മൈക്രോമാക്സ് ബജറ്റ് വിലയിൽ പുതിയ പ്രീമിയം സ്മാർട്ട്‌ഫോണുകളുമായി വരുമെന്ന് റിപ്പോർട്ടുകൾ

ഇന്ത്യൻ വിപണിയിൽ ഏതെങ്കിലും പുതിയ സ്മാർട്ഫോൺ പുറത്തിറക്കാൻ കമ്പനി ആഗ്രഹിക്കുന്നുണ്ടോ എന്ന് ചോദിച്ച് നിരവധി ഉപയോക്താക്കൾ മൈക്രോമാക്‌സിൽ ട്വീറ്റ് ചെയ്യ്തിരുന്നു. റിയല്‍മി, വിവോ, ഷവോമി തുടങ്ങി ഇന്ന് കൂടുതൽ ഉപയോക്താക്കൾക്ക് പ്രിയപ്പെട്ടതായിട്ടുള്ള സ്മാര്‍ട്ട്ഫോണ്‍ ബ്രാൻഡുകൾ വരുന്നതിന് മുൻപ് സാംസങ്ങിനോട് മത്സരിച്ചിരിക്കുന്ന സ്മാര്‍ട്ട്‌ഫോണ്‍ ബ്രാന്‍ഡാണ് മൈക്രോമാക്‌സ്. ഡല്‍ഹി ആസ്ഥാനമായി പ്രവര്‍ത്തിച്ചിരുന്ന മൈക്രോമാക്‌സ് വിപണിയില്‍ ഉയരുന്നതിന് ഇടയിലാണ് ചൈനീസ് സ്മാര്‍ട്ടഫോണ്‍ ബ്രാന്‍ഡുകളുടെ വരവ്.

ഇതോടെ വിപണിയിൽ പിടിച്ച് നിൽക്കാൻ കഴിയാതെയായി. ഇപ്പോഴും വിപണിയിലുണ്ടെങ്കിലും പ്രതാപകാലത്തിന്റെ ഒരു ശതമാനം പോലും വിപണി വിഹിതം ഇപ്പോള്‍ മൈക്രോമാക്‌സിനില്ല എന്നത് മറ്റൊരു വസ്തുതയാണ്. ഈയൊരു കടമ്പ കടക്കുന്നതിനായി പുതിയ പദ്ധതികൾ ആവിഷ്കരിക്കുന്നതിന്റെ ഭാഗമായാണ് ഈ പുതിയ സ്മാർട്ഫോണുകൾ രംഗത്തേക്ക് ഇറക്കാനുള്ള മൈക്രോമാക്‌സിൻറെ പരിപാടി. വാട്ടർ ഡ്രോപ്പ് നോച്ച് ഡിസൈനും ഡ്യുവൽ റിയർ ക്യാമറയും ഉൾക്കൊള്ളുന്ന മൈക്രോമാക്‌സ് ഐഒൻ നോട്ട് 2019 ഒക്ടോബറിൽ കമ്പനി പുറത്തിറക്കി.

ഇന്ത്യൻ വിപണിയിൽ ഉടൻ പുറത്തിറങ്ങാനിരിക്കുന്ന സ്മാർട്ഫോണുകളുടെ എണ്ണം മൈക്രോമാക്സ് വെളിപ്പെടുത്തിയിട്ടില്ലെങ്കിലും മൂന്ന് സ്മാർട്ഫോണുകൾ വിപണിയിലെത്തിച്ചേക്കുമെന്ന് ഗാഡ്‌ജെറ്റ്സ് 360 റിപ്പോർട്ടിൽ പറയുന്നു. കൂടാതെ, മൈക്രോമാക്‌സിൽ നിന്നുള്ള പുതിയ സ്മാർട്ഫോണുകളുടെ വില 10,000 ന് താഴെയായിരിക്കുമെന്നും റിപ്പോർട്ടുകൾ വ്യക്തമാക്കുന്നു. ഈ സ്മാർട്ഫോണുകൾക്ക് ഒരു "ഹോൾ-പഞ്ച് ഡിസ്പ്ലേ" ഉണ്ടെന്ന് സൂചിപ്പിക്കുന്ന ഒരു "മോഡേൺ ലുക്ക് " ഉണ്ടാകുമെന്നും പറയുന്നു.

എൽഇഡി ടിവി, എയർകണ്ടീഷണറുകൾ, വാഷിംഗ് മെഷീനുകൾ എന്നിവയുൾപ്പെടെ നിരവധി ഉപഭോക്തൃ ഇലക്ട്രോണിക്സ് ഉൽപ്പന്നങ്ങൾ മൈക്രോമാക്സ് പുറത്തിറക്കിയിരുന്നു. വിവിധ ഓൺലൈൻ, ഓഫ്‌ലൈൻ റീട്ടെയിലർമാരിൽ ലഭ്യമെന്ന് പറയപ്പെടുന്ന ഏഴ് ലാപ്‌ടോപ്പുകളും ഏഴ് ടാബ്‌ലെറ്റുകളും കമ്പനി നിലവിൽ പട്ടികപ്പെടുത്തിയിട്ടുണ്ട്.

മൈക്രോമാക്സ് ഐവൻ നോട്ട് അവതരിപ്പിക്കുന്നു "കംപ്ലീറ്റ് എച്ച്ഡി സ്ക്രീൻ"

13 എംപി പ്രൈമറി ക്യാമറയും 2 എംപി സെക്കൻഡറി ക്യാമറയും ഉൾപ്പെടെ ഡ്യുവൽ റിയർ ക്യാമറയാണ് മൈക്രോമാക്‌സ് ഐഒൻ നോട്ടിന്റെ സവിശേഷത. മുൻ ക്യാമറ 5 എംപി ആണെന്ന് പറയപ്പെടുന്നു. 3950 എംഎഎച്ച് ബാറ്ററിയോടൊപ്പം 3 ജിബി റാമും 32 ജിബി റോമും ഈ സ്മാർട്ഫോണിൽ ഉൾപ്പെടുന്നു. നിലവിൽ ആമസോണിൽ ലഭ്യമായ സ്മാർട്ഫോണിനൊപ്പം മൈക്രോമാക്സ് ഐവൻ നോട്ടിന് 8,280 രൂപയാണ് കമ്പനി വില നൽകിയിരിക്കുന്നത്. അടുത്ത മാസം തന്നെ പുത്തന്‍ മൈക്രോമാക്‌സ് ഫോണുകള്‍ വില്പനക്കെത്തും എന്നും റിപ്പോർട്ടുകൾ ഉണ്ട്