ഇന്ത്യയിലെ വിദ്യാർത്ഥികൾക്കും അധ്യാപകർക്കുമായി വിദ്യാഭ്യാസ ആനുകൂല്യ പദ്ധതി വൺപ്ലസ് അവതരിപ്പിച്ചു

വൺപ്ലസ് എഡ്യൂക്കേഷൻ ബെനിഫിറ്റ്സ് പ്രോഗ്രാമിലെ ഓഫറുകൾ ലഭിക്കുവാൻ അതിനായി യോഗ്യരായ വിദ്യാർത്ഥികളോ അധ്യാപകരോ അവർ യഥാർത്ഥത്തിൽ ഒരു സർവകലാശാലയിലേക്കോ കോളേജിലേക്കോ പോകുന്നുവെന്ന് സ്ഥിരീകരിക്കേണ്ടതായുണ്ട്. ഈ 'കൺഫെർമേഷൻ പ്രോസസ്സ്' സുഗമമാക്കുന്നതിന് സ്റ്റുഡന്റ് ബീൻസുമായി പങ്കാളിത്തമുണ്ടെന്ന് വൺപ്ലസ് അതിന്റെ ഫോറങ്ങളിൽ സ്ഥിരീകരിച്ചു. സ്റ്റുഡന്റ് ബീൻസ് നടത്തിയ 'വെരിഫിക്കേഷൻ പ്രോസസ്സ്' ഉപയോക്താവ് പൂർത്തിയാക്കി ക്കഴിഞ്ഞാൽ, അവരുടെ വൺപ്ലസ് അക്കൗണ്ടിന് ഒരു പുതിയ കൂപ്പൺ വൗച്ചർ ലഭിക്കുന്നതാണ്. ഉപയോക്താക്കൾക്ക് ഈ വൗച്ചർ ഓഫറിനായി ഉപയോഗപ്പെടുത്താവുന്നതാണ്.

നിലവിൽ എൻറോൾ ചെയ്ത വിദ്യാർത്ഥികൾക്കും ഫാക്കൽറ്റി അംഗങ്ങൾക്കും മാത്രമേ ഈ കിഴിവ് ലഭിക്കൂകയുള്ളു. ഈ ആനുകൂല്യം വർഷത്തിൽ ഒരിക്കൽ മാത്രമേ ഉപയോഗിക്കാനാകൂ എന്നുമാത്രം. ഓഡിയോ ഡിവൈസുകൾ, കേസുകൾ, പ്രൊട്ടക്ഷൻ എന്നിവയുൾപ്പെടെ എല്ലാ ആക്‌സസറികളിലും അഞ്ച് ശതമാനം കിഴിവ് വാഗ്ദാനം നിങ്ങൾക്ക് ലഭിക്കുന്നതാണ്. വിദ്യാർത്ഥി അല്ലെങ്കിൽ ഫാക്കൽറ്റി അംഗത്തിന് നൽകിയ വൗച്ചർ അവരുടെ വൺപ്ലസ് അക്കൗണ്ടുമായി ബന്ധപ്പെടുത്തിയിരിക്കുന്നു. അത് ആ വ്യക്തിക്ക് മാത്രമേ ഉപയോഗിക്കാൻ സാധിക്കുകയുള്ളു. ഒരു വർഷത്തെ പരിശോധനയ്ക്ക് ശേഷം വൗച്ചറിൻറെ കാലാവധി അവസാനിക്കും. ഉപയോക്താക്കൾക്ക് വീണ്ടും ഒരു പുതിയ വൗച്ചർ ലഭിക്കാൻ 'റീ-വെരിഫൈ' ചെയ്യേണ്ടതായുണ്ട്.

വൺപ്ലസ് അടുത്തിടെ വൺപ്ലസ് 8 ടി സ്മാർട്ട്‌ഫോൺ ഇന്ത്യയിൽ 42,999 രൂപയ്ക്ക് അവതരിപ്പിച്ചു. രണ്ട് സ്റ്റോറേജ് കോൺഫിഗറേഷനുകളിലാണ് ഈ സ്മാർട്ട്ഫോൺ വരുന്നത്. 8 ജിബി + 128 ജിബി സ്റ്റോറേജ് ഓപ്ഷന് 42,999 രൂപയും, 12 ജിബി + 256 ജിബി സ്റ്റോറേജ് വേരിയന്റിന് 45,999 രൂപയുമാണ് വില വരുന്നത്. 120 ഹെർട്സ് ഡിസ്‌പ്ലേയും 4,500 എംഎഎച്ച് ബാറ്ററിയും ഈ ഹാൻഡ്‌സെറ്റിൻറെ പ്രധാന സവിശേഷതകളിൽ ഉൾപ്പെടുന്നു, അത് വെറും 39 മിനിറ്റിനുള്ളിൽ പൂർണമായി ചാർജാകുമെന്ന് അവകാശപ്പെടുന്നു. വൺപ്ലസ് 8 ന്റെ 30W ചാർജിംഗ് ശേഷിയിൽ നിന്ന് 65W ഫാസ്റ്റ് ചാർജിംഗിനെ ഇത് സപ്പോർട്ട് ചെയ്യുന്നു.