വൺപ്ലസ് രണ്ടും കൽപ്പിച്ചാണ്! എയ്സ് 5, എയ്സ് 5 പ്രോ എന്നിവ ഒന്നിച്ച് കളത്തിൽ

ലോകമാകെയുള്ള വൺപ്ലസ് ആരാധകർക്ക് ആഹ്ലാദം പകർന്നുകൊണ്ട് രണ്ട് വൺപ്ലസ് ഫോണുകൾ കൂടി ലോഞ്ച് ചെയ്യപ്പെട്ടു. വൺപ്ലസിന്റെ എയ്സ് സീരീസിലേക്കുള്ള പുതിയ അ‌ഡ്മിഷനായി വൺപ്ലസ് എയ്സ് 5, വൺപ്ലസ് എയ്സ് 5 പ്രോ എന്നീ രണ്ട് മോഡലുകളാണ് ​ചൈനയിൽ അ‌വതരിപ്പിച്ചിരിക്കുന്നത്. ഇതിൽ വൺപ്ലസ് എയ്സ് 5 മോഡൽ ഇന്ത്യയിലും ആഗോള വിപണിയിലും വൺപ്ലസ് 13R എന്ന പേരിൽ ജനുവരി 7ന് വൺപ്ലസ് 13 സീരീസിൽ ലോഞ്ച് ചെയ്യും. വൺപ്ലസ് 13 ആണ് ഇതോടൊപ്പം ലോഞ്ച് ചെയ്യപ്പെടുന്ന വൺപ്ലസ് 13 സീരീസിലെ പ്രധാന ഫോൺ. വൺപ്ലസ് 13 ഇതിനകം ​ചൈനയിൽ ലോഞ്ച് ചെയ്ത മോഡലാണ്.

ഒരുപാട് മികച്ച ഫീച്ചറുകളുമായാണ് വൺപ്ലസ് എയ്സ് 5 സീരീസ് ഫോണുകൾ എത്തിയിരിക്കുന്നത്. സ്നാപ്ഡ്രാഗൺ 8 എ​ലൈറ്റ് ചിപ്സെറ്റ് കരുത്തിലാണ് എയ്സ് 5 പ്രോ വന്നിരിക്കുന്നത്. ആദ്യമായി ചിപ്പ്-ലെവൽ ഗെയിമിംഗ് ടെക്നോളജി സഹിതം എത്തുന്ന സ്മാർട്ട്ഫോൺ എന്ന പ്രത്യേകതയും എയ്സ് 5 പ്രോയ്ക്ക് ഉണ്ട്. ഫെങ്‌ചി ഗെയിമിംഗ് കോർ, കൂടാതെ നേറ്റീവ് 120 ഫ്രെയിമുകൾ + 1080p പിക്ചർ ക്വാളിറ്റി എന്നിവയെ പിന്തുണയ്ക്കുന്ന ഏക സ്മാർട്ട്ഫോണാണ് ഇതെന്ന് കമ്പനി അ‌വകാശപ്പെടുന്നു.

അൾട്രാ ലോംഗ് റേഞ്ച് സ്മാർട്ട് ബ്ലൂടൂത്ത്, ആദ്യത്തെ ഗെയിമിംഗ് വൈഫൈ ചിപ്പ് G1, ഇ-സ്‌പോർട്‌സ് ആൻ്റിന സിസ്റ്റം, ഗെയിം ക്ലൗഡ് കമ്പ്യൂട്ടിംഗ് പ്രൈവറ്റ് നെറ്റ്‌വർക്ക് എന്നിവയും ഇതിൽ സജ്ജീകരിച്ചിരിക്കുന്നു. ഇതിൻ്റെ ബ്ലൂടൂത്ത് സിഗ്നലിന് 400 മീറ്റർ വരെ സഞ്ചരിക്കാനാകും. 15 മിനിറ്റിനുള്ളിൽ 52% ചാർജിംഗ്, 36 മിനിറ്റിനുള്ളിൽ 100% ചാർജിംഗ്, ബൈപാസ് ചാർജിംഗിനുള്ള പിന്തുണ, 100W ഫ്ലാഷ് ചാർജിംഗ് എന്നിവ സഹിതമെത്തുന്ന 6100mAh ഗ്ലേസിയർ ബാറ്ററിയാണ് പ്രോയിലുള്ളത്.

വൺപ്ലസ് എയ്സ് 5 (OnePlus Ace 5), എയ്സ് 5 പ്രോ (OnePlus Ace 5 Pro) എന്നിവയുടെ പ്രധാന ഫീച്ചറുകൾ: 120Hz വരെ റിഫ്രഷ് റേറ്റുള്ള 6.78 ഇഞ്ച് (2780×1264 പിക്സലുകൾ) 8T LTPO AMOLED ഡിസ്പ്ലേ, 2160Hz PWM ഡിമ്മിങ്, 4500 nits വരെ പീക്ക് ​ബ്രൈറ്റ്നസ്, ഓപ്പോ ക്രിസ്റ്റൽ ഷീൽഡ് ഗ്ലാസ് പ്രൊട്ടക്ഷൻ എന്നിവ ഇവയിലുണ്ട്.

ഒക്ടോകോർ സ്നാപ്ഡ്രാഗൺ 8 ജെൻ 4 4nm മൊബൈൽ പ്ലാറ്റ്ഫോം കരുത്തിലാണ് എയ്സ് 5 എത്തുന്നത്. അഡ്രിനോ 750 ജിപിയുവും ഇതിലുണ്ട്. പ്രോ മോഡലിൽ ഒക്ടാ കോർ സ്നാപ്ഡ്രാഗൺ 8 എ​ലൈറ്റ് 3nm മൊബൈൽ പ്ലാറ്റ്ഫോം ആണ് കരുത്താക്കിയിരിക്കുന്നത്. അഡ്രിനോ 830 ജിപിയുവാണ് ഇതിലുള്ളത്.

12GB / 16GB LPDDR5X റാം, 256GB / 512GB / 1TB UFS 4.0 സ്റ്റോറേജ് എന്നിവ ഈ ഫോണുകൾ വാഗ്ദാനം ചെയ്യുന്നു. ആൻഡ്രോയിഡ് 15 അ‌ടിസ്ഥാനമാക്കിയുള്ള കളർഒഎസ് 15ൽ ആണ് പ്രവർത്തനം. ഇൻ-ഡിസ്‌പ്ലേ ഒപ്റ്റിക്കൽ ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, ഡ്യുവൽ സിം (നാനോ + നാനോ) എന്നിവയും ഈ ഫോണുകളിൽ ഒരുപോലെയാണ്.

എയ്സ് 5, എയ്സ് 5 പ്രോ ക്യാമറ ഫീച്ചറുകൾ സമാനമാണ്. ട്രിപ്പിൾ റിയർ ക്യാമറ സജ്ജീകരണമാണ് എയ്സ് 5 സീരീസിലുള്ളത്. അ‌തിൽ f/1.8 അപ്പേർച്ചർ, OIS, സോണി IMX906 സെൻസർ എന്നിവയുള്ള 50MP മെയിൻ ക്യാമറ, f/2.2 അപ്പേർച്ചർ, സോണി IMX355 സെൻസർ എന്നിവയുള്ള 8MP 120° അൾട്രാ വൈഡ് ക്യാമറ, OmniVision OV02B സെൻസർ, f/2.0 അ‌പ്പേർച്ചർ, എന്നിവയുള്ള 2MP മാക്രോ ക്യാമറ, എൽഇഡി ഫ്ലാഷ്, എന്നിവയുൾപ്പെടുന്നു.

f/2.4 അപ്പേർച്ചർ, സോണി IMX480 സെൻസർ എന്നിവയോടു കൂടിയ 16MP ഫ്രണ്ട് ഫേസിംഗ് ക്യാമറയാണ് ഇരുഫോണുകളിലുമുള്ളത്. ഇത് 1080p 30 fps വീഡിയോ റെക്കോർഡിംഗ് പിന്തുണ സഹിതം എത്തുന്നു. പൊടി, ജലം എന്നിവയെ പ്രതിരോധിക്കാനായി IP65 റേറ്റിങ്ങും ഈ വൺപ്ലസ് എയ്സ് 5 സീരീസ് ഫോണുകളിലുണ്ട്.

5G SA/ NSA, ഡ്യുവൽ 4G VoLTE, Wi-Fi 7 802.11 be (2.4GHz + 5GHz), ബ്ലൂടൂത്ത് 5.4, Beidou: B1I+B1C+B2a; GPS: L1+L5; ഗ്ലോനാസ്: G1; ഗലീലിയോ: E1+E5a; QZSS: L1+L5, NFC, യുഎസ്ബി ​ടൈപ്പ് സി എന്നീ ഫീച്ചറുകളും ഇരുഫോണുകളിലും ഒരുപോലെയുണ്ട്. എന്നാൽ ബാറ്ററിയുടെയും വലിപ്പത്തിന്റെയും കാര്യത്തിൽ എയ്സ് 5 സീരീസ്ഫോണുകൾ തമ്മിൽ വ്യത്യാസമുണ്ട്.

80W SuperVOOC ഫാസ്റ്റ് ചാർജിംഗ് സഹിതം 6415mAh ബാറ്ററിയാണ് എയ്സ് 5ൽ ഉള്ളത്. ​അ‌തേസമയം എയ്സ് 5​ പ്രോയിൽ 100W SuperVOOC ഫാസ്റ്റ് ചാർജിങ് സഹിതം 6100mAh ബാറ്ററിയെത്തുന്നു. എയ്സ് 5ന് 161.72 x 75.77x 8.02mm വലിപ്പവും 206 ഗ്രാം (ഗ്ലാസ്) / 223 ഗ്രാം (സെറാമിക്) ഭാരവുമുണ്ട്. പ്രോയ്ക്ക് 161.72x75.77 x 8.14mm വലിപ്പവും 203 ഗ്രാം (ഗ്ലാസ്) / 203 ഗ്രാം (സെറാമിക്) ഭാരവുമാണുള്ളത്.

എയ്സ് 5ന്റെ 12GB+ 256GB വേരിയന്റിന് 2299 യുവാനും (ഏകദേശം 26,830 രൂപ), 16GB+ 256GB വേരിയന്റിന് 2499 യുവാനും (ഏകദേശം29,165 രൂപ), 12GB+ 512GB വേരിയന്റിന് 2799 യുവാനും (ഏകദേശം 32,665 രൂപ), 16GB+512GB വേരിയന്റിന് 2999 യുവാനും (ഏകദേശം35,000 രൂപ), 16GB+ 512GB സെറാമിക് വേരിയന്റിന് 3099 യുവാനും (ഏകദേശം36,165 രൂപ), 16GB+ 1TB സെറാമിക് വേരിയന്റിന് 3499 യുവാനും (ഏകദേശം40,835 രൂപ) വില നൽകണം.

വൺപ്ലസ് എയ്സ് 5 പ്രോയുടെ 12GB + 256GB അ‌ടിസ്ഥാന വേരിയന്റിന് 3399 യുവാൻ (ഏകദേശം 39,665 രൂപ) ആണ് വില. 16GB + 256GB വേരിയന്റിന് 3699 യുവാനും (ഏകദേശം 43,170 രൂപ), 12GB + 512GB വേരിയന്റിന് 3999 യുവാനും (ഏകദേശം 46,670 രൂപ) വില നൽകണം.

വൺപ്ലസ് എയ്സ് 5 പ്രോയുടെ 16GB + 512GB വേരിയന്റിന് 4199 യുവാനും (ഏകദേശം 49,005 രൂപ), 16GB + 512GB സെറാമിക് വേരിയന്റിന് 4299 യുവാനും (ഏകദേശം 50,170 രൂപ), 16GB + 1TB സെറാമിക് വേരിയന്റിന് 4699 യുവാനും (ഏകദേശം 54,840 രൂപ) ആണ് വില.

​ചൈനയിൽ ഈ വൺപ്ലസ് എയ്സ് ​5 സീരീസ് ​ഫോണുകൾ ഇപ്പോൾ പ്രീ ഓഡർ ചെയ്യാൻ സാധിക്കും. ഡിസംബർ 31 മുതൽ ആണ് വിൽപ്പന ആരംഭിക്കുക. വൺപ്ലസ് എയ്സ് 5 ഇന്ത്യയിലും ആഗോള വിപണിയിലും ജനുവരി 7ന് വൺപ്ലസ് 13R എന്ന പേരിൽ അവതരിപ്പിക്കും. ഇതിലെ ക്യാമറ, ബാറ്ററി ഫീച്ചറുകൾ ​ചൈനീസ് മോഡലിനെക്കാൾ അ‌ൽപ്പം വ്യത്യസ്തമായിരിക്കും.