5999 രൂപയ്ക്ക് MTS അവതരിപ്പിയ്ക്കുന്നു, ആന്‍ഡ്രോയ്ഡ് 2.3 സഹിതം MTag 353

320x480 റെസല്യുഷനുള്ള കപ്പാസിറ്റീവ് ടച്ച് സ്‌ക്രീനാണ് 3.5 ഇഞ്ച് ഡിസ്‌പ്ലേയോട് കൂടിയ MTS MTag 353ല്‍ ഉപയോഗിച്ചിരിക്കുന്നത്. 800 MHz ക്വാല്‍കോം സ്‌നാപ് ഡ്രാഗണ്‍ പ്രൊസസ്സര്‍ ഉപയോഗിച്ച് പ്രവര്‍ത്തിക്കുന്ന ഈ മോഡലില്‍ 1500 mAh ബാറ്ററിയാണ് ഊര്‍ജ സ്രോതസ്സ്. 3 മെഗാ പിക്‌സല്‍ പിന്‍ ക്യാമറയുള്ള MTS MTag 353ല്‍ 32 ജി ബി വരെ ബാഹ്യ മെമ്മറി സപ്പോര്‍ട്ട് ചെയ്യും. മാത്രമല്ല ഒരു 2 ജി ബി കാര്‍ഡ് ഫോണിനൊപ്പം നല്‍കിയിട്ടുമുണ്ട്. ഒരു സങ്കടമുള്ളത് ഓ എസ്സിനേക്കുറിച്ചാണ്. കാലഹരണപ്പെട്ട ആന്‍ഡ്രോയ്ഡ് 2.3 ആണ് ഈ മോഡലില്‍ ഉപയോഗിച്ചിരിക്കുന്നത്.

ലോഞ്ച് വേളയില്‍ സംസാരിച്ച എം ടി എസ് ഇന്ത്യ, ചീഫ് മാര്‍ക്കെറ്റിംഗ് & സെയില്‍സ് ഓഫീസര്‍ ലിയോനിഡ് മുസതോവിന്റെ വാക്കുകളില്‍, 'ഹൈ സ്പീഡ് ഡാറ്റ, വോയിസ് പ്ലാനുകള്‍ ഉള്‍പ്പെടുത്തി പുറത്തിറക്കിയിരിക്കുന്ന ഈ മോഡല്‍ യുവാക്കളെ ഉദ്ദേശിച്ചുള്ളതാണ്.'

പല തരത്തിലുള്ള ഓഫറുകളുമായിട്ടാണ് MTS MTag 353 വന്നിരിക്കുന്നത്. രണ്ട് മാസത്തേക്ക് 512 എം ബി ഡാറ്റ , 500 ലോക്കല്‍ + എസ് റ്റി ഡി /മാസം (3 മാസത്തേക്ക്), 6 മാസത്തേക്ക് 1 പൈസാ/ 2 സെക്കണ്ട്‌സ് (ലോക്കല്‍+എസ് റ്റി ഡി). ഇതൊക്കെ കൂടാതെ MTS TV ആപ്ലിക്കേഷന്‍ ഉപയോഗിച്ച് 100ല്‍ അധികം ലൈവ് ടി വി ചാനലുകള്‍ കാണാനുള്ള സൗകര്യവുമുണ്ട്.

ഈ ഫോണ്‍ വിപണിയില്‍ 5,999 രൂപയ്ക്ക് ലഭ്യമാണ്.