വാട്ട്‌സ്ആപിനെ തോല്‍പ്പിക്കാന്‍ യാഹൂ ലൈവ് ടെക്സ്റ്റ് ഇറക്കി...!

യാഹൂ മെസഞ്ചറിന്റെ പുതിയ പതിപ്പ് വാട്ട്‌സ്ആപ് പോലുളള തല്‍ക്ഷണ മെസേജിങ് ആപുകള്‍ക്ക് വെല്ലുവിളി ഉയര്‍ത്തും. വീഡിയോ ചാറ്റിങിന്റെ സവിശേഷതയുമായാണ് യാഹൂ ലൈവ് ടെക്സ്റ്റ് എത്തിയിരിക്കുന്നത്.

ഓഡിയോ ഫീഡ് കൂടാതെ ടെക്സ്റ്റ് മെസേജിന്റെ കൂടെ വീഡിയോ ചാറ്റ് ലഭ്യമാക്കുന്ന ആദ്യത്തെ സന്ദേശ ആപായി മാറിയിരിക്കുകയാണ് ലൈവ് ടെക്സ്റ്റ്.

ടൈപ്പ് ചെയ്യാതെ തല്‍ക്ഷണം വീഡിയോ രൂപത്തില്‍ മറുപടി നല്‍കാം എന്നതാണ് ഇതിന്റെ പ്രത്യേകതയായി യാഹൂ അധികൃതര്‍ പറയുന്നത്.

തുടക്കത്തില്‍ ഹോങ്കോങില്‍ ആപ്പിള്‍ സ്റ്റോറില്‍ മാത്രം ലഭ്യമാകുന്ന ഈ ആപ്, താമസിയാതെ കമ്പനി മറ്റ് രാജ്യങ്ങളിലേക്കും വ്യാപിപ്പിക്കും.