ഇരട്ട ചാര്‍ജര്‍ പവര്‍ ബാങ്കുകള്‍ മൈക്രോസോഫ്റ്റ് അവതരിപ്പിച്ചു...!

ഷവോമി, അസുസ്, വണ്‍ പ്ലസ് എന്നിവര്‍ക്ക് പുറകെ മൈക്രോസോഫ്റ്റും പവര്‍ബാങ്കുമായി എത്തുന്നു. 5200, 9000, 12000 എംഎഎച്ചുകളിലായാണ് കമ്പനി പവര്‍ബാങ്ക് എത്തിക്കുന്നത്.

2,200, 2,900, 3,500 എന്നിങ്ങനെയാണ് യഥാക്രമം വില. ഈ പോര്‍ട്ടബിള്‍ ഡുവല്‍ ചാര്‍ജര്‍ അടുത്ത ഏതാനും ആഴ്ചകള്‍ക്കുളളില്‍ ഇന്ത്യന്‍ വിപണിയില്‍ എത്തുമെന്നാണ് പ്രതീക്ഷിക്കപ്പെടുന്നത്.

വളരെ എളുപ്പത്തില്‍ കൊണ്ടു നടക്കാവുന്ന രൂപഘടനയാണ് ഈ പവര്‍ബാങ്കുകള്‍ക്കുളളതെന്ന് കമ്പനി വ്യക്തമാക്കുന്നു. രണ്ട് യുഎസ്ബി പോര്‍ട്ടുകള്‍ ഉളളതിനാല്‍ രണ്ട് ഡിവൈസുകള്‍ ഇതില്‍ ഒരേ സമയം ചാര്‍ജ് ചെയ്യാനാകും.