വീട്ടമ്മയുടെ നഗ്നദൃശ്യങ്ങൾ വാട്ട്സ് ആപ്പിൽ; കുറ്റവാളിയെ കണ്ട് ഭയന്ന് സൈബർ പോലീസ്

ദൃശ്യങ്ങൾ ലഭിച്ചത് ഹാക്കിങ് വഴി

ഈ സ്ത്രീയുടെ ഭര്‍ത്താവ് വിദേശത്താണ് ജോലി ചെയ്യുന്നത്. കോഴിക്കോട് സ്വദേശിനിയായ ഈ വീട്ടമ്മയുടെ ദൃശ്യങ്ങള്‍ വാട്ട്സ്ആപ്പില്‍ നിന്നും ലഭിച്ചതോടെയാണ് സംഭവങ്ങള്‍ ആരംഭിക്കുന്നത്. ഒളിക്യാമറയില്‍ നിന്നുള്ള ദൃശ്യങ്ങളാണ് പ്രചരിച്ചത്. തുടർന്ന് വീട്ടില്‍ ആരോ രഹസ്യമായി ഒളിക്യാമറ വച്ചിട്ടുണ്ടെന്നാണ് ആദ്യം വീട്ടുകാര്‍ക്ക് തോന്നിയത്. എന്നാല്‍ വീട്ടില്‍ തങ്ങള്‍ അറിയാതെ ആരും വന്നിട്ടില്ലെന്ന് ഭാര്യയും വീട്ടുകാരും തെല്ലും സംശയമില്ലാതെ പറയുകയും ചെയ്തതോടെയാണ് ഭര്‍ത്താവ് പൊലീസിൽ വിവരമറിയിച്ചത്.

കേരള സൈബർ പോലീസ്

പൊലീസിന് തുടർന്നുള്ള പരിശോധനയിൽ രഹസ്യക്യാമറകള്‍ മുറിയിൽ സ്ഥാപിച്ചതായി കണ്ടെത്താനും കഴിഞ്ഞില്ല. ഇതോടെയാണ് വാട്ട്സ്ആപ്പില്‍ ലഭിച്ച ദൃശ്യങ്ങളുടെ വഴി പൊലീസ് പരിശോധിക്കാനിടയായത്. അത് കണ്ടെത്തിയതോടെ സെബര്‍ സെല്‍ ഉദ്യോഗസ്ഥര്‍ കുറ്റവാളിയെ നിമിഷ നേരങ്ങള്‍ക്കുള്ളില്‍ പിടികൂടി. വിദേശത്ത് നിന്ന് വന്നപ്പോള്‍ ഈ സ്ത്രീയുടെ ഭർത്താവ് കൊണ്ടുവന്ന ആന്‍ഡ്രോയിഡ് ടിവിയാണ് ദൃശ്യങ്ങള്‍ പകര്‍ത്താന്‍ ഉപയോഗിച്ചത്. ഇതില്‍ ലോഗിന്‍ ചെയ്ത് വീട്ടുകാര്‍ വിദേശത്തുള്ള വീട്ടുടമസ്ഥനുമായി വീഡിയോ കോളും ചെയ്തിട്ടുണ്ട്.

വീട്ടമ്മയുടെ നഗ്നദൃശ്യങ്ങൾ വാട്ട്സ് ആപ്പിൽ

എന്നാല്‍ സ്ക്രീന്‍ ഓഫായിരുന്ന ടിവിയുടെ ക്യാമറ ഓണായിരുന്നതാണ് വീട്ടമ്മയെ ഈ ഗുരുതരമായ പ്രശ്നത്തിലേക്ക് കൊണ്ടെത്തിച്ചത്. ഭർത്താവ് വിദേശത്ത് ഉപയോഗിക്കുന്ന കംപ്യൂട്ടർ ഹാക്ക് ചെയ്തവർക്കാണ് ടിവി റെക്കോർഡ് ചെയ്ത വീട്ടമ്മയുടെ നഗ്നദൃശ്യങ്ങൾ ലഭിച്ചത്. കുറ്റവാളിയെ കണ്ടെത്തിയതോടെ ഓണ്‍ലൈന്‍ സംവിധാമുള്ള ഉപകരണം ഓഫ് ചെയ്താലും പ്ലഗ് കൂടി വിച്ഛേദിക്കാൻ നിര്‍ദ്ദേശം നല്‍കിയിരിക്കുകയാണ് സൈബര്‍ പൊലീസ്. വളരെയധികം കരുതലോടെ ഉപയോഗിക്കേണ്ട ഒരു വസ്തുതയാണ് പുതിയ സാങ്കേതികത ലഭ്യമാക്കുന്ന ഉപകരണങ്ങൾ. നമ്മളറിയാതെ തന്നെ നമുക്ക് വിപത്താകുന്ന ഒരാവസ്ഥയായിരിക്കും ഈ സാങ്കേതികതകൾ വളരെ കരുതലോടെ ഉപയോഗിച്ചില്ലെങ്കിൽ സംഭവിക്കുവാൻ പോകുന്നത്.