പുതിയ 125W ഫ്ലാഷ് ചാർജിങ്ങ് സാങ്കേതികവിദ്യ അവതരിപ്പിച്ച് ഓപ്പോ

125W VOOC ഫ്ലാഷ് ചാർജിംഗ്, 65W AirVOOC വയർലെസ് ഫ്ലാഷ് ചാർജിംഗ്, 50W, 110W മിനി സൂപ്പർവൂക്ക് ചാർജറുകൾ എന്നിവ പുതിയ പ്രഖ്യാപനങ്ങളിൽ ഉൾപ്പെടുന്നു. ഔദ്യോഗിക അറിയിപ്പ് കണക്കിലെടുക്കുമ്പോൾ ഈ സാങ്കേതികവിദ്യകളും ചാർജറുകളും ഭാവിയിലെ ഓപ്പോ ഉപകരണങ്ങളിൽ ഇടം നേടാൻ സാധ്യതയുണ്ട്. ലോഞ്ച് ഇവന്റിൽ ഓപ്പോ ഫ്ലാഷ് ചാർജ് ചെയ്യുന്ന പ്രഖ്യാപനങ്ങളെക്കുറിച്ചുള്ള വിശദാംശങ്ങൾ ഇവിടെ പരിശോധിക്കാം.

ഓപ്പോ പുതിയ VOOC ഫ്ലാഷ് ചാർജ് സാങ്കേതികവിദ്യകൾ പ്രഖ്യാപിച്ചു; വിശദാംശങ്ങൾ

മുൻനിര സ്മാർട് ഫോൺ നിർമാണ കമ്പനിയായ ഒപ്പോ 125W ഫ്ലാഷ് ചാർജ് സാങ്കേതികവിദ്യ അവതരിപ്പിച്ചു. 4,000 എംഎഎച്ച് ബാറ്ററി വെറും അഞ്ച് മിനുറ്റിനുള്ളിൽ 41 ശതമാനം വരെയും 20 മിനുറ്റിനുള്ളിൽ ഇതിന് പൂർണമായും ചാർജ് ചെയ്യാൻ കഴിയും. പുതിയ സാങ്കേതികവിദ്യ കമ്പനിയുടെ നിലവിലുള്ള സൂപ്പർവൂക്, വൂക് ഫാസ്റ്റ് ചാർജിങ് പ്രോട്ടോക്കോളുകളുമായി ഒത്തുചേരുന്നു. എല്ലാ സുരക്ഷയും സുരക്ഷാ പ്രോട്ടോക്കോളുകളും പാലിക്കുന്നുണ്ടെന്ന് ഓപ്പോ പറഞ്ഞു. മെച്ചപ്പെട്ട ചാർജിംഗ് കാര്യക്ഷമതയ്ക്കായി ഇത് "സീരീസ് ബൈ-സെൽ" ഡിസൈൻ ഉപയോഗിക്കുന്നു. 

ഡിസ്ചാർജ് ചെയ്യുമ്പോൾ ചാർജർ ഡ്യൂവൽ സെല്ലുകളുടെ പകുതി വോൾട്ടേജിൽ ചാർജ് പമ്പുകൾ ഉപയോഗിക്കുന്നുവെന്ന് ഈ ഡിസൈൻ ഉറപ്പാക്കുന്നു. സ്മാർട് ഫോൺ ഉപയോക്താക്കൾക്ക് മികച്ച സേവനം നൽകുന്നതിനായി കമ്പനി 50W മിനി സൂപ്പർവൂക്കും 110W മിനി ഫ്ലാഷ് ചാർജറുകളും പുറത്തിറക്കി. പി‌ഡി, പി‌പി‌എസ് പ്രോട്ടോക്കോളുകൾ‌ക്ക് പിന്തുണയുമായി യു‌എസ്ബി ടൈപ്പ്-സി പോർട്ട് വരുന്നുണ്ടെന്നും കമ്പനി വെളിപ്പെടുത്തി. 125W ചാർജർ സ്മാർട്ട്‌ഫോണുകൾ, ലാപ്‌ടോപ്പുകൾ, മറ്റ് ഉപകരണങ്ങൾ എന്നിവയിൽ ഉപയോഗിക്കാൻ കഴിയുന്നതാണ്.

നിലവിലുള്ള സൂപ്പർവൂക്, വൂക് ആർക്കിടെക്ചറുകളുടെ ഒരു പുതുക്കിയ പതിപ്പാണ് ഓപ്പോയുടെ 125W ഫ്ലാഷ് ചാർജ് സാങ്കേതികവിദ്യ. വേഗത്തിലുള്ള ചാർജിങ് നൽകുന്നതിനായി ഓപ്പോ പ്രത്യേകം ചിപ്പുകൾ വികസിപ്പിച്ചെടുത്തു. ഈ ചിപ്പുകളിൽ ഒരു വിസിയു ഇന്റലിജന്റ് കൺട്രോൾ ചിപ്പ്, എസി / ഡിസി കൺട്രോൾ ചിപ്പ്, എംസിയു ചാർജ് മാനേജ്മെന്റ്, ചിപ്‌സെറ്റ്, ബിഎംഎസ് ബാറ്ററി മാനേജ്മെന്റ് ചിപ്പ്, ഒരു കസ്റ്റം പ്രോട്ടോക്കോൾ ചിപ്‌സെറ്റ് എന്നിവ ഉൾപ്പെടുന്നു.

കൂടാതെ, വേഗമേറിയ ചാർജിങ് സാധ്യമാക്കുന്ന ചാർജർ യുഎസ്ബി ടൈപ്പ്-സി ഇന്റർഫേസിൽ 20V / 6.25A സപ്പോർട്ട് ചെയ്യുന്നു. 64x61.5x30 എംഎം അളവുകളും 153.8 ഗ്രാം ഭാരവുമുള്ള നിലവിലുള്ള 65W സൂപ്പർവൂക് 2.0 ചാർജറിനേക്കാൾ ഇതിന് വലിപ്പം കൂടുതലാണ്. ഭാവിയിൽ 125W ഫ്ലാഷ് ചാർജ് പിന്തുണയ്‌ക്കുന്ന ഹാൻഡ്‌സെറ്റിൽ മാത്രമല്ല പിന്തുണയ്‌ക്കുന്ന മറ്റേതെതെങ്കിലും സ്മാർട് ഫോണുകൾ, ലാപ്‌ടോപ്പുകൾ എന്നിവ ചാർജ് ചെയ്യാനും ഈ പുതിയ സംവിധാനം പ്രയോജനപ്പെടുത്താമെന്ന് ചുരുക്കം.

കമ്പനി 50W മിനി സൂപ്പർവൂക് ചാർജറിലും 110W മിനി ഫ്ലാഷ് ചാർജറിലും വളരെ ചെറിയ പോർട്ടബിൾ പാക്കേജിൽ ഫാസ്റ്റ് ചാർജിംഗ് സാങ്കേതികവിദ്യ വാഗ്ദാനം ചെയ്യുന്നു. മിനി സൂപ്പർവൂക്ക് ചാർജർ "ലോകത്തിലെ ഏറ്റവും ചെറുതും കനം കുറഞ്ഞതുമായ 50W ചാർജറാണ്" എന്നും കമ്പനി അവകാശപ്പെടുന്നു. 125W ചാർജറിന് സമാനമായി, 50W മിനി ചാർജർ ഒന്നിലധികം ചാർജിംഗ് പ്രോട്ടോക്കോളുകളെയും ഉപകരണങ്ങളെയും പിന്തുണയ്ക്കുന്നു.

100 ഹെർട്സ് പൾസ് ചാർജിംഗ് അവതരിപ്പിക്കുന്ന ആദ്യത്തെ ഉൽപ്പന്നമാണിതെന്നും കമ്പനി അവകാശപ്പെടുന്നു. 110W മിനി ഫ്ലാഷ് ചാർജറിൽ ഓപ്പോ ഡ്യൂവൽ -ലെവൽ ഡിസൈനും ഉപയോഗിച്ചിട്ടുണ്ട്, അതേസമയം വലിപ്പം കുറയ്ക്കുന്നതിനായി ഒരു ഇലക്ട്രോലൈറ്റിക് കപ്പാസിറ്റർ നീക്കം ചെയ്യ്തു. "ലോകമെമ്പാടുമുള്ള 5 ജി റോൾഔട്ട്, ഗെയിമിംഗ്, വീഡിയോ എന്നിവയുൾപ്പെടെ ഉയർന്ന ഊർജ്ജ ഉപഭോഗ ആപ്ലിക്കേഷനുകളുടെ ഉപയോഗം കാരണം മൊബൈൽ ഫോണുകളുടെ ബാറ്ററി ലൈഫിനും ഉപയോക്തൃ ചാർജിംഗ് അനുഭവത്തിനും പുതിയ വെല്ലുവിളികളെ പ്രതിനിധീകരിക്കുന്നു," ചീഫ് ചാർജിംഗ് ടെക്നോളജി സയന്റിസ്റ്റ് ജെഫ് ഷാങ് പറഞ്ഞു.