നോക്കിയ 6 (2018) ഞെട്ടിക്കുന്ന സവിശേഷതകളുമായി രംഗത്തെത്തി

രണ്ട് വേരിയന്റുകളില്‍

ചൈനയില്‍ രണ്ട് വേരിയന്റുകളിലാണ് നോക്കിയ 6 2018 പുറത്തിറങ്ങിയത്. ആദ്യത്തേത് 4ജിബി റാം, 32ജിബി ഇന്റേര്‍ണല്‍ സ്‌റ്റോറേജ്, വില 14,600 രൂപ, രണ്ടാമത്തേത് 4ജിബി റാം, 64ജിബി ഇന്‍േര്‍ണല്‍ സ്‌റ്റോറേജ്, വില 16,600 രൂപ.

ഡിസ്‌പ്ലേ/ പ്രോസസര്‍

5.5 ഇഞ്ച് ഐപിഎസ് ഡിസ്‌പ്ലേ, ഫുള്‍ എച്ച്ഡി 1080X1920 പിക്‌സല്‍ റിസൊല്യൂഷന്‍, 16:9 അസ്‌പെക്ട് റേഷ്യോ എന്നിങ്ങനെയാണ്. ഒക്ടാകോര്‍ ക്വല്‍കോം സ്‌നാപ്ഡ്രാഗണ്‍ 620 SoC 2.2 GHz പ്രോസസര്‍. മൈക്രോ എസ്ഡി കാര്‍ഡ് ഉപയോഗിച്ച് 128ജിബി വരെ ഇന്റേര്‍ണല്‍ സ്‌റ്റോറേജ് വര്‍ദ്ധിപ്പിക്കാം.

ഓപ്പറേറ്റിങ്ങ് സിസ്റ്റം

ഡ്യുവല്‍ നാനോ സിമ്മില്‍ എത്തിയ നോക്കിയ 6, 2018 ആന്‍ഡ്രോയിഡ് 7.1.1 നൗഗട്ട് ഔട്ട് ഓഫ് ബോക്‌സിലാണ് റണ്‍ ചെയ്യുന്നത്. ആന്‍ഡ്രോയിഡ് ഓറിയോ 8.0 അപ്‌ഡേറ്റ് ഭാവിയില്‍ എപ്പോഴെങ്കിലും ലഭിക്കുമെന്ന് പ്രതീക്ഷിക്കുന്നു. എന്നാല്‍ ഏറ്റവും പുതിയ ആന്‍ഡ്രോയിഡ് അപ്‌ഡേറ്റിനെ കുറിച്ച് കമ്പനി ഔദ്യോഗികമായി ഒന്നും വ്യക്തമാക്കിയിട്ടില്ല.

ക്യാമറ/ കണക്ടിവിറ്റികള്‍

എച്ച്എംഡി ഗ്ലോബല്‍ 16 മെഗാപിക്‌സല്‍ റിയര്‍ ക്യാമറ സെന്‍സറാണ് നോക്കിയ 6, 2018ന്. ഡ്യുവല്‍ ടോണ്‍ എല്‍ഇഡി ഫ്‌ളാഷ്, PDFA ലെന്‍സ്, f/2.0 അപ്പര്‍ച്ചര്‍ എന്നിവയുമുണ്ട്. മുന്നില്‍ 8എംപി ക്യാമറയില്‍ f/2.0, 84 ഡിഗ്രീ വൈഡ് ആങ്കിള്‍ ലെന്‍സുമുണ്ട്. കമ്പനിയുടെ പ്രൊപ്രൈറ്ററി ഡ്യുവല്‍-സൈറ്റ് ടെക്‌നോളജിയും ഈ ഫോണിലുണ്ട്.

എഫ്എം റേഡിയോ, 4ജി വോള്‍ട്ട്, വൈ-ഫൈ, ബ്ലൂട്ടൂത്ത്, ജിപിഎസ്, 3.5എംഎം ഓഡിയോ ജാക്ക് എന്നിവ ഫോണ്‍ കണക്ടിവിറ്റികളാണ്.