എല്‍ജി ഒപ്റ്റിമസ് Vu 2ല്‍ കുത്തിവരയ്ക്കാം

സെസ് 2013 ല്‍ വച്ച് എല്‍ജി ഇന്നലെ അവതരിപ്പിച്ച സംവിധാനമാണ് പനോരമ നോട്ട്. സാംസങ്ങിന്റെ എസ് നോട്ടിന് ഏതാണ്ട് സമാനമായ ഇതില്‍ നിങ്ങള്‍ക്ക് എഴുതുകയോ,വരയ്ക്കുകയോ ഒക്കെ ചെയ്യാം. സാധാരണ ഉപയോഗിച്ച്ു വരുന്ന അനുപാതത്തിന് പകരമായി 3:1 എന്ന അനുപാതത്തിലുള്ള ഡിസ്‌പ്ലേയിലാണ് ഇതെല്ലാം സാധ്യമാകുന്നത്. 5.8 മടങ്ങ് സൂമിംഗ് ശേഷി, സുഗമമായ നാവിഗേഷന്‍ തുടങ്ങി ഒട്ടേറെ സൗകര്യങ്ങള്‍ ഈ ആപ്ലിക്കേഷനില്‍ എല്‍ജി ഉള്‍പ്പെടുത്തിയിട്ടുണ്ട്.

വലിയൊരു കാന്‍വാസില്‍ വിശാലമായി എഴുതാനും, വരയ്ക്കാനുമൊക്കെ ഉപയോക്താക്കളെ സഹായിയ്ക്കുന്ന ഈ സംവിധാനം എല്‍ജി മു്‌ന്നോട്ടുവയ്ക്കുന്ന പുത്തന്‍ സാധ്യതകളിലൊന്നാണ്.പേര് സൂചിപ്പിയ്ക്കുന്നത് പോലെ 3:1 അനുപാതത്തില്‍ വളരെ ഉപയോഗപ്രദമായ രീതിയില്‍ വിശാലമായ സ്ഥലം സ്‌ക്രീനില്‍ ഉപയോഗിയ്ക്കാനാകും.

എല്‍ജി ഈ വര്‍ഷം പുറത്തിറക്കുന്ന ഒട്ടേറെ ഫീച്ചറുകളില്‍ ഒന്നു മാത്രമാണ് പനോരമ നോട്ട് എന്നാണ് കമ്പനി സഇഒ ആയ ഡോ. ജോങ് സിയോക് പാര്‍ക്ക് പറഞ്ഞത്. എല്‍ജി ഒപ്റ്റിമസ് വിയു2 ല്‍ ഈ വര്‍ഷം പനോരമ നോട്ട് എത്തും. സ്മാര്‍ട്ട്‌ഫോണ്‍ വിപ്ലവം പടരുകയാണ്.