ഓല..ഓല..ഓലാ..ഓല..ഓലമ്മാ! ഭാരത് ബാറ്ററി സെൽ ലോഞ്ച് ചെയ്ത് ഇവികളുടെ രാജാവ് ഓല

ഇന്ത്യയുടെ ഇവി (EV) അഭിലാഷങ്ങൾക്ക് കൂടുതൽ ഉത്തേജനം നൽകിക്കൊണ്ട്, ഓല ഇലക്ട്രിക് ചെയർമാനും സിഇഒയുമായ ഭവിഷ് അഗർവാൾ (Bhavish Aggarwal) ഓല (Ola) ഇലക്ട്രിക് വികസിപ്പിച്ച തദ്ദേശീയമായ 4680 സെല്ലായ "ഭാരത്" ബാറ്ററി സെൽ ഇന്ന് (ഓഗസ്റ്റ് 15) ലോഞ്ച് ചെയ്തു. ഈ സാങ്കേതികവിദ്യയുമായി ബന്ധപ്പെട്ട 70ലധികം പേറ്റൻ്റുകൾ അവകാശപ്പെട്ടുകൊണ്ട് അഗർവാൾ അഭിമാനത്തോടെ പറഞ്ഞു, "ഞങ്ങൾ ടെക്‌നോളജി ഇറക്കുമതി ചെയ്തില്ല, ഞങ്ങൾ സ്വയം നിർമ്മിച്ചത് ആണ്." ആ വാക്കുകളിൽ ഉള്ള തീ കേൾക്കുന്നവരുടെ മനസ്സിലും അഭിമാനം ഉളവാക്കുന്നുണ്ട്.

ഓലയുടെ സ്‌കൂട്ടറുകളിൽ നിലവിൽ ഉപയോഗിക്കുന്ന 2170 സെല്ലുകളേക്കാൾ അഞ്ചിരട്ടി എനർജി ഡെൻസിറ്റി വാഗ്ദാനം ചെയ്യുന്ന ഭാരത് സെല്ലിന് ശ്രദ്ധേയമായ പ്രകടന സവിശേഷതകൾ ഉണ്ട്. കൂടുതൽ സൗകര്യപ്രദമായ ഉപയോക്തൃ അനുഭവത്തിന് സംഭാവന ചെയ്യുന്ന, വേഗത ഏറിയ ചാർജിംഗ് സമയവും ഇത് വാഗ്ദാനം ചെയ്യുന്നു.

ഭാരത് സെല്ലിൻ്റെ വികസനം ഇന്ത്യയുടെ ഇലക്ട്രിക് വാഹന വ്യവസായത്തിന് ബാറ്ററി സാങ്കേതികവിദ്യയിൽ സ്വയം പര്യാപ്തത എന്ന രീതിയിൽ ഒരു സുപ്രധാന ചുവടുവെപ്പ് ആണ്. ഈ തദ്ദേശീയ കണ്ടുപിടുത്തത്തിൽ പ്രാദേശിക ഉൽപ്പാദനത്തിനും സാങ്കേതിക പുരോഗതിക്കുമുള്ള ഗവൺമെൻ്റിൻ്റെ പ്രേരണതയും ഒരു പ്രധാന പങ്ക് വഹിച്ചിട്ടുണ്ട്.

ഇലക്‌ട്രിക് മോട്ടോർസൈക്കിൾ പോർട്ട്‌ഫോളിയോ അവതരിപ്പിക്കുന്നതോടെ ഇന്ത്യൻ മോട്ടോർസൈക്കിൾ വിപണിയെ ഒന്ന് കുലുക്കാൻ ഓല ഇലക്ട്രിക്കും ഒരുങ്ങുകയാണ്. ഇന്ത്യയുടെ സ്വാതന്ത്ര്യ ദിനത്തോട് അനുബന്ധിച്ച് നടന്ന ഓല സങ്കൽപ് വാർഷിക പരിപാടിയിലാണ് (Ola Sankalp annual flagship) ഓല ഇലക്ട്രിക് ചെയർമാനും സിഇഒയുമായ ഭവിഷ് അഗർവാൾ ഇക്കാര്യം പ്രഖ്യാപിച്ചത്.

മൊത്തത്തിലുള്ള വ്യവസായ വോളിയത്തിൻ്റെ മൂന്നിൽ രണ്ട് ഭാഗവും ഇവി മോട്ടോർസൈക്കിൾ ഏറ്റടുത്തതിന്റെ പ്രാധാന്യം ഭവിഷ് അഗർവാൾ എടുത്ത് പറഞ്ഞു. അതിവേഗം വളരുന്ന ഇലക്‌ട്രിക് വാഹന വിപണിയിൽ ഒരു പ്രധാന പങ്ക് പിടിച്ചെടുക്കാൻ ഈ തന്ത്രപരമായ നീക്കം ഓല ഇലക്ട്രിക്കിനെ സഹായിക്കും എന്നതിൽ സംശയമില്ല.

എസ്1, എസ്1 പ്രോ മോഡലുകളിലൂടെ ഇലക്ട്രിക് സ്കൂട്ടർ വിപണിയിൽ ഓല ഇലക്ട്രിക് ഇതിനകം തന്നെ ശക്തമായ സാന്നിധ്യം ഉറപ്പിച്ചിട്ടുണ്ട്. ഇലക്ട്രിക് മോട്ടോർസൈക്കിളുകളുടെ ലോഞ്ച് അതിൻ്റെ ഉൽപ്പന്ന ഓഫറുകളെ കൂടുതൽ വൈവിധ്യവൽക്കരിക്കും. ഇത് ഉപഭോക്തൃ മുൻഗണനകളുടെയും ആവശ്യങ്ങളുടെയും വിശാലമായ ശ്രേണിയെ തൃപ്തിപ്പെടുത്തും എന്നും അദ്ദേഹം കൂട്ടിച്ചേർത്തു.

ഒല ഇലക്ട്രിക്, ഏറെ പ്രതീക്ഷയോടെ കാത്തിരിക്കുന്ന 'റോഡ്‌സ്റ്റർ സീരീസ്' മോട്ടോർസൈക്കിളുകളും ഈ ഇവന്റിൽ ലോഞ്ച് ചെയ്തു. ഈ റോഡ്‌സ്റ്റർ സീരീസിന് കീഴിൽ ഒന്നിലധികം ബൈക്കുകൾ പുറത്തിറക്കും. "ഇന്ന്, ഇന്ത്യയുടെ 2W വിപണിയുടെ 2/3 ഭാഗവും മോട്ടോർസൈക്കിളുകളാണ്. ഒലയുടെ ഈ സെഗ്മെൻ്റ് വിഭാഗത്തിലേക്കുള്ള പ്രവേശനത്തോടെ, ഇന്ത്യൻ 2W-ൽ EV നുഴഞ്ഞുകയറ്റം കൂടുതൽ ത്വരിതപ്പെടുത്താൻ ഒരുങ്ങുകയാണ്" എന്ന് ഭവിഷ് അഗർവാൾ പറഞ്ഞു.

റോഡ്‌സ്റ്റർ പ്രോ പ്രകടനത്തെയും സാങ്കേതികവിദ്യയെയും പുതിയ ഉയരങ്ങളിലേക്ക് എത്തിക്കുന്നു. 52 kW ഉം 105 Nm torque ഉം ഉത്പാദിപ്പിക്കുന്ന മോട്ടോർ ഉപയോഗിച്ച് പ്രവർത്തിക്കുന്ന ഈ മോട്ടോർസൈക്കിളിൻ്റെ 16 kWh വേരിയൻ്റ് 0-40 kmphൽ നിന്ന് 1.2 സെക്കൻഡിനുള്ളിൽ 0-60 kmph വേഗത കൈവരിക്കുകയും 1.9 സെക്കൻഡിൽ 0-60 kmph വേഗത്തിലാക്കുകയും 194 kmph-ൽ ഉയർന്ന വേഗത കൈവരിക്കുകയും ചെയ്യുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.