പ്രോഡക്റ്റുകൾക്ക് ഫ്ലാഷ് വിൽപ്പനയും കിഴിവുകളുമായി ഷവോമിയുടെ എംഐ ഫാൻ ഫെസ്റ്റിവൽ 2021

എംഐ ഫാൻ ഫെസ്റ്റിവൽ 2021 സ്മാർട്ട്‌ഫോണുകൾ, സ്മാർട്ട് ടിവികൾ, മറ്റ് ഡിവൈസുകൾ എന്നിവയ്ക്ക് വലിയ കിഴിവുകൾ നൽകുന്നുണ്ട്. കൂടാതെ ഈ സെയിൽ ഫെസ്റ്റിവലിൽ എംഐ 10 ഐ, എംഐ ടിവി 4 എ 32 ഹൊറൈസൺ എഡിഷൻ, റെഡ്മി 9 പവർ, എംഐ നെക്ക്ബാൻഡ് ബ്ലൂടൂത്ത് ഇയർഫോണുകൾ തുടങ്ങിയ പ്രോഡക്റ്റുകൾക്ക് 'വൺ റുപീ ഫ്ലാഷ് സെയിൽ' നടത്തുന്നുമുണ്ട്. എംഐ വെബ്‌സൈറ്റിലായിരിക്കും ഈ ഫ്ലാഷ് സെയിൽ നടക്കുന്നത്. ആക്സിസ് ബാങ്ക്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് ക്രെഡിറ്റ്, ഡെബിറ്റ് കാർഡുകൾ എന്നിവ വഴി പ്രോഡക്റ്റുകൾ വാങ്ങുമ്പോൾ 12,000 രൂപ വരെ ഡിസ്കൗണ്ട് ഷവോമി നിങ്ങൾക്ക് നൽകുന്നു.

ഈ സെയിൽ നടക്കുമ്പോൾ രാവിലെ 10 മണിക്ക് ഉപഭോക്താക്കൾക്ക് എംഐ നോട്ട്ബുക്ക് 14 ഹൊറൈസൺ എഡിഷനിലും, എംഐ 10 ടി പ്രോയിലും 13,000 രൂപ വരെ കിഴിവ് ലഭിക്കും. അതേസമയം, റെഡ്മി നോട്ട് 9 നിങ്ങൾക്ക് 8,000 രൂപ വരെ കിഴിവിൽ സ്വന്തമാക്കാം. എംഐ സ്മാർട്ട് ഹോം പ്രോഡക്റ്റുകൾക്ക് 4,499 രൂപ വരെ കിഴിവാണ് ഷവോമി നിങ്ങൾക്കായി ഇവിടെ ലഭ്യമാക്കുന്നത്. എംഐയുടെ വെബ്സൈറ്റിൽ എല്ലാ ദിവസവും രാത്രി 8 മുതൽ അർദ്ധരാത്രി 12 മണി വരെ 'പിക്ക് N ചൂസ്' റൗണ്ടുകളിൽ ഉപയോക്താക്കൾക്ക് മൂന്ന് ഉൽപ്പന്നങ്ങൾ എടുക്കുമ്പോൾ അതിൽ ഒന്നിൻറെ വില നൽകി ബാക്കി മൂന്ന് പ്രോഡക്റ്റുകളും വാങ്ങുവാൻ കഴിയും.

കൾട്ട്ഫിറ്റ്, മെയ്ക്ക് മൈട്രിപ്പ്, സൂംകാർ, ലെൻസ്കാർട്ട്, തുടങ്ങിയ ബ്രാൻഡുകൾക്ക് എംഐ ഹോം സ്റ്റോറുകളിലെ വിൽപ്പന കാലയളവിൽ ഉപഭോക്താക്കൾക്ക് 10,000 രൂപ വരെയുള്ള ഗിഫ്റ്റ് വൗച്ചറുകൾ നൽകും. കൂടാതെ, ഓരോ ദിവസവും നടത്തുന്ന പാർച്ചേസുകൾക്ക് 100 ശതമാനം പണം തിരികെ ഉപയോക്താക്കൾക്ക് നൽകുമെന്ന് ഷവോമി അവകാശപ്പെടുന്നു. കൂടാതെ, ഷവോമി ഔട്ട്-ഓഫ്-വാറന്റി പ്രോഡക്റ്റുകൾക്ക് സൗജന്യമായി സേവനം നൽകും. ഇതിനുള്ള വിശദാംശങ്ങൾ എംഐ ഹോമിൻറെ സോഷ്യൽ മീഡിയ പേജിൽ നിങ്ങൾക്ക് കാണാം. ഒരു റീട്ടെയിൽ സ്റ്റോറിൽ നിന്നും പ്രോഡക്റ്റുകൾ വാങ്ങുന്നുവെങ്കിൽ ഉപയോക്താക്കൾ മാസ്കുകൾ ധരിക്കണമെന്നും സാമൂഹിക അകലം പാലിക്കുവാനും, കോവിഡ് മാനദണ്ഡങ്ങൾ കർശനമായി പാലിക്കണമെന്നും ഷവോമി ഇവിടെ പറയുന്നുണ്ട്.