TRENDING ON ONEINDIA
-
അധികാരത്തിലേറിയാൽ മോഹൻലാലിനെ രാജ്യസഭയിലെത്തിക്കാൻ ബിജെപി, തലസ്ഥാനത്ത് സുരേഷ് ഗോപി? -
ആദ്യമേ ഇഷ്ടമായിരുന്നു!! പേട്ട കഴിഞ്ഞപ്പോള് ഞാന് പ്രണയത്തിലായി, രജനിയെ കുറിച്ച് യുവനടി -
കൂള് ധോണി ബാറ്റിങ്ങിനിടെ ഖലീല് അഹമ്മദിനോട് ചൂടായി; കാരണമിതാണ്, വീഡിയോ വൈറല് -
ഒരു ഗ്ലാസ്സ് കട്ടൻചായയിൽ ഒതുങ്ങാത്ത ഗുണങ്ങളില്ല -
നിങ്ങളുടെ ആൻഡ്രോയിഡ് ഫോൺ പെട്ടെന്നൊരു നാൾ നിന്നുപോയാൽ?? -
ഡിസി ഡിസൈന് പുറത്തിറക്കിയ പത്തു ഹാച്ച്ബാക്കുകള്
മറ്റൊരു സിലിക്കണ്‍വാലി ആവുകയാണോ കേരളത്തിന്റെ സ്വന്തം കൊച്ചിയും. സമീപകാലത്തെ സംഭവവികാസങ്ങള്‍ നിരീക്ഷിക്കുമ്പോള്‍ അങ്ങനെവേണം കരുതാന്‍. തിരുവനന്തപുരത്തെ ടെക്‌നോ പാര്‍ക്കിലും കൊച്ചിയിലെ ഇന്‍ഫോ പാര്‍ക്കിലും മാത്രം ഒതുങ്ങി നിന്നിരുന്ന കേരളത്തിന്റെ ഐടി വികസനം ഇപ്പോള്‍ വന്‍ കുതിച്ചുചാട്ടമാണ് നടത്തുന്നത്. അതിനു കാരണമായത് കൊച്ചിയിലെ സ്റ്റാര്‍ട്ട് അപ് വില്ലേജും. പൊതു സ്വകാര്യ പങ്കാളിത്തത്തോടെ ആരംഭിച്ച സ്റ്റാര്‍ട്ട് അപ് വില്ലേജ് ടെലികോം രംഗത്ത് യുവാ വ്യവസായികളെ പ്രത്യേകിച്ച് വിദ്യാര്‍ഥികളെ പ്രോത്സാഹിപ്പിക്കുക എന്നതാണ് ലക്ഷ്യമിട്ടത്. ടെലികോം രംഗത്ത് പ്രവര്‍ത്തിക്കുന്ന മോബ് മി എന്ന സ്ഥാപനം നാഷണല്‍ സയന്‍സ് ആന്‍ഡ് ടെക്‌നോളജി, തിരുവനന്തപുരം ടെക്‌നോ പാര്‍ക്ക് എന്നിവയുമായി സഹകരിച്ചാണ് സ്റ്റാര്‍ട് അപ് വില്ലേജ് ആരംഭിച്ചത്. പ്രതീക്ഷിച്ചതിലും മികച്ച പ്രതികരണമാണ് ഈ സംരംഭത്തിന് ലഭിച്ചത്.
ഒരു വര്‍ഷത്തിനിടെ വ്യവസായ സംരംഭങ്ങള്‍ തുടങ്ങാന്‍ താല്‍പര്യമറിയിച്ച് 900 അപേക്ഷകള്‍ ലഭിച്ചു എന്നതുതന്നെയാണ് ഇതിനുള്ള തെളിവ്. കാലിഫോര്‍ണിയയിലെ സിലിക്കണ്‍ വാലി മാതൃകയിലാണ് സ്റ്റാര്‍ട് അപ് വില്ലേജ് ആരംഭിച്ചിരിക്കുന്നത്. വിദ്യാര്‍ഥികളെ സഹായിക്കുന്നതിനായി ബ്ലാക്ക് ബെറി ഇവിടെ ഇന്നൊവേഷന്‍ സോണ്‍ ആരംഭിച്ചുകഴിഞ്ഞു. കിന്‍ഫ്ര ഹൈ ടെക് പാര്‍ക്കില്‍ അഞ്ചുലക്ഷം സ്‌ക്വയര്‍ ഫീറ്റില്‍ ആരംഭിച്ച സ്റ്റാര്‍ട്ട് അപ് വില്ലേജില്‍ ലോക നിലവാരത്തിലുള്ള അടിസ്ഥാന സൗകര്യങ്ങളാണ് ഒരുക്കിയിട്ടുള്ളത്. അതോടൊപ്പം പ്രതിഭാധനരായ സംരംഭകര്‍ക്ക് സിലിക്കണ്‍വാലി സന്ദര്‍ശിക്കാനും അവിടുത്തെ പ്രവര്‍ത്തനങ്ങള്‍ മനസിലാക്കാനും സൗകര്യമൊരുക്കുന്നുണ്ട്.
അടുത്ത ഏഴുവര്‍ഷത്തിനുള്ളില്‍ കേരളത്തില്‍ പുതിയതായി 3000 ഐടി കമ്പനികള്‍ കൂടി ഉണ്ടാവുമെന്നാണ് പ്രതീക്ഷിക്കുന്നതെന്ന്‌ മുഖ്യമന്ത്രി കൂടി പറയുമ്പോള്‍ കേരളം ഐടി രംഗത്ത് വികസനത്തിന്റെ പാതയിലാണെന്ന് വിശ്വസിക്കാതെ തരമില്ല. സ്റ്റാര്‍ട് അപ് വില്ലേജിന്റെ ആഘോഷപരിപാടികളുടെ ഭാഗമായി നടന്ന ചടങ്ങില്‍ വീഡിയോ കോണ്‍ഫ്രന്‍സിങ്ങിലൂടെയാണ് മുഖ്യമന്ത്രി ഇക്കാര്യം പറഞ്ഞത്. ഓരോ ദിവസവും പുതിയ ഒരു ഐ.ടി സ്ഥാപനം തുടങ്ങുകയെന്നതാണ് സര്‍ക്കാര്‍ ലക്ഷ്യം വയ്ക്കുന്നത്. 2020-ല്‍ കേരളത്തിലെ ഐടി കമ്പനികളുടെ എണ്ണം 3000 ആയി ഉയരുമെന്നാണ് കരുതുന്നത്. ഇതിനായി സര്‍ക്കാര്‍ പദ്ധതികള്‍ ആവിഷ്‌കരിച്ചിട്ടുണ്ട്. ഇതോടൊപ്പം കിന്‍ഫ്ര പാര്‍ക്കില്‍ ഒരു കേരള ഇന്നൊവേഷന്‍ സോണ്‍ ആരംഭിക്കാന്‍ പദ്ധതിയുണ്ടെന്നും അദ്ദേഹം പറഞ്ഞു.
പുതിയ സംരംഭങ്ങള്‍ തുടങ്ങാന്‍ ആരംഭിക്കുന്ന വിദ്യാര്‍ഥികളെ പ്രോത്സാഹിപ്പിക്കാനായി സ്റ്റുഡന്റ്‌സ് എന്റര്‍പ്രണര്‍ഷിപ് പോളിസിയും രൂപീകരിച്ചിട്ടുണ്ട്. ഇതുപ്രകാരം വ്യവസായ സംരംഭങ്ങള്‍ തുടങ്ങാനാഗ്രഹിക്കുന്ന വിദ്യാര്‍ഥികള്‍ക്ക് അഞ്ചു ശതമാനം ഗ്രേസ് മാര്‍ക്കും 20 ശതമാനം അറ്റന്റന്‍സ് അലവന്‍സും ലഭിക്കും. സംസ്ഥാനത്തെ രണ്ടു സര്‍വകലാശാലകളില്‍ ഇതു പ്രാവര്‍ത്തികമായിക്കഴിഞ്ഞു. ബാക്കി സര്‍വകലാശാലകളില്‍ ഉടന്‍ നടപ്പിലാക്കുമെന്നും മുഖ്യമന്ത്രി പറഞ്ഞു.
സ്റ്റാര്‍ട് അപ് വില്ലേജിന്റെ പ്രധാന ആകര്‍ഷണങ്ങളിലൊന്നായ എസ്്.വി.എസ് സ്‌ക്വയര്‍ പദ്ധതിക്കായി 15 ലക്ഷം രൂപ നീക്കിവച്ചിട്ടുണ്ടെന്നും മുഖ്യമന്ത്രി കൂട്ടിച്ചേര്‍ത്തു. പ്രതിഭാധനരായ യുവ വ്യവസായികള്‍ക്ക് സൗജന്യമായി കാലിഫോര്‍ണിയയിലെ സിലിക്കണ്‍ വാലിയില്‍ പോകാനും അവിടുത്തെ പ്രവര്‍ത്തന രീതികള്‍ മനസിലാക്കാനും സഹായിക്കുന്ന പദ്ധതിയാണ് എസ്.വി.എസ്. സ്‌ക്വയര്‍.
