വൺപ്ലസ് വിദേശത്തേക്ക് ഉപയോക്താക്കളുടെ വിവരങ്ങൾ അയയ്ക്കുന്നുവെന്ന് റിപ്പോർട്ട്

ഇന്റലിജന്റ് ക്ലീനപ്പ്

ടെൻസെന്റിൽ നിന്നുള്ള ഉപകരണം ഉപയോഗിച്ച് മുൻകൂട്ടി ഇൻസ്റ്റോൾ ചെയ്തിരിക്കുന്ന ഫോണിന്റെ ഫയൽ മാനേജർ സംഭരണത്തെ വൃത്തിയാക്കുന്നതിനായി കമ്പനി ഒരു ഇന്റലിജന്റ് ക്ലീനപ്പ് സവിശേഷത കൊണ്ടുവന്നു. ഗൂഗിളിന്റെ 'ഫയൽ ഗോ ആപ്പ്' പോലെയാണ് ഈ സവിശേഷതയും പ്രവർത്തിക്കുന്നത്.

വണ്‍പ്ലസ്

ചൈനീസ് സ്മാര്‍ട്‌ഫോണ്‍ കമ്പനിയായ വണ്‍പ്ലസ് ഇന്ത്യന്‍ ഉപയോക്താക്കളുടെ വിവരങ്ങള്‍ വിദേശത്തേക്ക് അയക്കുന്നതായി ആരോപണം. വണ്‍പ്ലസ് 6, വണ്‍പ്ലസ് 6 ടി സ്മാര്‍ട്‌ഫോണുകളില്‍ അടുത്തിടെ അവതരിപ്പിച്ച ഓപ്പണ്‍ ബീറ്റാ സോഫ്റ്റ് വെയറിലാണ് ഇങ്ങനെ ഒരു സുരക്ഷാ വീഴ്ചയുള്ളതായി ആരോപണം വന്നിരിക്കുന്നത്.

സുരക്ഷാ വീഴ്ച്ച

ടെന്‍സെന്റിന്റെ പിന്തുണയോടെ ഫോണിലെ ഫയല്‍ മാനേജറില്‍ കൊണ്ടുവന്ന ക്ലീന്‍ അപ്പ് ഫീച്ചറാണ് ഉപയോക്താക്കളുടെ വിവരങ്ങള്‍ വിദേശത്തേക്ക് അയക്കുന്നത് എന്ന് വണ്‍പ്ലസിന്റെ റെഡ്ഡിറ്റ് കൂട്ടായ്മയില്‍ ഉപയോക്താക്കള്‍ പരാതിപ്പെടുന്നു. അനാവശ്യമായി ഈ സോഫ്റ്റ് വെയര്‍ ഫോണില്‍ ഉള്‍പ്പെടുത്തിയതിനേയും ഉപയോക്താക്കള്‍ വൻ രീതിയിൽ വിമര്‍ശിക്കുന്നുണ്ട്.

ടെൻസെന്റ്

ഇന്ത്യയിലെ വണ്‍പ്ലസ് 6 ഫോണുകളിലെ ഓക്‌സിജന്‍ ഓ.എസ് ഓപ്പണ്‍ ബീറ്റാ 17 ലെയും വണ്‍പ്ലസ് 6ടി ഫോണുകളിലെ ഓക്‌സിജന്‍ ഓപ്പണ്‍ ബീറ്റാ 9 ലെയും ഫയല്‍ മാനേജറിലാണ് ടെന്‍സെന്റിന്റെ സഹായത്തോടെ വണ്‍പ്ലസ് ഒരു ഇന്റലിജന്റ് ക്ലീനപ്പ് ഫീച്ചര്‍ ചേര്‍ത്തത്.

സിംഗപ്പുരിലുള്ള സെര്‍വറിലേക്ക്

ഫയല്‍മാനേജറിന്റെ അപ്‌ഡേറ്റ് ചെയ്ത പ്രൈവസി വ്യവസ്ഥകളില്‍ ആവശ്യമുള്ള വിവരങ്ങള്‍ ടെന്‍സെന്റിന്റെ സിംഗപ്പുരിലുള്ള സെര്‍വറിലേക്ക് അയക്കുമെന്ന് പറയുന്നുണ്ടെന്ന് വിമര്‍ശകര്‍ ചൂണ്ടിക്കാണിക്കുന്നു.

ആന്‍ഡ്രോയിഡ് പതിപ്പ്

ആന്‍ഡ്രോയിഡ് പതിപ്പ് ഏതാണ്, ഭാഷ, പ്രദേശം, ഹാര്‍ഡ് വെയര്‍ മോഡല്‍, ആപ്പ് ഉപയോഗ വിവരങ്ങള്‍ പോലുള്ള വിവരങ്ങളാണ് ഇങ്ങനെ അയക്കുന്നത്. നിലവില്‍ ഈ ഫീച്ചര്‍ ഇന്ത്യയില്‍ മാത്രമാണുള്ളത്. ഇത് മറ്റ് രാജ്യങ്ങളിലേക്ക് കൊണ്ടുവരുമോ എന്ന കാര്യം വ്യക്തമല്ല.

ഉപയോക്താക്കളുടെ വിവരങ്ങള്‍

ഈ സവിശേഷത ഇന്ത്യയിൽ മാത്രമാണ് ഇപ്പോൾ ലഭ്യമായിട്ടുള്ളത്, ഈ സവിശേഷത മറ്റുള്ള വാണിജ്യ രംഗത്തേക്ക് വ്യാപിപ്പിക്കുന്നുണ്ടോ എന്ന കാര്യത്തിൽ ഇതുവരെ തീരുമാനമായിട്ടില്ല. മാത്രവുമല്ല, ഇതിനെ കുറിച്ച് വിശദമായി ഒന്നും തന്നെ ഇതുവരെ വെളിപ്പെടുത്തിയിട്ടില്ല.