യൂട്യൂബ് മ്യൂസിക്കിൽ പുതുമകളൊരുക്കി ഗൂഗിൾ

ഗൂഗിളിൻറെ മ്യൂസിക് സ്ട്രീമിങ് സർവീസാണ് യൂട്യൂബ് മ്യൂസിക്. ആൺഡ്രോയിഡിന് പുറമെ ഡെസ്ക്‌ടോപ്പ്, ഐഒഎസ് പ്ലാറ്റ്ഫോമുകളിലും യൂട്യൂബ് മ്യൂസിക് ലഭ്യമാകുന്നതാണ്. പരസ്യങ്ങളില്ലാതെ ഉപഭോക്താക്കൾക്ക് പാട്ടുകൾ ആസ്വാദിക്കുവാൻ യൂട്യൂബ് മ്യൂസിക്കിലൂടെ സാധിക്കും എന്നതാണ് പ്രധാന സവിശേഷത. ഗാന, ജിയോസാവൻ, ആപ്പിൾ മ്യൂസിക്, ആമസോൺ മ്യൂസിക് എന്നീ സർവീസുകളുടെ ഗണത്തിലേക്ക് എത്തിയ യൂട്യൂബ് മ്യൂസികിന് മികച്ച പ്രതികരണമാണ് ഇപ്പോൾ ലഭിക്കുന്നത്.

മ്യൂസിക് വീഡിയോകൾക്ക് പുറമെ കച്ചേരികളുടെയും മറ്റ് സംഗീത പരിപാടികളുടെയും തത്സമയ സംപ്രേഷണവും യൂട്യൂബ് മ്യൂസിക്കിൽ നിന്നും ഉപയോക്താക്കൾക്ക് ആസ്വദിക്കാവുന്നതാണ്. ഇതിന് പുറമെ ഉപഭോക്താക്കൾക്ക് അവരുടെ ലൈബ്രറി ഉണ്ടാക്കാൻ സാധിക്കുന്ന ഏറ്റവും പുതിയ ഫീച്ചർ അവതരിപ്പിക്കാനൊരുങ്ങുകയാണെന്നാണ് റിപ്പോർട്ടുകൾ വ്യക്തമാക്കുന്നത്. ഉപഭോക്താവിന് പാട്ടുകൾ ചേർത്ത് ലൈബ്രറി സൃഷ്ടിക്കാൻ സാധിക്കുന്നത് ഗൂഗിൾ മ്യൂസിക്കിന്റെ സവിശേഷതയായിരുന്നു.

ഇത്തരത്തിൽ ഗൂഗിൾ മ്യൂസിക്കിലേക്ക് ചേർത്ത പാട്ടുകൾ യൂട്യൂബ് മ്യൂസിക്കിലും ഉപഭോക്താക്കൾക്ക് ആസ്വാദിക്കാൻ സാധിക്കും. 2020 രണ്ടാം ഭാഗത്തോടെ പുതിയ ഫീച്ചർ യൂട്യൂബ് മ്യൂസിക്കിലെത്തുമെന്നാണ് പ്രതീക്ഷിക്കുന്നത്. യൂട്യൂബ് മ്യൂസിക് ഉപഭോക്താക്കൾക്ക് ഇന്ത്യയിൽ പ്രതിമാസം 99 രൂപയ്ക്കാണ് ലഭ്യമാകുന്നത്. എന്നാൽ ആദ്യത്തെ മൂന്ന് മാസം പൂർണമായും സൗജന്യമായിരിക്കുമെന്നും കമ്പനി വാഗ്ധാനം ചെയ്യുന്നു. ഗൂഗിൾ പ്ലേസ്റ്റോറിൽ നിന്ന് ആൺഡ്രോയിഡ് ഫോണുകളിലും ഡെസ്ക്ടോപ്പുകളിലും യൂട്യൂബ് മ്യൂസിക് ഡൗൺലോഡ് ചെയ്യാൻ സാധിക്കും. ആപ്പിൾ ഐഫോണുകളിൽ ആപ്പ്സ്റ്റോറുകളിൽ നിന്നും ആപ്ലിക്കേഷൻ സ്വന്തമാക്കി ഉപയോഗിക്കാം.

യൂട്യൂബ് മ്യൂസിക് ഉപയോഗിച്ച് നിങ്ങൾക്ക് ഏറ്റവും പുതിയ ഹിറ്റുകൾ കേൾക്കാനും നിങ്ങൾ ഇഷ്ടപ്പെടുന്ന ആർട്ടിസ്റ്റുകളുമായി ബന്ധം നിലനിർത്താനും നിങ്ങളുടെ എല്ലാ ഉപകരണങ്ങളിലും ആസ്വദിക്കാൻ ധാരാളം പുതിയ സംഗീതം കണ്ടെത്താനും ഇതിന് കഴിയും. യൂട്യൂബ് മ്യൂസിക്കിന് രണ്ട് പതിപ്പുകൾ ഉണ്ട്: സൗജന്യ, പരസ്യ-പിന്തുണയുള്ള യൂട്യൂബ് മ്യൂസിക്, പിന്നെ, പ്രീമിയം സംഗീത സേവനം, പശ്ചാത്തല പ്ലേ, പരസ്യ രഹിത സംഗീതം, ഓഡിയോ മാത്രം മോഡ് എന്നിവ പോലുള്ള ആനുകൂല്യങ്ങൾ ഉൾപ്പെടുന്ന യൂട്യൂബ് മ്യൂസിക് പ്രീമിയം.