6000 രൂപയിൽ താഴെ ആൻഡ്രോയിഡ് 8.1ൽ നോക്കിയ 1 സ്മാർട്ട് ഫോണുകൾ

ഡിസ്പ്ലേ & റെസലൂഷൻ

കുറഞ്ഞ ചിലവിൽ വാങ്ങിക്കാവുന്ന ഈ വർഷം നോക്കിയ പുറത്തിറക്കിയ നോക്കിയ 1 എന്ന മോഡലിന് 4.5-ഇഞ്ചിന്റെ FWVGA ഡിസ്‌പ്ലേയാണ് ഇതിനു നൽകിയിരിക്കുന്നത് .കൂടാതെ 480x854 പിക്സൽ റെസലൂഷൻ ഈ മോഡലുകൾ കാഴചവെക്കുന്നുണ്ട് .ഇതിന്റെ ഡിസ്പ്ലേ ആവറേജ് മാത്രമാണ് എന്നുതന്നെ പറയാം .

പ്രൊസസർ & ഓപ്പറേറ്റിംഗ് സിസ്റ്റം

Mediatek MT6737M ക്വാഡ് കോർ പ്രോസസറിലാണ് ഇതിന്റെ പ്രോസസ്സർ പ്രവർത്തിക്കുന്നത് .കൂടാതെ ഈ ബഡ്‌ജെക്റ്റ് സ്മാർട്ട് ഫോണിൽ ഉപയോഗിച്ചിരിക്കുന്ന ഓ എസ് ആൻഡ്രോയിഡിന്റെ ഏറ്റവും പുതിയ വേർഷനായ ആൻഡ്രോയിഡ് 8 .1 ആണ് .ഇത് നോക്കിയ 1 നെ സംബന്ധിച്ചടത്തോളം ഒരു നേട്ടംതന്നെയാണ് .

ആന്തരിക സവിശേഷതകൾ

ഇതിന്റെ ആന്തരിക സവിശേഷതകൾ പറയുകയാണെങ്കിൽ 1 ജിബിയുടെ റാം ആണ് നോക്കിയ 1 മോഡലുകൾക്ക് നൽകിയിരിക്കുന്നത് .കൂടാതെ 8 ജിബിയുടെ ഇന്റെർണൽ സ്റ്റോറേജ് ഈ മോഡലുകൾ കാഴ്ചവെക്കുന്നുണ്ട് .128 ജിബിവരെ ഇതിന്റെ മെമ്മറി കാർഡ് ഉപയോഗിച്ച് വർദ്ധിപ്പിക്കുവാൻ സാധിക്കുന്നതാണ് .

നോക്കിയ 1 സ്മാർട്ട് ഫോണിന്റെ ക്യാമറകൾ Vs ഷവോമി റെഡ്മി 5എ ഫോൺ ക്യാമറകൾ

നോക്കിയ 1 മോഡലുകളുടെ ക്യാമറകളും ആവറേജ് മാത്രമാണ് നൽകിയിരിക്കുന്നത് .5 മെഗാപിക്സലിന്റെ പിൻ ക്യാമറകളും കൂടാതെ 2 മെഗാപിക്സലിന്റെ മുൻ ക്യാമറകളുമാണ് ഈ മോഡലുകൾക്ക് നൽകിയിരിക്കുന്നത് .

എന്നാൽ നിലവിൽ ഇതെ ചിലവിൽ ഷവോമിയുടെ റെഡ്മി 5എ എന്ന മോഡലുകളിൽ 13 മെഗാപിക്സലിന്റെ ക്യാമറകൾ ഉള്ളപ്പോൾ നോക്കിയ 1 മോഡലുകൾക്ക് നൽകിയിരിക്കുന്നത് വെറും 5 മെഗാപിക്സൽ മാത്രം .നോക്കിയ 1 നെ സംബന്ധിച്ചടത്തോളം ഷവോമി മോഡലുകൾ ഒരു വെല്ലുവിളിതന്നെയാണ് .

ബാറ്ററി & വില

2150mAhന്റെ ബാറ്ററി ലൈഫ് ആണ് നോക്കിയ 1 മോഡലുകൾ കാഴ്ചവെക്കുന്നത് .131.00ഗ്രാം ഭാരമാണ് ഈ മോഡലുകൾക്കുള്ളത് .Wi-Fi, GPS,ബ്ലൂടൂത്ത് ,FM, 3G & 4G സപ്പോർട്ടോടുകൂടിയ ഈ മോഡലിന്റെ ലോകവിപണിയിലെ വില 85 ഡോളർ ആണ് .അതായത് ഇന്ത്യൻ വിപണിയിൽ ഏകദേശം 6000 രൂപയ്ക്ക് താഴെ ലഭിക്കുന്നതാണ് .