ഗൂഗിള്‍ 'ന്യൂഇയര്‍' ഡോഡില്‍..!!

ഗൂഗിള്‍ ഒരു സേര്‍ച്ച് എഞ്ചിന്‍ എന്നതിനുപരി വിശേഷദിവസങ്ങളുടെ അലാറം ക്ലോക്കെന്നനിലയിലേക്കും വളര്‍ന്നിരിക്കുകയാണ്. ഇത് പറയാന്‍ കാരണമുണ്ട്, മറന്നുപോകുന്ന പല വിശേഷദിവസങ്ങളേയും വ്യക്തികളേയും നമ്മളെ ഓര്‍മ്മിപ്പിക്കുന്നത് ഗൂഗിളാണ്. ഡോഡിളിലൂടെ സ്വന്തം മെയിന്‍ പേജ് അലങ്കരിച്ചാണ് ഗൂഗിള്‍ ഈ വരവേല്‍പ്പ് കര്‍മം നടത്തുന്നത്.

ഇന്‍ററാക്റ്റീവ് ഡോഡില്‍ അവതരിപ്പിച്ച് മെയിന്‍ പേജ് വര്‍ണ്ണാഭമാക്കിയാണ് ഗൂഗിള്‍ പുതുവര്‍ഷത്തെ വരവേറ്റത്. വെറുതെ ഗൂഗിള്‍ എന്നെഴുതുന്നതിന് പകരം വിവിധ നിറത്തിലുള്ള ചലിക്കുന്ന പക്ഷികളാണ് ഇന്ന് 12മണി മുതല്‍ മെയിന്‍ പേജിലുണ്ടായിരുന്നത്.

ഈ പക്ഷികള്‍ '2016' എന്നെഴുതിയുന്നൊരു മുട്ട വിരിയാന്‍ കാത്തിരിക്കുന്നതാണ് ന്യൂഇയര്‍ ഡോഡിലിന്‍റെ തീം. ഒരു മരച്ചിലയിലിരിക്കുന്ന ഈ പക്ഷികള്‍ പാര്‍ട്ടി ക്യാപ്പുകള്‍, വിസില്‍ എന്നിവയൊക്കെയായി സന്തോഷത്തോടെ പുതുവത്സരം ആഘോഷിക്കുന്ന തരത്തിലാണ് ഡോഡില്‍ രൂപകല്പന ചെയ്തിരിക്കുന്നത്. കാത്തിരിപ്പിനൊടുവില്‍ ഒരു ഭംഗിയുള്ള മുതലകുഞ്ഞാണ് മുട്ട വിരിഞ്ഞു പുറത്ത് വരുന്നത്.