നോക്കിയ 6ന് വന്‍ വില കിഴിവ്

നോക്കിയ 6ന്, 1500 രൂപ ഡിസ്‌ക്കൗണ്ട്

നോക്കിയ 3, 3ജിബി റാമിന്റെ വിലയാണ് 1500 രൂപ കുറച്ചിരിക്കുന്നത്. ആമസോണ്‍ ഇന്ത്യയില്‍ ഈ ഫോണിന്റെ വില 13,499 രൂപയാണ്. ലിമിറ്റഡ് പിരീഡ് ഓഫറാണെന്നും ആമസോണ്‍ സ്ഥിരീകരിച്ചിട്ടുണ്ട്. സ്‌റ്റോക്ക് തീരുന്നതു വരെ മാത്രമേ ഓഫര്‍ ഉണ്ടായിരിക്കുകയുളളൂ.

മാറ്റ് ബ്ലാക്ക്, സില്‍വര്‍, ടെംപേഡ് ബ്ലൂ എന്നീ നിറങ്ങളിലാണ് നോക്കിയ 6 എത്തിയത്. 2017 ജനുവരിയിലാണ് നോക്കിയ 6 പ്രഖ്യാപിച്ചത്, എന്നാല്‍ 2017 ഓഗസ്റ്റിലാണ് ഈ ഫോണ്‍ ഇന്ത്യയിലെത്തിയതും.

നോക്കിയ 6: ഡിസ്‌പ്ലേയും പ്രോസസറും

നോക്കിയ 6ന് മെറ്റല്‍ യൂണിബോഡി ഡിസൈനാണ്. 5.5 ഇഞ്ച് ഫുള്‍ എച്ച്ഡി ഡിസ്‌പ്ലേ, 1920X1080 പിക്‌സല്‍ റസൊല്യൂഷന്‍, 2.5ഡി കര്‍വ്വ്ഡ് കോര്‍ണിംഗ് ഗൊറില്ല ഗ്ലാസ് 3 പ്രൊട്ടക്ഷന്‍ എന്നിവയുമുണ്ട്.

3ജിബി റാം, 32ജിബി ഇന്റേര്‍ണല്‍ സ്‌റ്റോറേജുളള ഒക്ടാകോര്‍ ക്വല്‍കോം സ്‌നാപ്ഡ്രാഗണ്‍ 430 പ്രോസസറാണ് വികസിപ്പിച്ചിരിക്കുന്നത്. കൂടാതെ മ്രൈക്രോ എസ്ഡി കാര്‍ഡ് ഉപയോഗിച്ച് 128ജിബി വരെ സ്‌റ്റോറേജ് വര്‍ദ്ധിപ്പിക്കാനും സാധിക്കും.

ക്യാമറയും മറ്റു സവിശേഷതകളും

സ്മാര്‍ട്ട്‌ഫോണിന്റെ ഒപ്ടിക്‌സിനെ കുറിച്ചു പറയുകയാണെങ്കില്‍ 16എംപി പ്രൈമറി ക്യാമറയും 8എംപി സെല്‍ഫി ക്യാമറയുമാണ് നോക്കിയ 6ന്.

ആന്‍ഡ്രോയിഡ് ന്യൂഗട്ടില്‍ എത്തിയ ഈ ഫോണിന് ഒടുവില്‍ ആന്‍ഡ്രോയിഡ് 8.0 ഓറിയോ അപ്‌ഡേറ്റും ലഭിച്ചു. 3000എംഎഎച്ച് നോണ്‍ റിമൂവബിള്‍ ബാറ്ററിയാണ് നോക്കിയ 6ന്. ഫോണിന്റെ റിയര്‍ പാനലിലാണ് ഫിങ്കര്‍പ്രിന്റ് സെന്‍സര്‍ ഉള്‍പ്പെടുത്തിയിരിക്കുന്നത്.