിലവിലുള്ളത്. മൊബൈൽ ഫോണിനായി മാത്രം പുറത്തിറക്കിയ പ്ലാനിൽ എച്ച്ഡി സ്ട്രീമിങ് ആണ് കമ്പനി വാഗ്ദാനം ചെയ്യുന്നത്. 149 രൂപക്ക് മൂന്ന് മാസത്തേക്കും 499 രൂപക്ക് ഒരു വർഷത്തേക്കും സബ്‌സ്‌ക്രിപ്ഷൻ എടുക്കാം. ഒറ്റ ഡിവൈസിൽ മാത്രമാണ് ഈ പ്ലാൻ പ്രവർത്തിക്കുക. കൂടാതെ പരസ്യവും ഉണ്ടാവും. 299 രൂപ മുതലാണ് സൂപ്പർ പ്ലാൻ ആരംഭിക്കുന്നത്. 299 രൂപക്ക് മൂന്ന് മാസത്തേക്കും 899 രൂപക്ക് ഒരു വർഷത്തേക്കും ഈ പ്ലാൻ സ്വന്തമാക്കാൻ കഴിയും.

അതുപോലെ ടിവി, ലാപ്‌ടോപ്പ്, മൊബൈൽ ഫോൺ എന്നിവയിൽ ഈ പ്ലാൻ വർക്ക് ചെയ്യും. ഒരേ സമയം രണ്ട് ഡിവൈസിൽ പ്രവർത്തിപ്പിക്കാനും കഴിയും. പ്രീമിയം പ്ലാനുകളും 299 രൂപ മുതൽ ആരംഭിക്കുന്നുണ്ട്. 299 രൂപക്ക് ഒരു മാസത്തേക്കും 499 രൂപക്ക് മൂന്ന് മാസത്തേക്കും 1499 രൂപക്ക് ഒരു വർഷത്തേക്കും സബ്‌സ്‌ക്രിപ്ഷൻ ലഭിക്കും. ടിവി, ലാപ്‌ടോപ്പ്, മൈാബൈൽ എന്നിവയിൽ പ്രവർത്തിക്കുന്ന ഈ പ്ലാൻ ഒരേ സമയം നാല് ഡിവൈസിൽ സപ്പോർട്ട് ആവുകയും ചെയ്യും. പരസ്യങ്ങളില്ലാതെ പരിപാടികൾ ആസ്വദിക്കാനും കഴിയും.