നോക്കിയ മൂന്നു പുത്തന്‍ ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ചു

നോക്കിയ 8 സിറോക്കോ

5.5 ഇഞ്ച് 3ഡി കോര്‍ണിംഗ് ഗൊറില്ല ഗ്ലാസ് സംരക്ഷണം നല്‍കുന്ന OLED ഡിസ്‌പ്ലേയാണ് നോക്കിയ 8 സിറോക്കോയില്‍. 12എംപി ഇരട്ട ക്യാമറകള്‍ പിന്നിലും 13എംപി ക്യാമറ മുന്നിലുമായി നല്‍കിയിരിക്കുന്നു. 6ജിബി റാം 128ജിബി ഇന്റേര്‍ണല്‍ സ്‌റ്റോറേജ് എന്നിവയും ഫോണിലുണ്ട്. സ്‌നാപ്ഡ്രാഗണ്‍ 835 പ്രോസസറില്‍ പ്രവര്‍ത്തിക്കുന്ന ഈ ഫോണില്‍ 3260എംഎഎച്ച് ബാറ്ററിയാണ് നല്‍കിയിരിക്കുന്നത്.

ഈ ഫോണിന്റെ വില 49,999 രൂപയാണ്. ഏപ്രില്‍ 20ന് പ്രീ ബുക്കിംഗ് ആരംഭിക്കുകയും ഏപ്രില്‍ 30ന് വില്‍പന നടക്കുകയും ചെയ്യും. ഫ്‌ളിപ്കാര്‍ട്ട് നോക്കിയ ഷോറൂം മൊബൈല്‍ ഔട്ട്‌ലെറ്റ് എന്നിവ വഴി ഈ ഫോണ്‍ നിങ്ങള്‍ക്കു വാങ്ങാം.

നോക്കിയ 6 (2018)

5.5 ഇഞ്ച് ഫുള്‍ എച്ച്ഡി ഡിസ്‌പ്ലേയാണ് നോക്കിയ 6ന്. പഴയ പതിപ്പിലെ പോലെ തന്നെ 16എംപി സീസ് ഒപ്ടിക് ലെന്‍സ് ക്യാമറയാണ് ഫോണിന്. ആന്‍ഡ്രോയിഡ് 8.1, യുഎസ്ബി ടൈപ്പ് സി എന്നിവയും ഫോണിലുണ്ട്.

സ്‌നാപ്ഡ്രാഗണ്‍ 630 പ്രോസസറില്‍ പ്രവര്‍ത്തിക്കുന്ന ഈ ഫോണ്‍ 3ജിബി റാം/ 32ജിബി ഇന്റേര്‍ണല്‍ സ്‌റ്റോറേജ്, 4ജിബി റാം/ 64ജിബി ഇന്റേര്‍ണല്‍ സ്‌റ്റോറേജ് എന്നീ രണ്ടു വേരിയന്റുകളിലാണ് വിപണിയിലെത്തിയിരിക്കുന്നത്. 3000എംഎഎച്ച് ബാറ്ററിയുളള ഈ ഫോണ്‍ 16 മണിക്കൂര്‍ ടോക്ടൈമും 507 മണിക്കൂര്‍ സ്റ്റാന്‍ഡ് ബൈയും കമ്പനി വാഗ്ദാനം ചെയ്യുന്നു.

16,999 രൂപയാണ് ഈ ഫോണിന്റെ വില. ഏപ്രില്‍ ആറ് മുതല്‍ ഫോണിന്റെ വില്‍പന ആരംഭിക്കും.

നോക്കിയ 7 പ്ലസ്

6 ഇഞ്ച് ഫുള്‍ എച്ച്ഡി ഡിസ്‌പ്ലേയാണ് നോക്കിയ 7 പ്ലസിന്. സ്‌നാപ്ഡ്രാഗണ്‍ 660 പ്രോസസറില്‍ പ്രവര്‍ത്തിക്കുന്ന ഫോണില്‍ 4ജിബി റാം, 64ജിബി ഇന്റേര്‍ണല്‍ സ്‌റ്റോറേജും ഉണ്ട്. 12എംബി 13എംപി ഡ്യുവല്‍ ക്യാമറ സെറ്റപ്പാണ് ഫോണിലുളളത്. ആന്‍ഡ്രോയിഡ് ഓറിയോ ഓപ്പറേറ്റിംഗ് സിസ്റ്റമാണ്. 3800എംഎഎച്ച് ബാറ്ററിയും ഫോണില്‍ ഉള്‍പ്പെടുത്തിയിരിക്കുന്നു.

25,999 രൂപയാണ് ഈ ഫോണിന്റെ വില. ഏപ്രില്‍ 20 മുതല്‍ ഈ ഫോണിന്റെ പ്രീ-ബുക്കിംഗ് ആരംഭിക്കും. എയര്‍ടെല്‍ മേക്ക് മൈ ട്രിപ്പ് എന്നിവയുമായി സഹകരിച്ച് നിരവധി ഓഫറുകളും കമ്പനി നല്‍കുന്നുണ്ട്.