ആപ്പിളിനെ കടത്തി വെട്ടി ലെനൊവൊ കമ്പ്യൂട്ടര്‍ വിപണി പിടിച്ചെടുത്തു...!

ആപ്പിളിന് മുകളില്‍ 2014-ലെ മൂന്നാം പാദത്തില്‍ തുടങ്ങിയ മേല്‍ക്കൈ 2015-ലെ മൂന്നാം പാദത്തിലും ലെനൊവൊ തുടരുന്നു.

ഈ കാലയളവില്‍ ലെനൊവൊ 16ദശലക്ഷം യൂണിറ്റുകളാണ് വിറ്റത്. ആപ്പിള്‍ രണ്ട്‌ലക്ഷത്തിനാല്‍പ്പതിനായിരം യൂണിറ്റുകള്‍ പുറകിലാണ്.

ഡെസ്‌ക്ടോപ്, നോട്ട്ബുക്ക്, ടാബ്ലറ്റ് എന്നിവയിലുളള വില്‍പ്പനയിലാണ് ലെനൊവ തുടര്‍ച്ചയായി മുന്നിലെത്തിയിരിക്കുന്നത്.

മാര്‍ക്കറ്റ് ഗവേഷക സ്ഥാപനമായ കനാലിസ്‌ ആണ് ഇതുസംബന്ധിച്ച പഠനം നടത്തിയത്. എന്നാല്‍ 110 മില്ല്യണ്‍ യൂണിറ്റുകളുടെ വില്‍പ്പന കുറവ് ഈ കാലയളവില്‍ ആഗോള വ്യാപകമായി സംഭവിച്ചുവെന്നും കണക്കുകള്‍ വ്യക്തമാക്കുന്നു.