കാത്തിരിപ്പിന് വിരാമം! ഗൂഗിൾ എഐ വരുന്നു..പുതിയ രൂപത്തിലും പുതിയ ഭാവത്തിലും

കമ്പനിയുടെ വാർഷിക ഡെവലപ്പർ കോൺഫറൻസിൻ്റെ ആദ്യ ദിവസമായ ചൊവ്വാഴ്ച ഗൂഗിൾ I/O വരും മാസങ്ങളിൽ ആൻഡ്രോയിഡ് സ്മാർട്ട്‌ഫോണുകളിൽ വരുന്ന ശ്രദ്ധേയമായ പുതിയ ഫീച്ചറുകളെ കുറിച്ച് വിശദീകരിച്ചു. 2024ൻ്റെ രണ്ടാം പകുതിയിൽ എത്തുമെന്ന് പ്രതീക്ഷിക്കുന്ന കമ്പനിയുടെ അടുത്ത പ്രധാന സ്മാർട്ട്‌ഫോൺ ഓപ്പറേറ്റിംഗ് അപ്‌ഡേറ്റിന് മുന്നോടിയായാണ് ഈ പ്രഖ്യാപനങ്ങൾ വന്നിരിക്കുന്നത്.

പ്രതീക്ഷിച്ചത് പോലെ, ഗൂഗിൾ ആർട്ടിഫിഷ്യൽ ഇൻ്റലിജൻസ് (AI) നൽകുന്ന പുതിയ ഫീച്ചറുകൾ അവതരിപ്പിക്കാൻ ഒരുങ്ങുന്നു എന്നും വ്യക്തമാക്കി. ഗൂഗിളിലെ എഞ്ചിനീയറിംഗ് വിപിയായ ഡേവ് ബർക്ക്, വരും മാസങ്ങളിൽ ആൻഡ്രോയിഡ് സ്മാർട്ട്ഫോണുകളിൽ വരുന്ന പുതിയ എഐ പവർ ഫീച്ചറുകൾ ഗൂഗിൾ ഐ/ഒ കീനോട്ട് ഇവൻ്റിൽ ഹൈലൈറ്റ് ചെയ്തു. എന്നിരുന്നാലും, ഈ ഇവൻ്റിൽ കമ്പനി ആൻഡ്രോയിഡ് 15ൻറെ സവിശേഷതകളേ കുറിച്ച് യാതൊരു വിവരവും പുറത്ത് വിട്ടിട്ടില്ല.

ഇവൻ്റിൽ പറഞ്ഞ ഏറ്റവും ശ്രദ്ധേയമായ ഫീച്ചറുകളിൽ ഒന്ന് സർക്കിൾ ടു സെർച്ച് (Circle to Search) അപ്‌ഗ്രേഡാണ്. ഇത് നിലവിൽ സാംസങ് ഗാലക്സി, ഗൂഗിൾ പിക്സൽ ഫോണുകൾ തിരഞ്ഞെടുക്കുന്നതിന് മാത്രമുള്ള കമ്പനിയുടെ വിഷ്വൽ ലുക്ക്അപ്പ് സവിശേഷതയാണ്. ഇത് വിദ്യാർത്ഥികൾക്ക് അവരുടെ ഹോംവർക്കുകൾക്ക് സഹായം ചോദിക്കാൻ സഹായിക്കുമെന്ന് ഗൂഗിൾ വ്യക്തമാക്കി.

ഒരു സർക്കിൾ പ്രോംപ്റ്റ് ചെയ്യാൻ വേണ്ട സിംബോളിക് ഫോർമുലകൾ, ഡയഗ്രമുകൾ, ഗ്രാഫുകൾ എന്നിവ പോലുള്ള പ്രോബ്ലെംസ് സോൾവ് ആക്കാൻ അതിൻ്റെ ലേൺഎൽഎം (LearnLM) എന്ന ടെക്‌നോളജി ഉപയോക്താക്കളെ സഹായിക്കുമെന്ന് ഗൂഗിൾ പറഞ്ഞു. ഈ ഫീച്ചർ ഈ വർഷം അവസാനം എത്തുമെന്ന് പ്രതീക്ഷിക്കുന്നു.

ആൻഡ്രോയിഡ് സ്‌മാർട്ട്‌ഫോണുകളിൽ പ്രവർത്തിക്കാൻ കഴിയുന്ന കമ്പനിയുടെ എഐ മോഡലായ ജെമിനിയും അപ്‌ഗ്രേഡ് ചെയ്യുന്നു. ആൻഡ്രോയിഡിലെ ജെമിനിക്ക് ഉടൻ തന്നെ യുട്യൂബ് വീഡിയോകളെ കുറിച്ചുള്ള വിവരങ്ങൾ നൽകാൻ കഴിയുമെന്ന് കമ്പനി പറയുന്നു. എഐ ജനറേറ്റ് ചെയ്‌ത ചിത്രങ്ങൾ ജിമെയിലിലേക്കും മെസ്സേജുകളിലേക്കും വേഗത്തിൽ ആഡ് ആക്കാൻ കഴിയും. അതേസമയം, പിഡിഎഫ് ഡോക്യുമെൻ്റുകളിൽ നിന്ന് ഉത്തരങ്ങൾ ലഭിക്കുന്നതിന് ഉപയോക്താക്കൾക്ക് ജെമിനി അഡ്വാൻസ്ഡ് ഉപയോഗിക്കാൻ കഴിയും.

എഐ പ്രോസസ്സിംഗിന് വേണ്ടി ഗൂഗിൾ പിക്‌സൽ സ്‌മാർട്ട്‌ഫോണുകളിൽ കമ്പനിയുടെ ഏറ്റവും പുതിയ മോഡലായ മൾട്ടിമോഡാലിറ്റിയോടെയുള്ള ജെമിനി നാനോയ്‌ക്കുള്ള സപ്പോർട്ട് ഉണ്ടാകും. ടെക്‌സ്‌റ്റ് ഇൻപുട്ട് പ്രോസസ്സ് ചെയ്യാനുള്ള നിലവിലുള്ള കഴിവിന് പുറമേ, ദൃശ്യങ്ങൾ, ഓഡിയോ, സംഭാഷണങ്ങളോട് ഉള്ള പ്രതികരണം എന്നിവ പോലുള്ള സന്ദർഭോചിതമായ വിവരങ്ങൾ പ്രോസസ്സ് ചെയ്യാൻ പിക്‌സൽ ഫോണുകൾക്ക് കഴിയും.

ഗൂഗിളിൻ്റെ ഏറ്റവും ബേസിക് സ്മാർട്ട്‌ഫോൺ ആപ്ലിക്കേഷനായ ഡയലറിലും (dialler) എഐ ആക്സിസിന് വഴിയൊരുക്കുന്നുണ്ട്. ഗൂഗിൾ I/O 2024 കീനോട്ട് ഇവൻ്റിൽ കാണിച്ച ഒരു ഡെമോയിൽ, ഒരു ഉപയോക്താവിനോട് ബാങ്ക് വിവരങ്ങൾ കൈമാറാനോ ഫോണിലൂടെ ബാങ്കിംഗ് വിവരങ്ങൾ വെളിപ്പെടുത്താനോ ആവശ്യപ്പെടുന്ന ഒരു സ്‌കാം കോൾ കണ്ടെത്താനുള്ള കഴിവ് ഈ എഐക്ക് ഉണ്ടെന്ന് വ്യക്തമാക്കി.

യൂസർ പ്രൈവസിക്ക് വേണ്ടി ഈ സവിശേഷത ഓൺ-ഡിവൈസ് ഫീച്ചറോഡ് കൂടി തത്സമയം പ്രവർത്തിക്കുന്നതായും ഡെമോയിൽ കാണിച്ചു. ഈ ഫീച്ചറുകൾ എപ്പോൾ ഉപയോക്താക്കളിലേക്ക് എത്തുമെന്നോ, ഏതെല്ലാം പിക്‌സൽ സ്‌മാർട്ട്‌ഫോണുകളെ ഈ ഫീച്ചർ സപ്പോർട്ട് ചെയ്യുമെന്നോ ഗൂഗിൾ വ്യക്തമാക്കിയിട്ടില്ല. എന്നാൽ, ജെമിനി നാനോയുടെ മൾട്ടിമോഡൽ ഫീച്ചറുകളും ആൻഡ്രോയിഡ് സ്മാർട്ട്ഫോണുകളിലെ ആക്‌സെസബിലിറ്റി ഫീച്ചറായ ഗൂഗിൾ ടോക്ക്ബാക്ക് (Google TalkBack) ഫീച്ചറും കൂടുതൽ മെച്ചപ്പെടുത്തുമെന്ന് കമ്പനി അറിയിച്ചു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ അറിയാനും ടെക്ക് ടിപ്‌സുകൾ അറിയാനും gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.