നെറ്റ് സപീഡ് കൂട്ടാന്‍ എല്‍ടിഇ-യു എത്തും...!

4ജി സാങ്കേതികവിദ്യയായ എല്‍ടിഇയുടെയും വൈഫൈ നെറ്റ്‌വര്‍ക്കിന്റെയും ബാന്‍ഡ്‌വിഡ്ത്തുകള്‍ സംയോജിപ്പിച്ച് ഡാറ്റ ട്രാന്‍സ്മിഷന്‍ വേഗത വര്‍ധിപ്പിക്കുന്ന വിദ്യ തങ്ങള്‍ കണ്ടെത്തിയതായി യൂപ്ലസ്. ഈ സങ്കേതത്തിലൂടെ 300 എംബി പെര്‍ സെക്കന്റ് ഡൗണ്‍ലോഡ് സ്പീഡാണ് ലഭിക്കുക. ദക്ഷിണ കൊറിയയിലെ മൂന്നാമത്തെ വലിയ മൊബൈല്‍ ദാതാക്കളാണ് എല്‍ജിയുടെ സഹോദര സ്ഥാപനമാണ് യൂപ്ലസ്.

എല്‍ടിഇയു (എല്‍ടിഇ വിത്തൗട്ട് ലൈസന്‍സ്) എന്നാണ് പുതിയ സാങ്കേതികവിദ്യയുടെ പേര്. 4ജി ഫോണുകളിലാകും ഇത് ലഭ്യമാകുക. അടുത്ത വര്‍ഷം പകുതിയോടെ പുതിയ സങ്കേതിക വിദ്യ ഉപയോക്താക്കളിലേക്ക് എത്തിക്കാനാണ് പ്രതീക്ഷയെന്ന് യൂപ്ലസ് പറഞ്ഞു. ഈ സാങ്കേതിക വിദ്യയെത്തുന്നതോടെ സ്ട്രീമിങ് വീഡിയോ കാണുന്നം ഡൗണ്‍ലോഡു ചെയ്യുന്നതും വളരെ എളുപ്പമാകും.

എല്‍ടിഇയു സങ്കേതിക വിദ്യ നിലവിലെ ഡാറ്റ സ്പീഡ് അഞ്ചു മടങ്ങു വരെ ഉയര്‍ത്തുന്നതിനാല്‍ ഇത് 5ജി വേഗത കൈവരിക്കുമെന്നാണ് വിദഗ്ദരുടെ അഭിപ്രായം.