ജിയോയും മൈക്രോമാക്‌സും വില കുറഞ്ഞ 4ജി വോള്‍ട്ട് ഫോണില്‍ മത്സരം!

4ജി വോള്‍ട്ട്‌ഫോണുകള്‍

ഇപ്പോള്‍ വിപണിയില്‍ 4ജി വോള്‍ട്ട് ഫോണുകളാണ് ഏറെ പ്രാധാന്യം നല്‍കുന്നത്. കാരണം ജിയോ അണ്‍ലിമിറ്റഡ് ഓഫറുകള്‍ എല്ലാം തന്ന 4ജി വോള്‍ട്ട് ഫോണുകളിലാണ് നല്‍കുന്നത്. അതു കൊണ്ടു തന്നെയാണ് ജിയോ 4ജി ഫോണുകള്‍ വളരെ തുച്ഛമായ വിലയില്‍ ഇറക്കിയതും.

1,999 രൂപയുടെ 4ജി ഫോണ്‍

മൈക്രോമാക്‌സ് 1999 രൂപയ്ക്കാണ് 4ജി ഫീച്ചര്‍ ഫോണ്‍ ഇറക്കുന്നത്. ഭാരത് 1 എന്നാണ് ഈ ഫോണിന് പേരിട്ടിരിക്കുന്നത്. ഭാരത് 1 ടച്ച് സവിശേഷത ഉണ്ടായിരിക്കും എന്നാല്‍ ആന്‍ഡ്രോയിഡ് ഒഎസ് പിന്തുണയ്ക്കില്ല. എന്നിരുന്നാലും ഈ ഫീച്ചര്‍ ഫോണുകളില്‍ ഇന്റര്‍നെറ്റ് ഉപയോഗിക്കാം.

2,999 രൂപ, 4ജി ഫോണ്‍

2,999 രൂപയ്ക്ക് 4ജി ആന്‍ഡ്രോയിഡ് ഫോണാണ് ലഭിക്കുന്നത്. ഭാരത് 2 എന്ന് പേരിട്ടിരിക്കുന്ന ഈ ഫോണിന് 4ജിയില്‍ ലഭിക്കുന്ന എല്ലാ സവിശേഷതകളും ഉണ്ട്.

ഫോണുകള്‍ വിപണിയില്‍

മൈക്രോമാക്‌സിന്റെ ഈ രണ്ട് ഫോണുകളും ഏപ്രിലില്‍ വിപണിയില്‍ എത്തുമെന്നാണ് റിപ്പോര്‍ട്ടുകള്‍ പറയുന്നത്.

ഹൈഎന്‍ഡ് ഫോണുകള്‍

മൈക്രോമാക്‌സ് ഇതു കൂടാതെ പ്രീമിയം ഫോണുകളും ഇറക്കാന്‍ തീരുമാനിക്കുന്നു. ഇതിന്റെ വില ഏകദേശം 25,000 രൂപ മുതല്‍ 30,000 രൂപ വരെയാകും.

ജിയോ 4ജി ഫോണ്‍

ജിയോ 4ജി ഫോണിന്റെ വില 999 രൂപയാണ്. ഈ ഫോണില്‍ ജിയോ 4ജി സിം മാത്രമേ പിന്തുണയ്ക്കൂ. ഇത് ലോകത്തിലെ ഏറ്റവും വില കുറഞ്ഞ 4ജി വോള്‍ട്ട് സ്മാര്‍ട്ട്‌ഫോണാണ്. ക്യാമറ സവിശേഷതയും ഹോട്ട്‌സ്‌പോട്ട് സവിശേഷതയും ഈ ഫോണില്‍ ഉണ്ട്.